Texts
Return to list | edit | delete | Create a new | history | Statistics | ? Help
Kut pölvhan kazvatimei
Kut pölvhan kazvatimei
Veps
Central Western Veps
Mäd mecha
, ečid ii edhan g’alos norikeižen varbikeižen .
Potom otad kasrin , kasril necen keiken kasardad .
Sanktad pud kirfhel čapad .
Süguzul čapad i kevädehesei muga i gätad .
Kevädel , konz lumi lähtob , mäd mecha kaks’ mest’ , pud pilid' , štobi verta .Üks’ mez’ hebol vedab .
Tegese konz čoma keväz’ peine i ahav , paad koume pud , štobi nenihe puihe lämbįi tartįiž .
Min’ pitte vįid ajada , ladid' lämbįin’ .Viritad , hän palab .
Iče sobn’uzo – virzud g’ougas , kal’žud noreižil’ sidot , hatrįideke virzįižed pandut , mugeine tehtut paltnaspei soba , peikeine mitte-ni hubeine pandut pähä .
Lämbįin’ paad i pidäb toukt’a kaluu , čuraspei toukeidad , potom tiižespei toukeidad , palab sigä al-se , i kesken völ likutad , ag’g’aspei ag’g’hasei .
Lämbįin’ toukindan končid' , gäba g’o sigä sambunuded , ii lämbikahad kegalehed .
Keradad keik kogoho tįižel pejal , libo koumandel libo i päliči nedališ keradad .
Keradad kogįižihe mugažno kahten i nenod mugažo pidäb poltta .
Gežli sanged mec , pilal pilid' i nened pud ag’g’ihe pad , kogįihe , touvel hougoks vedad päčhe , a heniįžed pud sigä poltad .
Necen teged keiken , tulob sigä ižand adrake i necel adral keiken kün’dab ümbri kandįižiš , man libutab pölvhäle .
Potom puhižel ägehel derebib .
Kündandan lopib , potom ägestab .
Lopib ägestusen , hebon lasketab i ajab kod’ihe .
Potom mi tehta pidäb ?Semeta pölvaz .
Tulob ižand , pölvhan semendab , roib .Möst ägehel pidäb ägestada , katta .
Ägehel katab i gätab muga , kuni ii lähtkįi rostkad .
Rostkad g’o lähtoba ningomad , sigä g’o pölvas lähtnu i hein iškese .
Mi pidäb tehta ?Kaks’ mest’ mämei pölvhaze , ištumeiš i pidäb üksin’ heineižin’ küttä .
Hein pidäb valita , rostkašt’ ii pidä ratkeida , pidäb üksin’ heineižin’ valita .
Nečiš pölvhäz ištud možet nedalin’ , g’oga pejan pühäpeihäsei .
Nu nedališ možet küt’kimei , ika i kaks’ nedalid' sigä ištud , kaks’ mest .A üksneiš ka ištud i enamban .
Pölv’as tegese sel’ged , ni üht heinäšt , üks’ pölvas , čoma .
Hän jo tegese pit’kkulu i vot cvetiškandeb .
Hän sinižil’ mugomil’ cvetib .
Konz docvetib , hän g’o mäb koukloho , semn’uded lindas .
Gežli otta semned ka pidäb ehtitada händast .
A gežli sement ii pidä , ka mä g’o vįin’ konz änikeičeb ka otta .
Gežli pidäb semen , otad , dergeid' mata .
Gežli ma om tartnu , pidäb kandįihe löda i lähtob ma .
Kogeižihe keiken panod risteižile , pidäb pučkeižile potom sidoda .
Ende sidondad pidäb völ semen otta , muga vet’ ed pä ligotada .
Otaba loudan , loudeižehe tegoba puhižed hambhad , tegese ku suga .
Necen loudan čurkeižehe tegoba , štobį hän ii šateižihe .
Nečile loudale siižutatei , otad pölvast min' vįid kädehe tabata i terebid .
Polovikan paad , nečile polovikale lanktoba kouklod .
