Texts
Return to list | edit | delete | Create a new | history | Statistics | ? Help
Kut tagasou pütäs kalan
Kut tagasou pütäs kalan
Veps
Central Eastern Veps
Gädme pütäs .
Naznačaidas emanikat , potom
zerdnikat .Kaks’ žerdnikat tari , potom purasnikat puraheidme , sit’ kokotnikat .
Eduu proluban purastadas i snastin sinna pästuudas .
Poles i teižes soumat , soumįde siinat .
Lähtas eduu soumįle , potom souman pästas , hiikahtas-ki : «Siinalo !».
Lähtäs-ki siinime , siinalo vedäškatas .Potom lähtas i vedetas-ki emadusolo , emadusho proluban tehtas mugažo , karan necen purastadas i kaiken notan vedetas emadusho .
Emadusospäi möstona teišhe , kaik naku ninga i mänop-ki , kaiken peivan , vedotas i vedotas .
Tagasou pütäs ka rahvast äi om : kuume emanikat , kaks’ žerd’nikat , kokotnikeit’ kahcan , purastajit’ kahcan .
San’get gä ka kahcan , a hoik gä ka kuumo-ki purastajat oloskendop .
Purastajat purastadas prolubat , karat tehtas .
Žerdnik nenime karid’me ajap žerdin' gännou .
Hänou hank’ nin'gitte i hangou gännou otlop žerdin’ i nin’ga ajap-ki prolubaižespäi teišhe prolubaha .
Žerd’he sidotut nor , hänlo andloudas slabin , miše žerd’ veiš ajada .
Potom kokot’nik otap , nečiš noras vedetas-ki kokotin’ , a poloni g’o tulop not iče , notan vedelas g’o .
Notan vedetas emaha , a siiname kaik , prolubime vedetas noran .
Kala v’sakii püdäso notou – mitte ema .
Gesli ema harf , kala gäret putup , a gesli paks ema , i gäret putup , i hen putup .
Kala om raznį : sär’gine , ahven’ , puttas hougit’ , lahnat , söügnat .
Gägetihe kalan muga : kos’ak – nel’ süut .
Kos’akolo naznačaiše muga : om arp .
Üks’ kos’ak ka üks’ arp , akalo kokotnikalo üks’ arp , purastajalo pol’tošt’ , emanikalo mugažo pol’tošt’ , nu i nečile žerdnikalo pol’tošt’ .
Naku nenime arbįime i gägetas kalan .
Erasuu kos’akeit’ om kuumo – kuumo polučit’ arbat kos’akolo , a teižuu üks’ – naku kalan pandas-ki .Vesuiškatas-ki , funtįl’ vesuiba .Sinin’ necevers’ tulop kalat , kümnen sigou funtat libo kuvers’ sigou ühtelo nece , a kuumolo – ka g’o kuumoküme tulop .
Kezou prostomba pütä , mi touvüu .
Kezou sobiraiše mugažo , pütäs sebrou .
Nin’gittežo not , mi i touvüu , mugittežo kezouki not .
Kezou tari g’o venehet .
Üks’ otap venehezo krilan , teine otap mugažo krilan i eman .
A beregou noriš pidetas .
Venehüu necen notan ajetas i čudlüudas .G’oges ili gärves ajap i čüdlop , üks’ polospäi ajap , a teine teižespäi .Emahassai tuliba , emän necen čütas mugažo gärfhe .
Kudamot bergou , sed vedaškatas notan , krugan zaffattas i vedetas-ki .
Emanik mugažo om , emanik vedab g’o silei , hö vedaškatas krilat , a hän vedap noraižuu .Kons tuleškatas znamat , ningažo tabatas i ühtetas .Kezou nece kebnemba , vähemba tari narodad , tol’ko veneh tari da snast’ .
Not tehtut kos’akoišpäi , naku nel’ süut kos’ak .
Eduu ei ühtes elanuhu , ei ninga kolhozas ka .
Minein’ , sanogam , kos’ak ili kaks’ ka üht’he sijaha omblin’ .Potom teine tovariš g’o omblop minun kos’akoihe .Ninga naku ombluudas kos’ak kos’akoho ühten seinan , a potom teižen seinän ningažo .A potom eman ombluudas ...
G’og’uu ka beregalo vedetas , a gärvüu ka venehezo g’o lenduudas .
Kos’akon kudot i ištutat norįle .Süugile kos’akos tari , miše oliš slabin ...
Kut tagasou pütäs kalan
Veps
Central Eastern Veps
Как тагасом рыбу ловят
Russian
[