Texts
Return to list | edit | delete | Create a new | history | Statistics | ? Help
Pedri-cairi
Pedri-cairi
Ludian
Southern Ludian (Svjatozero)
Ajaw Pedri-cairi .Starikke
ajaw edel , halgod suwri regi .Starikal on ylen hyvä hebo .Häi kyzyw starikal :
– Kuibo teil kazvaw leibät ?
– Leibät , – sanow , – kazvaw hyvin , ka pervoi koren’ červi jed’at .
– A kuzbo nengoman hevon otit , ostitgo vai kodis kazvatit ?
– Ni ostanu en , ni kodis en kazvatannu , s turbiša s niva vslett prišol .
– A kuzbo , – sanow , – kirvehen nengoman otit , ostitgo vai pajas azutit ?
– Ni ostanu en , ni pajas azutannu en , a v rečke kupals’a i v nogu popal .
Izvoščikale sanow :
– Aja dälgeh starikale .
Ajaw starikale dälgeh .Starikke ajaw pihale , laskettaw hebon , a cairi pertih hypähtähes .Starikke hebon lasketti , tulow pertih , ka pertis cairi .Häi pölgästyi , ka čut’ ei langennu .Izvinäičeh :
– Izvenäites’ , imperatorskoje veličestvo , minä en hyvin sinun kera pagižnu .
Cairi sanow :
– Ničego , älä varaida ni midä .D’aksaite , da sanot hyvin .
Starikke d’aksaheze .
– Kuibo sanuoit sinä leibih niškuoi ?
A minä sanuoin sidä , što viiden päivän ruadot mendäh sudre bojarile , a kuudes päive ičele vai tulow .
– A kuibo hebon otvetuoičit ?
– Vot , – sanow , – imperatorskoje veličestvo , hebod , – sanow , – minä ni ostanu en , ni kodis en kazvatannu , a nain , tuli mučoile muamah , i muamalleh tuli neče hebo .
– A kuibo sanuoit kirvehen ?
– Vot , imperatorskoje veličestvo , kirveste en azutannu , ni ostanu , vot nečis ojaižes olin kezuoil i d’algal nostin ojaižes piäi .
– Moločče , starikke , maltuoit otvetuoida .
A vot , – sanow , – starikke , ku on sinul hebo hyvä , edgo voiš viedä minud Moskovah zautren’n’ail .
– Voin , imperatorskoje veličestvo !
Viere magata spokoino , otdi̮haiče .
Vieröw cairi magata , dai starikke vieröw .Cairile ei magažuta .Kodvaižen magaži i nostattaw starikan :
– Läkkä , – sanow , – d’eduška !
– A aige on , imperatorskoje veličestvo , yöl menemme Moskovah .
Häin opät’ vieröw magata kodvaižekse , ka eibo magažuta .Kodvaine proidiw , nostattaw starikkad :
– Davai , – sanow , – läkämme nygy .
Deduška nowzi i rubeži virzuih villažid hattaruoid krieppimäh prähkehen kera .Lähti tahnale , ka eibo tule .Pedri-cairi vuottaw , punaldaheze tahnale – ga häi čugunat kreslah lad’d’adaw .
Pedri-cairi kyzyw :
– Midä ruadat , d’eduška ?
– Vot , – sanow , – imperatorskoje veličestvo , jesli minä en panne čugunad , ka meid kuadaw .
Siid val’l’astaw hebon , panow cairin , od’d’ualoil kattaw , nuoral nuoriččow i lähtedih ajamah . Ajettih Moskovah , ka zautren’n’aih iškedih .Häi pidi hebon cairin vorottuoih .Časovuoit tartuttih :
– Kunne , vanhe , nygyöi cairin vorottuoih ?
– Andagat , – sanow , – hot’ silmät čiistidä , nägy ni midä ei .
A iče nuorad riiččiw .Hypästäheze cairi , ka časovuoit ken kunnegi pagoh .Cairi ottaw iččeh kere starikan omih komnattuoih .Syöttäw , d’uottaw starikan .
– Midäbo pidäw , – sanow , – dieduška , tuondas sinule ?
– Minule ei pidä muud ni midä , piästä iäres minut krepostnuois pravas , štobi̮ oližin vol’nuoinnu graždaninannu .
Otti kir’utti kuldažil bukvil , čto "enämbi et ole krepostnuoi , olet vol’noinnu graždaninannu ".Da vie anduoi pätačkan na čai .
Pedri-cairi
Ludian
Southern Ludian (Svjatozero)
–
–
–
–
–
–
–
–
Царь Петр
Russian
–
–
–
–
–
–
–
–