Texts
Return to list | edit | delete | Create a new | history | Statistics | ? Help
Kut Platon papin’ oli
Kut Platon papin’ oli
Veps
Central Western Veps
(Sarn
)
Ende derüunas koli pap . Papid’ ele .
Mužikoid’ enambid’ kir’häd’ niken t’edä ii .
A oli mugoine hotkii mužik , Platonaks kucuiba .
Händast papikš valičiba .
Mugažo kir’hä ii tedand .
Mändas ristitud pagastaha .Nece Platon diki sanktan knigan tob outrišpei : «Susedad , tedatei necen knigan ?».
Sigä sanotas susedad : «Tedamei ».
– «Tedatei , ka ii tari lukt’a ».
Tagas outrihe vöb .
Toižen kerdan mändase pagastaha pühänpejan .
Möst nece Platon lähteb suren kniganke sigäpei : «Susedad , tedatei necen knigan ?».
– «Tedamei ».
– «Tedatei , ka ii tari lukt’a ».
Vüi sinnä outrihe da sanub : «Susedad ...».Läks’ kadel’nicanke sigäpei : «Min’ minä radan , se i tii ».
Hänou sapuksär’he hil’ langez’ .Hän lankteiž , jougad ülähäkspei träsib .Narod-gi jougad ülähäkspei , da i träsiše .Min’ radab Platon , sen ratas i susedad .
Hüvä , möst služb proidi .
Erasen kerdan mäniba pagastha . Da nece Platon lähteb kniganke outrišpei : «Susedad , tedatei necen knigan ?».
Nu , sigä eras sanub : «Tedamei , emei tekoi , da lukt’a tariž ».
Hän saab : «Susedad , kuivakatei suhrid’ , a sinä , otec d’akon , soupta iknad i verjad , lugeškandemei kuume nedalid’ ».
Narod darom knig , kaik ukshe da uidiba pagastaspei .
Midä tari ?
«Kuckam arherejad da žalg’amoiš , miak ninga Platon radab , necidä knigad ii luge da vu ladib pagastha soubata ».
Arherejan kucuiba .
Tuli arherei , arherei sanub : «Nu , Platon , probui-ko slušt’a ».
Platon kadel’nicanke läksi da i saab : «Otec arherei , outriš čogeižes trista rublei den’goid’ ». Hüvä .
Nece män’ arherei .Kacuht’ , kuume sadad den’goid’ čogeižes , ot’ , kormanha pan’ , surhe , ot’ kadel’nican Platonoupei , tuli : «A sinä , otec Platon , elä edlespei papin’ ».
Muga i Platon papikš jäi .
Kut Platon papin’ oli
Veps
Central Western Veps
Как Платон попом служил
Russian
– «
– «
– «
– «
«