Тексты
Вернуться к списку | редактировать | удалить | Создать новый | Статистика | ? Помощь
Корельская Исповѣдь
Корельская Исповѣдь
Корельская Исповѣдь
карельский: собственно карельское наречие
Старописьменный тверской карельский
Riähkähine
go olet ristikanža ?Tiijät go , što riähillä šie šiännytit Jumalua ?Tiijät go , što riähistä šiula lieu uadu , kuin et rubie Jumalalda prossie miilostie i proščenija ?
Jaguat go miula , što šie täh šuat pahoin elit ?Rubiet go täštä šuat elämäh paremmin ?Rubiet go riähistä pagizemah ?
Kaikin go kera miriečit ?Ei go pie ken šiun piällä vihua ?Vierit go , što kuin rubiet Jumalalla ruguoliečemah , ni hiän laškou šiun riähät ?Itit go riähistä ?Ite , i pakkuo proščenja Jumalalda , ei niin lienet uadušša .Hyppiä riähäštä , ei niin elä vuota miilostie !
Vieruičet go Jumalah ?
Šuačet go Händä ?
Počitaičet go Händä ?
Kumardelet go Jumalalla ?
Počitaičet go Ugodnikoida Jumalan ?
(слово , сынъ , papisʼtʼä привести ).
Et go vardeiliečen ***?
Et božieče ?
Počitaičet go pruazdniekkoja i pyhä päiviä ?
Aivoin pruazdniekkah et go šyönyn libo juonun ?
Et go jättän kävimistä kirikköh ?
Tiijät go malitut : Vieruiče , Отче нашъ , и Bogoročča ?
Konža malitulla šeizot , ei go ollun mieleššä midäi budʼ toista libo pahua ?
Počitaičet go tuattuo i muamuo ?Et go šiännytän konža heidä ?Šanalla ?
Et go pidän konža mieleššä pahua hein kohtah ?
En go toran hein kera ?Kuundelet go heit ?
Počitaičet go Cuarie ?Načalʼniekkoja ?Vanhembie kuulit ?I jogo paikašša ?Pappie ?Pappilistuo .
Kumardelet go cuarin eičči .Načalʼniekoin eičči .Papin , i tuaton , i muamon .
Pakkuot heilä Jumalalda kaikkie hyviä ?
Et go tappan kedä šurmah šuah ?
Et go toran i et go lyönyn kedä ?Et go pie vihua ?
Et go šanalla obiidin kedä ?
Et go haukkuočen kenen kera ?
Et go kedä haukkun näin : *** paha , pahalane i toizin šanoin .
Elä nikedä , hotʼ jagauvuta ***, a druuguzen .
Ei go ollun duumašša midä .
Et go elän vierahan naizen ili mužikan kera ?
Et go venčan iellä elän kenen kera ?
Et go šuačen kedä tyttyö , brihua iellä venčua .
Et go nyt kedä šuače ?
Et go nyt elä kenen kera ?Täh šua ?
Et go pruazdniekkoih muannun mužikan kera , naizen kera ?
Et go pyhäh .
Pežemättä jälgeh maguandua naizen , mužikan kera et go ollun kiriköššä ?
Et go piätinčäh i kolmana piänä maguan ?
Et go kargajan ?Laulan virtä pahua ?Kävyn besʼoudoilla .
Et go kedä opaštan kargajamah , virtä laulamah , blʼaduimah ?
Et go kedä muanittan pahah azieh ?
Muatilla et go haukkuoče ?
Vierašta ottan ?
Et go muanittan kedä , konža möit midäi ?
Et go löydän midä i et šanon ni kellä , peitit ?
Et go keldä vägeh ottan ?
Et go midä sirotinoilda kiskon libo muanittan ?
Et go kiskon , libo muanittan , libo vienyn keldä -lʼuubo i midä -lʼuubo .
Kuin tänä on , nin pidäy järelläh viijä niillä keldä otit , tuala keštä kissoit .
Et go valehtelen kenen piällä ?Et go osudin ?Moitin kedä ?
Naroš i ei naroš et haukkun kedä šiksi , štobi händä piettäisʼ pahakši miehekši i ei šuattaisʼ ?
Tämä šuuri on riähkä .
Kieli i šuu annettu meilä šiksi , štobi jogo mieštä kiittiä ?
Et go andan naprasnoida prisʼagua ?Tämä riähkä on žen muone , što häneštä pidäy täyži igä molie .
Et go zaviduičen kellä ?Et go ottan vierašta naista , hevosʼtʼa , pertie , lammašta , kaftanua , paikkua – yhellä šanalla šanuo vierašta midä -olgah ; ei pie i mieleššä duumaija näin : Elä ka hänellä mi -libo miityš on naine , talo , kaftan i kahet , a miula eu ?
Pidäy šillä i olla dovolʼnu , mi Jumala Šyöttäjä ando ; hiän parembi meidä tiedäy , mi meilä pidäy i mi ei pie .
Et go peitä toizie riähkie ?
Корельская Исповѣдь
карельский: собственно карельское наречие
Старописьменный тверской карельский