Texts
Return to list | edit | delete | Create a new | history | Statistics | ? Help
Praznikan kävel’tihe hüviš sobiš
Praznikan kävel’tihe hüviš sobiš
Veps
Central Western Veps
Praznikad
ol’dihe mödosk’ , raštvan praznuitihe , pühäpanman .
Mödosk’an prazniičemei i uden voden vaste’imei .
Touvel prazniičimei mödosk’an , raštvan i pühäpanman – maid - i ’ihapühäpanman .
Maidpühäpanmal kataišei de’enas ümb’i .
Soberiše narod hebįil’ .
Hebod kaik izokrasit zbrujal , korg’aižed pened i ümbri küläs ajelihiiš .
Ištuse sigä kaks’ – koume mest i kel hüvä hebo ka kateišei .
Oli mijal üks’ leskiak , eli gor’as , a kateida-se offot hänele .Hänel pįig i kaks’ tütart oli .Pįigan kucu’ihe Fed’a , a tütred Marin i Okulin .
Ajaba näd kateidahaze , hebo-se hiil’ huba .
Korg’ - kumouzihe .
Mužik-se o’i ii töuz’mel’ne , händast kumouz’ , a sizar-se hįikub : «Fed’a , varasta »!
Korg’ - muren’ .
Pid’ab raffas püžudaze , a hebo-se , näd , hillei g’oksob .
Hän kunutal palikeičeb .
«Sizared g’agad neche , lanksite ka g’agad , a min’a kükson narodan ».
I vot ümbri küläs ag’g’as ag’g’ha ajaba .
Erasil’ hebod hüväd .
Ku bohatad ka zbrui-se keik vouktas vaskes , a ken gor’a , ka prostįi zbrujeine .
Kel pened korg’aižed , kel sur’ korg’ .
Korg’ad roudeižil’ kablhil’ , krasitut kel mustal kraskal , kel pakįižel kraskal .
Osteltihe ningomad korreižed , kuna praznikale ajada .
Ajelihiiš Ladvgärvehe , Karhilaha .
Pejän mijal Kekäres kateihiiš , a tošpejän ajaba g’o Karhilaha , kaks’ pejäd prazniitihe .
Mödosk’an kateišei Ortk’amägel , a pühapanman kateišei Minamägel .
Kellįižed ol’dihe sidotud hebile , hel’ud pandud ningomad , burįižed , sįičihe kaks’ burušt’ .
Pühäpanman sobiš hüviš käveltihe .
Edel pidetihe pit’kad sarafanad .
Kel čiikad ol’dihe , pöüsiižed čiikad .
Mužikil’ čiikad i akiil’ oleskeltihe ningomad čiikišpei pal’tod .
Ken goremba , ka sel prostįi pal’tįine .
Nene čiikad alemba pouvid’ .
Edel rusttįl’ kušakįil’ sidosei mužikad .
Ken bohat , ka hänol rusket kušak sidotut völe , čiik päl , g’ougiš villeižet sapkad , päs šapuk .
Aleižed i peršatkad pidetihe .
Pöud ol’’ihe g’ogaiččel .
Hot’ gor’as eli , a hänel g’o pöu lambhaspei ombeltut .
Keded iče tegeltihe mijal .
Oli koževnik , tegel’ keded .
Kolotiba sügüzel lambheižen , vöd koževnikale , hän tegob nahkeižen .
Potom möst omblii sid’ - oli , mijal Kekäres , hän omblesken’z’ pöüd .
Sapkad omblii omblesken’z’ .
Kolotid' vazeižen , otad nahkan , panod izveskaha .
Gäl’ges otad , paad ’iibhä , liibäspei otad , paad dupha , teged .
Potom otad omblijan i pidäd .Liibil’ sötad händast , sapkad omblob .
Edel vet’ i botinkad omblesketihe lambhanahkeižiš .
Nahkeižen tehtas , omblijale vöba .
Mijal oli Luka Karhilas , hän omblesken’z’ botinkad .
Edel voumhid-se vähän ostesket’he , dengįid’ ii’ä , nu ka omblii omblesken’z’ .
Nüblil’ omblesken’z’ , pit’kil’ säril’ ombloba .
Päs peikad i šalid pidesketihe .
Edel ol’dihe mustad šaliižed , harvad .
Muštan , praznikan ka ken bohat ka šal’ päs ühtel händal sidotut , kudrit tehtut , guleitas .
Hibused edel pidetihe kahtel kasal niiččed , а mehele mäd ka enambad g’o kasįl’ ed pida , sid’ g’o pučkal .
Konz mehele män’ , ka hänel sid’ jo vol’an ričel’tihe , ištutaba stolan taga , ričiba kasan sigä , gäl’ges enambad hibusid’ ed pano kasale .
Niičcen ii pidet perednikįid’ ende , a akad pidiba .
Ku mehele män’ , hän g’o sid’ perednikata nikuna .
Sarafonat pidesketihe , pal’t’oškan ombleba , paran .
Must sarafon , ka vouged pal’t’oškoine ili rozovii pal’t’ošk .
Touvel ka vatni žeketk .Letnijad pal’t’od pideskeltihe pitkäd .
Kaglas šaliižed olesketihe , hįikad ningomad .
Ken eli gor’as ka se ii pid’and , muite kävel’ .
Sirgud oleskeltihe , broškad rindhil’ , bistrid kaglas .
Ken bohat ka se brusletiš kävel’ , sormes renghįine .
Renghįižed g’ogaiččel olesketihe kädes hobedeižed , erased bohatad ka i kuldeižed ol’dihe .
Mecas ka käel’tihe pel’hiižiš .G’upk pel’hiine , pal’t’ošk pel’hiine , a kons palod verdesket’he ka käel’tihe g’ougas virzud , kal’žud g’ougas pel’hiižed , balafon päl i g’upk .
Vot ningomiš ratihe mecas .
Touvel tapmaha mäd ka möst pöu päl , balafonan päliči vedaltas i mugomiš ratihe .
Soba ii redustu .
Balafon oli korv’azne , kudotut kodiš .
Kouhtanad pideskeltihe .Kevädel kouhtan da balafoneine pandut , a touvel pöu da möst balafon .
Kel pöud iilä ka i fufaikan paab , da fufaikale päle balafonan .
Praznikan kävel’tihe hüviš sobiš
Veps
Central Western Veps
В праздник носили хорошую одежду
Russian
«
[