Texts
Return to list | edit | delete | Create a new | history | Statistics | ? Help
Čuarin tytär
Čuarin tytär
Karelian Proper
Voknavolok
Oli
ennen ukko ta akka .Ukko läksi meččäh .Kävelöy šielä mečäššä työpaikoillah .Koiran haukku ni kuuluu .Mänöy kaččomah , mitä haukkuu .Koirua ei ole , kuh piä vain mättähällä , piä vain haukkuu .Hiän šen panou kesselih .Tuaš ruatau työtä .Kuuntelou : kuuluu lehmän kello .Mänöy hiän tuaš kaččomah : ei ole ni mitä , vain mättähällä kello yksinäh šoittau .Tuaš i panou kesselihiš šen .Tuaš mänöy työpaikallah .Kuuluu pajatuš .Hiän lähtöy kaččomah , ken šielä mečäššä pajattau .Miehen parta on mättähällä yksinäh : še vain pajattau .Hiän tuaš šenki otti kesselihiš .
Akka šanou :
– No mikse noita kuletat ?
Hiän šanou :
– Anna hyö ollah , ei hyö šilma haittua .
Šielä tapahtuu šemmoista , jotta čuarin tyttyö ei ole šuatu nakramah .Jo on kulunun šeiččemen vuotta – ei ole nakran yhtänä .Čuari šano , jotta ken hänen tyttären šuanou nakramah , ni hiän šillä antau ikusen eläkin , jotta hänen ei pie tienata ijäššäh .Kaikki kuottelou voimija , eikö millä šuatais nakramah .Та ukko läksi šen kesselin keralla .
Čuari šano :
– Etkö , ukko , šie hot kekši mitä , vanha mieš , millä hiän rupieis nakramah ?
Ukko kun nošti koiran piän lattiella : koiran piä haukkuu , jotta kaikki !..Čuarin tyttö muhahti pikkusen .Nošti šen lehmän kellon lattiella : kello rupei šoittamah .Čuarin tyttö šielä rupei nakramah .No šiitä miehen parran kun otti ta pani lattiella – parta pajattamah .Čuarin tyttö koko kerolla rupei nakramah niin paljon kun jakšau .
Šiitä ukko šai palkinnon , hyöty ijäkše .
Čuarin tytär
Karelian Proper
Voknavolok
–
–
–
Царева дочь
Russian
–
–
–