Pölvhan snapįile sidod , olgel sidod , kogįihe lükkid .
A semnen havadoho paad , kodihe tod .Kuna-se pidäb levitada .
Viluhe händast ed levita .
Edel ka mö pert’he levitelimei .
Pert’ gežli g’oudei , pert’he levitad lavale i g’oga pejan pidäb händast ševelida haravol , ika hän homehtub .
Päliči kahtes nedališ hän kįivab , potom necen semnen havadoho paad , pidäb händast völ kįivatada .
Päčiröunale paad havadon , hän kįivab .
Vöd gomnaha händast , tapad , potom čudad , semned puhthad otad da edeleze havadoho semendahasei .
Pölvhan gärvhe ligotelimei .
Gärvhe händast ligotaba süväle sijale , panoba kalud sin’n’a pohjha , sin’n’a i lükkiba snapud .
Louteižil’ , muite ka süvä , ed bradi .
Potom nagruziba čurkįil’ .
Nedalid' kaks’ pidäba .
Gežli läm vezi ka kaks’ nedalid' pidäba , a gežli vilu vezi ka pidäba nedalid koume .
Päliči koumes nedališ kogoho vedaba , vezi valub .
Potom g’o pidäb händast nitüle levitada .
Üksin' snapįižin’ keiken nitüle levitad .
Sigä nedalid' kaks’ libo koume venub hän .
Voumiž ali ii voumiž ?
Otad kacmiižen , kįivatad , mäd da tapad , pästar ii lähte , pidäb kelikįita kelikol .
Probuid – ii lähte pästar , nu völ sigä pidäd .
Potom otad necen , noustad kuna-ni kįivale sijale siinäd vaste ili žer’iižile noustad nit’ule , hangįižed čapad .
Konz hän kįivaks ahavįičeb , sidod surihe tukįihe , tod kodihe .
Ken riheze ahtab , a ken ka i kül’betihe .
Kül’betin’ lämbitad , sinnä ahtad töuden kül’betin’ .
Potom mäd i tapad .
Om kahten ka kahten tapad , a ilä ka i üks’ .
Tapmel tapad , potom pidäb kelikįita .Kelikįičed , pästred lähtoba .
Völ koumanz’ kerd pidäb händast kädehe otta .
Pidäb otta i kahtele loudeižele verkįine sidoda .
Nečil' verkįižel päl pidäb händast vidoda .
Surod pästred g’o lähtnuded .Vidod ka g’o kabi lankteb , a kįid-se ii lankte .
Verkol päl kelikol vidoba .
Vidod , potom pätkįihe paad .
Pätkäd ol’dihe kümnin' pijin’ .Viš pätkäd tegomei kümnin' pijin’ , višküme g’o linob pijod .
Kodihe tod , čogaha päd .
Pidäb händast völ otta kädehe .
Pidäb harg’ata .
Pertiš harg’ata ka pidäb päčid vaste , kons päč lämpšub .
A potom kuna ?Lämbitad kül’betin’ , kül’betihe mäd , mest koume–nel’l’an mämei sin’n’a akįid .
Šotkįil’ ezmeičen kerdan harg’amei , ezmeičen hubemban otamei , toškerdan g’o otad hüvemban , koumanden kerdan völ hüvemban – pal’čosen otad .
Potom pidäb tehta kožliižile .
Labožihile paned i teged kožlin' .
Potom händast pidäb kožlihe sidoda da kezerta .
Hubemban kezerdamei , paremban kezerdamei , potom g’o kįidun kezerdamei .
Potom otad vipšahangon i vipšit’ keiken viht’akįile .
Pezed nened viht’akod , touvel ka kül’mas , vįiškas kįivatad .
Tod bapkan , paad kes’k lavad , neche bapkha paad risthaze kaks’ žerdišt’ , nenihe žerdiižihe nat’anid' viht’akon .
Viht’ak muite ii püžu , ka nel’ värtnad paamei riigįižihe .
Kut pölvhan kazvatimei
Veps
Central Western Veps