Texts
Return to list | edit | delete | Create a new | history | Statistics | ? Help
Karzn’as eli kikimara (sаrn)
Karzn’as eli kikimara (sаrn)
Veps
Central Eastern Veps
Eletihe mužik
da ak .Karzn’as eli hijou kikimara .
Mida vedas karzn’ah’a , ka hän kaik söp .
Ühtüu ehtkeičuu ak-se ištįihe da vilan kezerdab .
Kezerdab vilad da pajatab .
A kikimara sigou pagižepki : «Marja , sina ištut ?».
– «Ištun ».
– «Kezerdat ?».
– «Kezerdan ».
– «A miččen vilan ?».
– «Mustan ».
– «Ka mina tulen sinunloks besedalo ».
– «Tulo , tulo ».
Hän karzn’aspe-se sigou pälišeki .
Tuli , ištįihe , hibusot pästtut , mugažo kožal’ hänuu , kezerdab .
Kezerz’ , kezerz’ tainit’ , möst karzn’ah'a uidi-ki .
Potom mužik-se tuli kodihe , ak-se magatha panihe , mužikale-se šuhaidab : «Mijou karzn’as-se kaik sijat söp , kikimara sigou om , tämbäi minunlu besedou oli ».
– «D’o-se ?».
– «Verno !»
– «No ka sina teižuu ehtkeičuu kucu ».
Hän mäni dai teižuu ehtkeičuu kucui-ki .
Uidi mužik-se möst gul’aimaha (hän päčinpäu kožuhan taga peitihe ), kunutan ot’ .A hän sigou ištįihe i möst kezerdab ak-se .Marja-se , pajat pajatap .
Hän sigou möst küzup-ki : «Mida sina , Marja , kezerdat ?».
– «Kezerdan ».
– «A mužik-se om kodiš ?».
– «Eile , mužik uidi gul’aimaha ».
– «Ka mina tulon besedalo ».
– «Tulo , tulo ».
Tuli , da ištįihe , hibusot päst’ , kezerdab .
A mužik päčüupäi läks’ , tabas’ hänt hibusiš da muga lei , ka hädi hän pertišpei-se .
Bol’še ei käuškant , muga erigans’ .
Karzn’as eli kikimara (sаrn)
Veps
Central Eastern Veps
В подполье жила кикимора (Сказка)
Russian
– «
– «
– «
«
– «
– «
– «
– «
– «
– «
– «
– «
– «
– «
– «