Texts
Return to list | edit | delete | Create a new | history | Statistics | ? Help
Kut soudat čortid’ open’z’
Kut soudat čortid’ open’z’
Veps
Central Western Veps
(Sarn
)
Ende astui soudat soudatanpei kod’he .
Mašinoid’ elend , ni midä .
Sur’ diki perelesk .
Astui , astui , a necil’ pereleskou üks’ eli uk da ak .
Enamb eleid’ elend .
Nece soudat tuli , tari ö magata , surdui .
Taričese öks : «Pästa , d’ad’a , öks ».
– «Ka pästeižin’-se , pästeižin’ , da ičemoil’e-ki ele sijad .
A vot om toine pert’ , bude rohtid' magata sigä , ka mäne ».
– «Ka mijak minä en rohti ?».
– «Ka vot kut , prihäč-soudat , ken sinnä panese , enamb tagaz niken ii lähteske ».
– «Minä-se surduin’ i panemoi . Da i kedak sigä om ?».
– «A eletas sigä čortad ».
– «Čortad oma ka minä čortid’ vįživin’ ».
– «A vįživid’ čortid’ ka minä andan tütren mehele da i necen pertin’ sini andan ».
Soudat oti , män’ toižhe pert’he , päčin’ taga ličoihe da i kacub .
Kundli , kundli , ka kacuht’ , polišüin’ ka – čortit’ tuleškan’z’ .
Ka čort tal’jankanke tuli , ka vändab , ka kargeitas , kokitas , ken-gi kut .
A eraz čorteine i soudatan sigäpei homeič .
«Kackat , om naku soudat , mii händast opendamei ».
Soudatan sigäpei vediba keskele lavad , ii tekoi , mi zavot’t’a , kut händast mokita .
Soudat saab : «Ougat tii mokikoi , ankat minä hot’ tiile vändoudan .
Kargeidoudatei da eskei mindei mokičeškandetei ».
Andoiba čortat tal’jankan .
Hän ištuihe .A tal’jankou-se väta mahtoi čomin’ .
Ištuihe .Ot’ ku väta , ot’ ku väta , ka čortad kargeižiba surdundhassei .
Kaikile väta ofot teg’hez opetas .
«A sinä miid’ ninga opendeižid’ vänmaha da mii sindei emei kostteiš ».
– «A mijak en openda ?
Mängät-ko , – sanob , – tehkatei sur’ kurik ».
Kurikan tegiba čortad , toiba .
«Tehkat , saab , naku riig sverlou läbi siinäs ».
Čortad riigun sverliba .
Hän sanob čortale glavnijale : «Čokeida pä ».
Čort pän čokeiž .
Hän necil’ kurikou perskhe höpseiž - čort läbi siinäs män’ .
Kaikid’ čortid’ läbi siinäs pästli , ni ühted čortad ele .
Läksiba čortad , hän pan’he magatha , homencehessei magaz’ holeta .
Homencuu libui , čortat ni ühted ele .
«Män’gät , kackat , om-ik soudat-se ».
Tuliba kacmaha , ka soudat magadab , likutelese .
Soudatan nuustatiba .
Nu , uk andoi tütren mehele .
Svad’ban svad’boičiba .
Necen pertin’ pridannijaks sigä .
Soudat eläb akanke .
Eletasoi voden .Tuli toine sügüz’ .
Akanke soudat mäni sole garbl’oho .
Garb’uud poimdas .
Sigä üks’ čort tundišt’ necen soudatan .
N’ugd’e , saab , mii opendamei sindei .
Män’ , čortile vestin’ satoi .
Čortad keradeleškanzihezoi .
Soudat häpstui , ii teda , midä zavot’t’a .
«A užoške otan minä , saab , naku kalun da soho-se punotaškanden .
Hiid’ jo sverlou sverliba ka varegatas n’ugde aigoin’ ».
Ot’ kalun , soho ku punotaškan’z’ , ka čortad-se jo asttas kuna putui .
«Uit’kam terambi , ika necid’ vu läbi sos miid’ pästab sinnä , son alle , ka siloi mäne teda , mitte elo linneb .
Erigakam necid’ soudatas ».
Čortad igäks kaikeks sit’pei uidiba , mäne teda kuna .
Soudat tuli kod’he garbl’ospei .Gar’b’uud diki äjan poimiba , odva toiba .
Akanke eläškat’he spokoino .
Kut soudat čortid’ open’z’
Veps
Central Western Veps
Как солдат чертей проучил
Russian
– «
–
– «
– «
– «
– «
«
– «
«
«
«
«