VepKar :: Texts

Texts

Return to list | edit | delete | Create a new | history | Statistics | ? Help

Nagrizmoolla

Nagrizmoolla

Karelian Proper
Padany
No, siid’ä d’o rod’iau nahk... nagrehen otandaiga. L’ähemä meččäh. Meil’l’ on nagrista d’o kažvanutta. L’ähemä nagrizmoolla. Ku menemä meččää n’i enzimäžeksi, looima tulee. Da n’e nagrehet siel’d’ otama moošta, da n’e puhassamma. No siid’ä panema kivie tuuleh. Siid’ä kaivamma hauaa. No n’e sii panema n’e palavat kivet haudaah. Siidä lassema kivil’öin siämee kartofe... n’e nagrehet. Sie kui ollaa.

Palavien kivil’öin?

Palavien kivil’öin ke... tul’izet ta d ruškiat kivet, mooh sii n’e panet ymbäri dai pohd’aah. A sit se peäl’l’ä koat. Ved’orkan da kaksi ku šuuren hauan loojit ved’orkan da kaksi, a sit nagrista. N’e siel’ä päivä ollaa ildaah šoo. Kun’i root siel’ä otat nagrehie. Siel’ä ku avoad hauaa. Haudon’ikan sen, n’i ku se höyryäy. Pahn’et sil’l’ä sveežoilla haualla, nagrehesta loojittu. Sin’ n’e l’ien’n’ää yl’en hyvät. Net moohauat paremmat kod’ihaudoja. Nu, siid’ä n’e kereemä. Otama syömä kereemä sii. Viluštutah noššamma siel’d’ä. Meil’l’ä d’ on otettu sinne semmoizet koizat keralla. No da konža panema kessel’iih, sel’gääh. Pienel’l’ä siel’ä meil’ä kolme virstoo pid’i kod’ii, koista käyä n’i ku panemma sel’gääh, n’i kai se d’o roitaah sočnoit kod’ii tulema. No. Siid’ä meil’l’ ol’i syömine tože. Koissa d’o vuotetaa meid’ä, myö moohaudojen kera mečäst’ä tulema. Kai oldii n’e mee... meil’ä...

A vot havvan ka... milbo katoitto havvan konzu nagrehet sinne pan’iitto, milbo havvan katoitto?

Na... nagrehet ku sii panema n’iin. Sii siim myö panema sem min kai peal’l’ä. Nu sen min kai panema ribuon puhtahaa. Pezemä sen, sen panema peäl’l’ä. No. Siid’ä panema, sid’ä d’o turbehee. Turbehee pa...

Mual katatto?

No moolla katan sinne panema, turbehee sii, turbehem panema sinne, sid’ä ribua vaš n’iin panema sinne. Sen ku marl’in rouno štobi sinne, ei tuhka mi män’iš. Sie turvehem panema n’äin muldapuol’i peäl’l’ä. Siid’ä ku sem panema kačomma mid’ä kušta ku moužet erähästä sijašta rubiau, noužemaa. Par höyry noužemaa. No, sii panem... siid’ä katamm uueštaa mullalla, muldapuolen panema sii vastaah. No, n’e siel’l’ä k ollaa ildaššoo. Sen ku purramma, uuet kivet tuleh. Toizem panema tulomaksi haudon’ikaa. Tooš sit toissa peenä ku tulema siih, n’i toizem purramma, meil’l’ ol’i ku šuuri pereh. N’iin, myö roodoma koissa.