Texts
Return to list | edit | delete | Create a new | history | Statistics | ? Help
Kut mijal ende svad’ban spravit’ihe
Kut mijal ende svad’ban spravit’ihe
Veps
Central Western Veps
Tuloba
tat da ženih svateimaha , da vuu sigä ristitatad ottas da ristimamad , tuloba viden kes’ken svathuzile .
Čajun prigotoviba hiile , keittäs pirgad , lep’oškad , konzak rozancad tehtas .
Ženihod ištusei stolan taga .
Vinal ugošaidihe .
Munaričan paaba .
Niiččed ümbri stolas keradasei , ženihol munarič pid’ab vorta .
Niiččed ümbri stolas siižutasei , necen munaričan ottas i uiditas pertedeshe-se , štobi nevestad ii antta mehele .
Niižne lähteb mehele , paab strokun , kudam kaks’ nedalid , kudam i kuume .
Svad'baha str’apiba pejän , kaks’ .Pridannijaks lehmän anttas .
Rädiba , ejäk pridannijad .Kudam vištoškime räcnäd da vištoškime käzipaikad rädiba .
Vet sur' rod-se .
Mužikale käzipaik podarkaks , mamale , t’otkale ka emä , völ hijamiideke , aršin hijamad da kоkošnikeile , ende vet’ kokošnikad pidetihe .
Ku ištusei ka siižutasei , saaba : «Mii reduloučem , em ištkeiš muite ».
Kudamole sitcad paaba da kaiken , potom hö ištusei .
Kudam svadib sur’ , ka mes’t’ viškime soberiše , tuloba hebįl’ , vemblehe lenteižid’ ripputaba da kelloke tuloba .
Nu , nevest sigä vasttab ženiheid’ .
Ende mod oli , veiketihe .
Nevestan vodiba lavad’ möt , a nevest veikab .
Potom jo stolan taga ištusei .
Venc’ale ajaba .Ku venceišei , potom ženihoho ajaba .
Sigä mam jo vasttab iknan al .
T’ot vastake astub i pühkib .
Nevest da ženih astuba pühkindad möt .
Potom stolan taga soberišei , sigä niiččed pajataba .
Ken kopiikan lükeidab , niiččile , ken pätakon , ken grivenikan , ken kut veib .
Pajatiba ven’aks , lüdikš ii pajatagei .
Potom dengad jagaba niiččed ičekes’ken .
Kaks’ pejäd guleitas i möstak ajaba kodid möto .
Konz nevestan da ženihon vastatas , ka tukįižed uuged pandas ühtes poles dorogas i teižes poles .
Uugen puuttas i "huran " hįikutadas .
Kut mijal ende svad’ban spravit’ihe
Veps
Central Western Veps