Texts
Return to list | edit | delete | Create a new | history | Statistics | ? Help
Kut kävin’ mecoid’ samha
Kut kävin’ mecoid’ samha
Veps
Central Western Veps
Mecoin’
kim’ interesnii .
Tariž mända aigoiš , mišto homenczor’ad ii magata , pimedeižes lähtta , poliš üin’ .
Kuden virstan taga minä mänin’ .Konz minä mänin’ sin’n’a , tegen’z’ jo kuume časud homendest .
Mecoi zavodi kimdä hämäreižes .
Kulištin’ – klokkab , kobegan’z’ .
Minä podoidiškanzin’ necen mecoinnost .
Kuni minä podoidin’ , kulištin’ – jäl’gil’ ken-se höpkäb .
Minä san : «Ken-ni ristit om , ii mahta kimitada , tedan , senes käveleb ».
Mecoi ol’ višküme metrad minuspei , kului čomin’ diki , kut kimib .
Kulen kaiken aigan ken-se höpkäb jäl’gil .
Kaclemoi pimedaha , polhe , toižhe – nikus nikeda en näge , a kulen ken-se höpkäb .
Kenak hän om ?
Heikahtad ka mecoi hiitäb kimindan .
Jäl’gmäi minä podoidiškanzin’ , tulin’ prosekale , prosekal čapet pedei .
Sen pedeiladvan minä ümbärzin’ .
Čut’ kočkahtad ka i mecoi lendab , kulištab ka .
A kondi-se tuukuind ii nečida , hän ladvale i valihez , tegi šumun .
Ladv katten’ , minä punouzimoi , kacun ka siižub korttemb mindei mugoine kondi .
«Kuna sinä tulid' ?».
A hän : «Hä !».
Kelen oigen’z’ minuhuin’ .
Minei i jougad i käded i kaik sijad ...em mušta omk kepk päs ili ele .
Nikut emboi nimidä tehta , muga i hot’t’as kaik sijad .
Jäl’gmäi koje-kut uspokoimoi , otin’ patronan pul’kanke čokaižin toižen kädhe , nečhe kond’jaha ampta zavod’in’ , ka ampta emboi nikut .
A hän siižub da kelen ozuteleb minei da šahaidab : «Hä-ä , sab , putuid’ nugde sinä , naroviške , minä sinei ozutan ».
Sit’ kojo-kut uspokoimoi , pricelimoi , ku poukeidan , kondi bokale sihe skloraht’ , ohkaht’ , kutn’a sada mest’ heikaht’ da minuspei pagod , minä jäl’ghe .
Jokseb metrad sada da möstona siižutase da möst : «Oho-ho ».
Minä san : «Miak sinä kidastad , vähou putui ?».
Hän möstona : «Oho », – vuu kidastab enambou .
Möstona jokseb , möstona minä jäl’ghe hänele .
Potom minä dumain’ : «Mihe minä durak joksen , hän kuna-ni siižutase da voib söda ».
Pörzimoi tagaz .
Minä san : «Ambuin’ - verno ili en ?».
Tulin’ ani sille sijale , kacuhtin’ – točno .
A pul’k-se ol’ minei razrivnįi .
Konz minä ambuin’ , putui karvoidmu i händast oskolkoil’ vaišena ozeiž , a ii kaikuu pul’kou .
Potom pigembali kodhe prikatin’ turuda , ika , minä san , toine tuleb ningoi ka lineb čudad siloi .
Tulin’ kod’he .
Mam sab : «Mijak sinä aigoiš tulid’ ?».
Minä san : «Ala pagiže , tämbei ambuin’ minä kondjaha , da koje-kut minä päzuin’ ».
«Nece , sanob , čud ka čud , igäs ningošt’ eleškend ».
Kut kävin’ mecoid’ samha
Veps
Central Western Veps
Как я охотился на глухарей
Russian
«
– «