Texts
Return to list | edit | delete | Create a new | history | Statistics | ? Help
Kaži i reboi (sаrn AA 103)
Kaži i reboi (sаrn AA 103)
Veps
Central Eastern Veps
Eli
endo mužik derüunäs .
Necuu mužikau oli kaži gö vanh .
Mida tehda , hän pakostib pahoin’ .
Nece mužik küks’ kažin' mecha .
Kaži mecha astui , astui .
Putui reboi vastha : «Kuspäi sina astud ?».
– «A astun mina verhiš maišpäi ».
– «A kut siniiž ningimalo zverilo om nimi ?».
– «Mina olon mechiine ižand .
Ningitte miniin’ nimi .
Kaikiden zveriden päu mina olon vanhamb ».
– «Nu , elagam nügüt’ sina da mina ühtes », – reboi pagižeb kažile .
– «Elagam ».
Reboi ičezo kodihe necon kažin’ vii .
Oli side ningitte ojäine , ojäižennu sur’ kuz’ , a kuzon au-se reboi kaiken eli .
Nu elotas side gö .
Reboi käub mecame .
Putui händikaz vastha : «Nu , kut , kumuška , elad ?».
– «Elan-se mina hüvin’ nügütte .
Mina olon nügüt’ nainu , om ottud minäin’ načal’nik , kaiken mecan päu ižand ».
– «Nu , a kut-bi miniin’ , – saub , – hänt kacauta ?».
– «A kacauta ka ... hänolo nikut ii sa mända güudgil’ käzil , hän om pahoin’ paha .Gesl’i güudg’au kädou mänod , nimida tomašt , ed ve , ka hän sindaiž kaiken süumadki kaivab dai söb .
To , – sanui , – barak , ka barakome tulo .
Naku necon ojäižennoks , necon kuzon au mö elam ».
Händikaz tariž postaraidakse .
G’oks’ , barakon tabaz’ derüunäs sigau .Mecha uugau toi barakon , tači , rebitöl’ vaumheks nahkan kaiken .
A kaži näughiine , söda tahtoib ka .
Kaži händikast varaidab , kacub oksid’enaupäi , piitnukse da .
A händikas-se side mas ištub .
– «Kut-šo , – saub , – hänt tariž nähta-se miniin’ ».
– «Näge da tol’ko opasaide , ika hän sindaiž söb ».
Händikaz-se lapau ševelib oksadno , kaži sigäupäi hurahtab üräidustme , händikaz toropihe da göksti uidmaha .Händikaz uidi .
Kaži barakolo pälo libui da reboi (libui ).Söd’he , söd’he da möst išttas .
Nece reboi möst läks’ šläbäidamha .
Möst mecame käui , käui , putui kondi vastha : «Nu , kut , sizar , elad ?».
– «Elan hüvin’ , mina olon nügüt’ nainu , om minain’ ottud hüvä ižand . Mecas kaikiden zveriden päu hän om vanhamb ».
– «Ka kut miniin’ hänt tariž nähta ?».
– «A nähta ka ... tulo naku nečile sijaiželo , nečile nituiželo , necon ojäižennoks .
Mö kuzon au häntme elam .
Toko tulo ala güudg’au , to midani lihäd , ika hän sindaiž söb , om pahoin’ paha , süumadki kaivab ».
Nu , kondi mida ...postaraihez gö sig’au .Mäni , tabaz’ lambhan , toi , necen kuzon allo pani .Varaidab kondi kažid’ , a kaži varaidab kond’g’ad .
Möst nece kaži ištub oksiden au .
Reboi pagižeb : «Kuššo olod sina ižand minun ?»
Se sig’aupäi näugahti .
A kondi-se sanub : «Kutšo miniin’ - nähta ?».
– «A nähta ka , – sanui , – sina kacauda , oksadno lendauda ».
Kondi oksad-no lapau kosketab , kaži-se toropiše da pr’amo kond’g’alo modolo hüpähtab-gi toropas-se .
Hüpäht’ kaži , kondi toropihe da göks’ti .
Hijau gö lihäd sig’au skopihe kaks’ ningišt’ surid’ ...
Reboi da kaži elotas da necen lihän södas kahton kes’ken , a kondi da händikaz ii nähnugoi-ki hänon mužikad .
Reboi mahtab manit’uuda .
Necile i sarnaine-ki vaumičehe .
Elotas da lihän södas .
Kaži i reboi (sаrn AA 103)
Veps
Central Eastern Veps
Кот и лиса (Сказка)
Russian
– «
– «
– «
– «
– «
– «
– «
– «
«
– «
– «
– «
– «
«