Texts
Return to list | edit | delete | Create a new | history | Statistics | ? Help
Hiitroi saldattu
Hiitroi saldattu
Livvi
Nekkula
Tuli
saldattu pitkäs matkae päi hiaruh .Tuli hiaruh , pagiži mužikanke , yäkse tariččiiheze .
– Ga , – sanow , – voit muata , voit .
– Nečis , – sanow , – susiadas kedäbo on ?
- Sit , – sanow , – on emändy da ižändy , ga ylen ollah skuwpat , – sanow , – ei laskiata hyä ni konzu ni kedä .
– A vuata minä opin , – sanow , – lähtiä .
– A jesli ei laskiatanne , ga sit tule , – sanow , – järilleh meile .
Menöw – mužikku pihal halguaw halgua .
– Ižändy , laske , pitkäs matkas tulen ga , minuw yäkse .
– Emmo jo myä rakkahat ole ni kui laskemah , – sanow .
– Passibo , ižändy-rukku , passibo ! (Häi heittiiheze kuwrehekse .)
Tuli pertih .
– Ižändy minuw laski yäkse !
– Emmo jo myä rakkahat ole ni kui yäkse ga ...
– Passibo , emändy-rukku , passibo !
Dai ištuheze lawččah .Jaksoiheze , pani sumkažen lawčale .
Tulow ižändy pertih .
– Ga mikse sinä laskiit ?
– Ga en minä laskennuh . Ga naverno eigo kuwriž ole ?
– Myä ištumokseh , rubiammo syämäh ga , – emändy i sanow ižändäle , – älä pagiže ni midä , emmo händy käske syämäh .
Ištuw saldattu lawčal , kacčow : heijän ruvettih syämäh , ei virketä ni midä .Ižändy ištui , ištui , da ei ni tirpannuh :
– Pitkälgo matkal tulet ?
– Passibo , passibo !
Ištuheze syämäh : otti luzikan , söi ildažen .
Ištuheze .
– Sanoin , – akku sanow , – ištua vaikkani !
Mužikku i sanow :
– Minä , – sanow , – huandeksel lähten aijoi meččäh , sinä pasta blinat .
Saldattu maguaw , kai kuwndelow häi .Dai pastoi [akku ] blinat , dai juadih čuaju , dai lähti .Akku rubiaw dostaliloi loppemah .Mužikku lähtijes sanoi :
– Pakiče yäsijas dengat .
Nowzi saldattu , rubei selgiämäh da lähtemäh :
– Passibo , emändy-rukku , passibo !
– Dengat , kačo , pidäw , – olgupiäs lekaškoitti .
– A , blinua syvvä ? Seičas !
Ištuiheze , blinua söi dai myästin kuru , kuni akku dostaliloi blinoi pastoi .Dai myäs akku tartuw :
– Dengat , kačo , yäsijas pidäw !
– Ah , blinat ottua ?
Saldattu blinat keräi da – sumkažeh .
– Passibo , passibo , t’outa-rukku , passibo !
Dai lähtöw iäres .
Tulow mužikku mečäs päi , tulow mečäs päi :
– Nu midäbo , emändy , pakičiidgo dengat ?
– Ga midä pakičiin dengat ! Blinat söi kai dai viä dostalit keräl otti . Nengoštu yäniakkua laske älä enäm ni konzu !
Hiitroi saldattu
Livvi
Nekkula
–
–
–
–
–
–
Хитрый солдат
Russian
–
–
–
–
–
–