Texts
Return to list | edit | delete | Create a new | history | Statistics | ? Help
Eli enne sie mužikku da akku
Eli enne sie mužikku da akku
Livvi
Vedlozero
Eli
enne sie mužikku da akku .Heil oli yksi tytär , aino , jedinstvennaja .I sе oli do tovo äwkytetty hyö , nu uvažaittih da kai da , upr’oamoi , strašnoi neidine oli , zadornoi .Pajistah toattah da moamah :
– Ken nečidä , ni ken ei ota miehel händy .
Semmoine oli upr’oamoi .Jo kyläs pajistah , što ylen on paha häi , ei ni ken kereä händy miehel .Yksi mies tulow sie , kewhy mies on saldatannu , kodih .Ni kedä ewle perehty .Naija pidäs hänelleh .Kuz ottua mučoi ?Sanottih :
– Oliz nečiz mučoi , nečil bohatal mužikal , ga ylen on upr’oamoi , ei rodei ni midä hänes eläjeä .
– Opimmo , – sanow , – možet bi̮t’ annetanneh , ga upr’oamstvan porotammo , – sanow , – kui tahto .
Dai menöw svoataiččemah , koziččemah . Menöw ga . Annetah .Sie duwmaijah starikku da staruwha :
– Mužikku olis hyvä , hod kewhy on ga .Upr’oamoi on (tytär ), onnoako ei rodei eläjeä .Annammo , ku mennöw ga :
– Menedgo , tytär ?Menedgo ?
– Menen !
– No , mened , ga sid pidäw eliä .
Dai svad’bo pietäh , laitah svad’bo .Häi tulow .Hebokleäččy on hänelleh .Hebokleäčäl sil laihal , ottamah tulow .Kreslu paha .Istutetah , tiijet sinä , bohattu ku on ga , sovat hyvät , peräh istuh , moine gordoi .
Palaine ajetah vai , kivoksez hebo ei peäze , väzyw .Ga oppiw vit pletil pergua ženihy ga , ei mene , ei mene !Hänelleh on kreslas sie kirves keral .(Kačo , eihäi silläh lähtietä matkah ga ).
Häi hyppeäw da kirvehel hevon peän leikkoawgi .A kreslah lykkeäw vembelen , länget .Hevon sen peän ku leikkoaw , nahkan ottaw .Nahkan lykkeäw kreslah i nevestal sanow :
– Nowze da vie !Nowzes vai , – sanow , – da ota aižat kädeh !
Ei ruohtinuh olla nowzemattah , hod’ upr’oamoi oli .Kai särizöw , muga varavui .Duwmaiččow : "Peän leikkoaw minulgi nygöi , ku et nosse "!Häi ottaw nowzow dai aižat kädeh ottaw dai allaw kresloa vedeä .A iče briha istuiheze kreslah .
– Väzyin , – sanow , – minä roadajes .
Vedi neidine kai pystykabjah .Kodih tuldih .Ruvettih elämäh .I muga otti häi varata ukkuodah sidä , ni mil ei ruohti protivoreččie .Midä käsköw , ku bul’kku roadaw .
Moamalleh rodih himo tiijustoa : "Pidäw lähteä tytär-rukkoa tiijustoa , kui nygöi eletänneh ".Menöw sinne , lippoaw ga :
– Terveh taloih , terveh teile !
– Terveh tule , – dai vävy kätty andaw hänelleh , zdorofkaijaheze ga .
– Jaksaije .
Jaksaheze sih , ga kaččeleheze , ga tyttäreh sid ymbäri päčiz , midä tahto goštittoa varusteleh da .A vävybo on viizas , punaldah sinčoipuoleh .Annal hyö pajistah kahtei , moamo da tytär :
– Tytär-rukku , kuibo elät ?Kuibo oletto nygöi ?Kui työnyt elämäh ukon kel ?
– Eläzimmö hyvin , moamo , ga minä ylen äijäl varoan .
– Varoa älä !
Povuadittos vai varoamah , ga sid pidäw mene tiijä kui varata !Midä äijäl rubied varoamah ?Älä varoamah rubie äijäl .Ole julgiembannu !
Vävy kuwlow sen .Pertih tulow ga :
– Läkkeä nygöi enne syöndeä vuottajaizekse kynnämmö kartohkan , nečie on pihal palaine , ga sen .
