Texts
Return to list | edit | delete | Create a new | history | Statistics | ? Help
Dočka semiletka
Dočka semiletka
Livvi
Nekkula
Oli
kaksi velliä , ajettih toižeh linnah .Köwhän vellen hebo oli tiineh , toižen oli orih .Azetutah yäsijah .Köwhän vellen heboine kandaw yäl sälgyžen .Tämä sälgyine menöw bohatan vellen delegän alle .Bohattu velli nostattaw köwhiä velliä , sanow :
– Nowze , minun delegy sai sälgyžen !
Köwhy velli sanow :
– Eh ti̮ gluwpoi , kui sinun delegy sai sälgyžen ? Neče minun hebo sai !
Sporevuttih , suwdimaheze ruvettih .Dialo doidii suarissah .Tuldih suarillua , sanottih omat dialot kui on dialo .Suari sanow :
– Äskin minä suwdin , ku arvannetto kolme zagatkua : Mi kaikkii on pehmiämbi ?Mi kaikkii on armahembi ?Mi kaikkii on razvažembi ?
Vanhembi velli eččimäh bohattua .Meni kuomallua , bohatallua , a köwhy lähti oman tyttärellyä , seiččiävuadižen .Bohattu tuli kuomallua :
– Vot kuomu , suari minul andoi moižet zagatkat , avvuta reššiä !
Kuomu sanow :
– Prostoit zagatkat nenne ollah : kaikkii pehmiämbät ollah minun perinät – puhoviekat ; armahembi on meijän vunukku , sidä armahembua ei ole täl mual ; meil on počči kaikis razvažin .
Tuli , suaril sanoi , ga suari temniččäh i pani hänen .
A köwhy velli meni kodih , tytär vastuaw seiččiävuadiine händäh , sanow :
– Midä olet pahas miäles , tuatto ?
– Kuibo et ole pahas miäles ? Suari andoi kolme zagatkua arvata , minul ei sua ni ijäs arvata .
Tytär ottaw tuatalleh seičas arbuaw :
– Kaikkii pehmiämbät on omat kulakat ; kaikiz armahin on uni ; kaikiz razvažembi on mua .
Tuli köwhy velli suarillua i sanoi ne zagatkat .
Suari sanow :
– Moločču , kenbo sinul nevvoi , vai omas duwmas sanoit ?
Suari sanow :
– Nengoine on sinun tytär ravei , ga minä annan viižisadua jäiččiä , štobi̮ huamenekse azužit viižisadua kananpoigua .
Tulow kodih viä enämmäl pahas miäles tuattah .Tytär sanow :
– Midä olet , tuatto , pahas miälin ?
Tytär sanow :
– Magua yä , huandeksel viä suarile sanat .Mene , – sanow , – suarile , anna tyändäw kananpoijile brossua , štobi̮ oliš yhtes päiväs kynnetty , kylvetty , leikattu , puidu – muwdu brossua minun kananpoigažet ei syvvä .
Tuattah meni suarillua dai sanoi .Suari sanow :
– Ladno , ku on nengoine mudroi sinun tytär , anna huamei iče tulow minullua : sovas ni alašti , hevol ni jallai , podarkan kel , ni podarkattah .
Tuattah duwmaiččow : "Ei ni minun tytär voi tädä arvata ".Tuli kodih , ga tytär sanow :
– Midä olet pahas miäles ?
Tuattah sanow tyttärele :
– Suari sanoi : sinul pidäw tulla hänellyä .
Tytär sanow tuatalleh :
– Mene tua meččyniakoil eläw jänöi .
Tuattah hänele toi jänöin , verkon , viä toi perepelkulindužen tyttärele .
Tytär otti , sovat heitti , verkon pani piäle , jänöile ištuiheze selgäh , perepelkan linnun otti kädeh .Tuli suarillua , suari šuapkattah vastah otti .Tytär sanow :
– Kui kučuit , muga i tuliin .
Tyttö linnun oijendi suarile , ga lindu iäre i uidii .
– Kui kučuin , mugai tuliit , – vastai suari .
Suari sanoi Semiletkale (nygöi oli jo vanhembi ):
– Kuibo kormitokseh , ku on köwhy tuattas ?
Tyttö sanow :
– Kuival rannal kalua pywdäw [tuatta ], minä helmal kalua kannan da keitän .
– Ah ti̮ duura , razve suhom beregu kala eläw ?
Tyttö ot’viatoičči :
– Ed ni sinä ole umnoi , razve delegy voibi sälgyžen suvva ?
Sid suari otti käski sälgyžen andua köwhäle , a tytön otti mučoikse ičelleh .
Dočka semiletka
Livvi
Nekkula
–
–
–
–
–
–
–
–
–
–
–
–
–
–
–
–
–
–
–
Дочка семилетка
Russian
–
–
–
–
–
–
–
–
–
–
–
–
–
–
–
–
–
–
–