Texts
Return to list | edit | delete | Create a new | history | Statistics | ? Help
Čulistarina
Čulistarina
Karelian Proper
Uhta
On
ennen čuli .Hiän mänöy taloh .Talošša emäntä rukilla kesryäy .Čuli šanou :
– Pitäykö emännällä šanuo starina ?
Emäntä šanou :
– Šano , čuli-kormeličča .
Čuli rupei starinua šanomah :
– Olin ennen aitašša , šöin voin šaikašta , šyön vielä i šiun rukin keralla .
Tai šöi emännän ta rukin .Läksi talošta pois .Mänöy čuli tietä myöte .Mieš hероsеllа halkuo vetäy .Čuli šanou halonvetäjällä :
– Pitäykö šanuo starina ?
– Šano , čuli-kormeličča .
Čuli šano :
– Olin ennen aitašša , šöin voita šaikašta , šöin ni emännän rukin kera , šyön vielä i šiun halkoješ ta heposeš kera .
Tai šöi .Läksi ielläh .Tulou mieš vaštah ta vetäy heposen kera havuo .Čuli šanou :
– Pitäykö šanuo havunvetäjällä starina ?
– Šano , čuli-kormeličča .
Čuli šanou :
Olin ennen aitašša , šöin voita šaikašta , šöin emännän rukin kera , šöin halonvetäjän halkojen kera tai šiun šyön havuješ kera tai heposeš .
Tai šöi .Iče ielläh .Mieš tulou heposella , heinyä vetäy .Čuli šanou :
– Pitäykö šanuo heinänvetäjällä starina ?
– Šano , čuli-kormeličča .
– Olin ennen aitašša , šöin voita šaikašta , šöin emännän rukin kera , šöin halonvetäjän halkojen kera , šöin havunvetäjän havuineh , heposineh , tai šiun šyön heposineš ta heinineš .
Tai šöi .Iče ielläh .Mänöy meččäh .Mečäššä on šuuri karja pukkija .
– Pitäykö , pukit , starina šanuo ?
Pukit šanotah :
– Pitäy .
– Olin ennen aitašša , šöin voita šaikašta , šöin emännän rukin kera , šöin halonvetäjän halkoneh , havunvetäjän havuineh ta heposineh , heinämiehen heinineh ta heposineh , tai tiät šyön .
Pukit šanotah :
– Elä šyö , kun on niin täyšl vaččaš .Rupie enšin honkan juurella levähtämäh , šiitä šyöt .Meistä tulou šiula šuuri vero .
Čuli rupei muate honkan juurella .Čuli uinosi .Pukit pušettih honka hänellä piällä .Čulilta mara i halkei , šieltä šuatih kaikki : enšin tuli aitta ta voišaikka , šiitä emäntä rukin kera , halonvetäjä halkoneh , havunvetäjä havuineh ta heposineh , heinämieš heinineh ta heposineh .Kaikki mäntih kotiloiheh ta ruvettih elämäh .
Čulistarina
Karelian Proper
Uhta
–
–
–
–
–
–
–
–
–
Сказка о чули
Russian
–
–
–
–
–
–
–
–
–
–