A heboa ewle .Mennäh pihal .Dai anoppi aižah adran , aižu käis , akale toine aižu .Häi adroa ajaw , pletti käis , vedekkeä !Hyö adroa vietäh .Kynnettih se , hies ku čukit !
– Akku , mene nygöi pane , – sanow , – nečidä kiehumah , nečie syömistä varusta , a myö vie anopin kel , – sanow , – astuvoičemmo täs pellon , – sanow , – lopemmo .
Ga akku iče iččiedäh ei tiijä : "Kummoa tämä nygöi rodih , tappaw onnoako vävy täh "!Ga astuvoa sidä vedäw da vedäw , pystykabjah kai .Lopittih se , astuvoittih , tullah pertih ga , ei ruvennuh akku syömäh .Tembai iččeh pod’d’efkat da pagoh .Dai kodih juoksow starikalluo :
– Oi starikku-rukku , annoimmogo myö oman lapsuon nečel , – sanow , – Ylen on , – sanow , – paha . Rabjakko , – sanow , – strowgoi !Nygöi , – sanow , – kyndävytti , kyndävytti , sid yksinäh astuvoija pidi minul , – sanow .
A starikku istuw da kuriw jalgu polven peäs , duwmaiččow : "Vuota minä lähtengi , – sanow , – sid tid’d’ustamah , kačon kui eletäh ".Tulow starikku (sie menöw vähäine aigoa ).Tulow .Nu , op’ad’ tervehyön azuw .Vävyh vstrettiw ylen vežlivo .Istuheze , jaksah sie ga , opäd’ i pyörähtäh buito ku dielon peräz , a iče uksen toakse vävyh menöw :
– No midä , tytär , elättö , kui oletto ?
– Eläzimmö hyvin , toatto ga , minä varoan ylen äijäl !
Enzimäi nenga kui venčale lähtimmöhäi vai da peän leikkai hevol , nygöi muga varoan ga kai ...
– Varata , pidäw , tytär .
Mužikkoa pidäw počitoija .Mužikku on mužikku .Pidäw akal varata mužikkoa .A sid mužikku vastah uvuažiw akkoa !Äski eloaijan työnnytättö .Vai ed varanne , ga sid , kačo , ei rodei hyveä .Pidäw varata .Mužikkoa pidäw mužikkannu pideä !
A se vävy ihastui senčois . Oi kui boat’koi hyvin pagizi .Tulow pertih – viinoa stolal .
– Keitäz , akku , terväizeh neččih zakuskat !
Kai sih stolal lad’d’oaw , starikkoa gostitetah .
– Emmo työnä , magoa yö !
A ku staruwha koiz ikkunah kaččeleh da :
– Kunna nygöi lienne jowdunuh , kunna lienne jowdunuh ?Nygöi tapoi !Nygöi sen pani opäd’ kyndämäh libo midä tahto roadamah .
Kaččow , ga tulow starikku .
Kodih lähties andaw starikal kringelie viihten , kaglah panow .(A enne oli nel’kymmen kringelie viihtes ).
Panow kringeliviihten :
– Ota kodih tuomazikse .
Astuw starikku kringeliviihti kainalos [kaglas ].A staruwha t’em vremenem jo teäl susiedoil saneli :
– Nengoine vävy minun paha !Minun kaiken vaivai roadoh , nygöi starikku-kulun sinne jovvutti , en tiijä tulowgo hengis !
Kačahtihhäi , ga kringeliviihti kaglas , ga häi duwmaiččow , on länget :
– Oi , – sanow , – susiedat , länget on gor’al kaglah pannuh , – sanow , – längien kel astuw .Näidgo vai , – sanow , – nygöi !Roadoi , roadoi da längien kel on pajennuh , – sanow .
Hyppeäw sinne vastah – ga kringeliviihti starikal .A starikku vie pris’adkoa da pajuo :
– Vot , – sanow , – putin mužikku vävy puwtui , – sanow , – eleä on tovel ,työ , – sanow , – akad oletto akad .Pidäw olla mieron miehenny .
No sid i soarna , kačo .
Eli enne sie mužikku da akku
Livvi
Vedlozero
–
–
–
–
–
–
–
–
–
–
–
–
–
–
–
[Укрощение строптивой]
Russian
–
–
–
–
–
–
–
–
–
–
–
–
–
–
–