Texts
Return to list | edit | delete | Create a new | history | Statistics | ? Help
Kut kävelimei jänišoihe
Kut kävelimei jänišoihe
Veps
Central Western Veps
Vellenke
ühten kerdan mänimei mectamaha mii kahten kes’ken .
Mec edahan diki , virstad kahesa .
Vot astumei kod’he .
Oli miil’ koir , Karzon .
Astumei kod’he , vdrug koir nutaškanz’ oravan .
Aig ol’ sügüz’ .
Mii necen oravan ambuimei i kogoneižen pejan nimidä sadud em .
Konz tulimei lähele kodid’ , homaičimei – mi-se vougištab penshil’ kes’kes .
Minä san : «Mihail , kacke , naku om janiš ».
Hän sab : «Hüvä , andako oružj , minä ambun hänen ».
Minä otin’ , andoin’ hällе oružjan , hän skokkaht’ karas päliči i jänišaha rindale podoidiškanzi .
Hän podoidi i bangeiž , ambui .
Kacuhtin’ – ka jäniš bokou venub .
Mihail oružjan kädhe i hänеlе rindale skokkaht’ .
Konz hän skokkaht’ rindale , jäniš mugažno skokkaht’ .
Hän ümbri penzast , jäniš-se , Mihail jäl’g’h’e jän’išad , vuu sid’ koir t’öndui .
Üks’ joksendab , toine jäl’ghe , kuumanz’ ...Sihessei joksenzimei , što nece jäniš pagen’ .
Kut kävelimei jänišoihe
Veps
Central Western Veps