Texts
Return to list | edit | delete | Create a new | history | Statistics | ? Help
Hiä
Hiä
Karelian Proper
Dyorzha
End’izeh
suadibah n’äh šanokkua .
Nu tiäl’ viijittih miähel’l’ , koz’ičmah tullah , a šid gos’t’in’čoinken tullah vil’ tädä , suad’bah šut’t’en .A šid’ ruatah hiän , hiän ruatah .Jäl’geh hiädä ottah kakroill vävyy kod’ih , vävyy i t’yt’är’d ottah kakroil .N’edl’in gos’tah šiäl’ , šid’ i kod’ih männäh .Muasl’enčana heidä otettih ran’š gos’t’ih , n’ygyn že ei otet .
A kuh aigah toko oldih hiät ?
Hiät enämmän oldih ka tok aarešš , aarešš , talvella , šiäl’ janvar’ mes’ec , fevral’ mes’ec oldih .Ran’š modu eij ollun štob šiäl’ muajul viid’i il’ šygyžul’l’ .Täm jo koož jo [...], koož jo l’ešk naiččow .Nu šilloin vet’ i ven’čačičettih , kir’ikkeh , vet’ brih tulow t’yt’t’yw vaššen hebzill .
Hebozet šomat naverno ?
Hebzii äijä , i hebzet oldih kaik šuar’innut i täm , kelz’inken , äjäl’d ol’ hyv ran’š .
L’äht’iet’äh ka kirikköh venčalla ?
Nu tulet kir’ikköh šiäl’ , mänet kun zaijit kir’ikkeh , papp om , vaštah aštuw , ris’s’inken i t’ämänken , str’iät’t’iyw .A šid’ i venčaijah , ket venčaičettih pefčoiloinken .
Rewnašša šeizotah ?
No r’ewnašš , šeiztetah r’ewnah .Koož venčaiččow papp , ven’čoi panow piäh .A šid kol’čz’i men’aičemma , i viinall juattah , načit iäl’l’ brih šit’ t’yt’t’ , tuaš brih šit’ t’yt’t’ , kolm kerduw juattah viinall .Nu kun venčaijah hiäten , täššä antah šuwda , omat rodn’at pothod’itah .Patom i papill jalgoih kumardučtah , mod ol’ , i papill käz’il’l’ šuwda antah .Nu i l’ähtitäh kod’ih ajimah .
Ol’igo venčan aigah myt’yt’t’ä pr’imiettua el’än’d’äh n’äh ?
Nu koož kun venčalla mänet to , iäl’l’ akat i šanottih što šiä , iäl’l’ päin harpuu kir’ikkeh , štob ois’ šiwn valda , i paikan kun l’ewtetäh jalgoih , ši väl’embeh paikan pil’l’ i šeizuč a brih štob jäl’čekš , štob ši ol’z’it vanhemb urošt .Iäl’l’ vet’ kaikk oldih pr’imetoinken da zametkoinken .
A ka kuin jo kod’ih tullah ?
Ka ajetah kun venčaičičem , ku kod’ihež tulemm , kojillu pothod’imm , täšš meidä i vuattah .Vuattah jumlanken i l’eivänken meidä vuattah , i šuwrimuw fur’aijah l’icoilla , a miks’ fur’aijah , en t’iiji .
Možot štobi bohatukšeh ?
Navern , štob oiz’imm bohtakš el’z’im .Nu täšš i tož buat’koll muatkoll jalgoih kumardučtah , nu i kun per’t’ih tullah , ymbär’ stolašt proijitah .Druušk heidäh vedäw i podruuž i suah iäl’l’ päin a šiid moldoit .Ymbär’ stolašt proijitah .
Kuh koh heid’ä istetah ?
Istetah keššel’ stoli istetah , yl’hin on vet’ mat täm , jumlan’ štop pyz’yis’ nuaglaz’ill .Šeiztetah jumalzen i paikan r’iptetah i ka täh koh i istellah moržim , moldoloi .
Ol’igo t’äd’ä , hiäššä ka rikottih moržienda ?
Daa , on i muaz’ie az’iloi , što i potšuuttah i r’iktah .Muaz’ie on koldnoi , mahettih ran’š kolduija .N’ygyne že ei äjäl’d’ kuwlu , viijitäh i el’täh .A ran’š kuin ašštah moldoit , n’in druušk iäl’l’ päin , ruašall kaikk st’ogaiččow ris’t’in ras’t’in , štobi značit kolduimin’ ei pr’istal bi moldoloih .
I ovet ris’t’iw ?
I ovet ris’tiw i kaik šub ris’tiw , i narduw st’ogaiččow , štobi tropp ois’ čistoi , n’iken ei prohd’iis’ , krom moldoloi .I viäl’ ol’ mod , vet’ kun ainoš luatah t’yt’en da t’yt’t’ n’ikunn ei viiji , varaji što toš väl’in kolduijah ed kaikk .Käwväh , n’in ol’ howkin mod , käwväh n’ed’l’in hoilumah t’yt’t’i , t’yt’t’ it’köw šil’ , tahottaw it’ki al’ ei tahot it’ki .
Venčua ed’izeh ?
Venčaindah šut’t’en käwväh it’kemäh , a koož täm jo tukkii har’jitah kuin tulow brih t’yt’t’i vaššen .Šuattah heidäh venčalla , nu i täšš ka i haar’itah hän’el’l’ä , täšš tož t’yt’t’ it’köw .Da hiät lawletah , lawltah jo narod , naizet et t’yt’et , lawltah hiäšš .
Vel’ičaijah šanotah ?
Vel’čaijah , viäl’ brihall lawltah , šid’ vel’čaijah brihuw , šid’ t’yt’el’l’ lawltah i t’yt’el’l’ vel’čajah .Šid suahalla oo , druuškal podružjalla , a šid’ i kaikill hiäl’öil’l’ lawltah .
Pid’i lahjottua ?
Daa lahjot , i ol’ modu paikkoi lahjettih ran’š .
Pid’i äijä luad’ie paikkua ?
Äijä , äijä , äij , jesl’i rod on šuwr’i .Äij on hiäkanžu i paikkua äijä mänöw .Koož mi viijiin vihd’in miähel’l’ , miwl män’ kolmkymmend viiz’i paikkuw .Patom jumlim pil’1’ paikk , potom druuškil .Kun l’ähet venčall , zavjortk katkiw , sankz’ist zavjortk katkiw , šiäl’ ei katki a n’iin katkiw , paktah , šeiztetah pojezdan i paktah oo paikan , moržim andaw paikan .A konž venčaijah jalgoih paikk , ris’s’in all paikk i Jevangel’in all paikk , i storžal , viäl’ n’el’l’ paikkuu .Kun mänet miähel’l’ .Aha .Patom hiän , hiän piinä kaikella rovull , da , lahjetah .Patom huamnekšel kun nowžet , moržimell abezat’el’n ol’ mod što stolu ubraija , čainoiloi mal’z’ii pyfkii , toož paikan vejetäh .
Viel’ä pid’i pyfkie latetta moržimella ?
A huamnekšel kun moržimen noštetah , moržimen täšš sobraičičew vain om rod .I pyfki , ol’ mod , pyfkiyw täd lattid , moržimell šiäl’ fur’aijah , ken kopeikan ken kakš al’ kolm šiäl’ .Tož ka mod ol’ muan’ .
Mon’igo päiviä hiä ol’i ?
Hiä ?Hiä suwtkat on hiä .A šid’ n’äm šuattah , kuin on , t’yt’en rovun šuattah , täšš brihan rod gul’aijah ildah šut’t’en jo .
Hiä
Karelian Proper
Dyorzha