Texts
Return to list | edit | delete | Create a new | history | Statistics | ? Help
Ka vain kuin tuldih vieronazela
Ka vain kuin tuldih vieronazela
Karelian Proper
Myandyselga
Ka
vain kuin tuldih vieronazela ...
Engo mie smiettin , engo duumainun ,
myt't'yöt miula ottamien omenasta viestid vierdih .
Ka vain on karut ottamazed ,
kandamien omenua karut idvomazet
karuloih luaduloih izvedittih .
Niin kustaba mie rubielen
ottamien omenua n'ytten vuottamah
omien da pienien monikerdazien
kanazien da kanamarjazien ke (ra ).
Kuin jäin mie omien kukko kuvuamazien kera ,
niin kenenba handuh olen n'ytten
aigazista aivozista aijoista go suaten jiänyt
aijattomiksi ahoziksi ,
karuloin ni paganoin nimilöi kandamah ,
ni karun nimen kandelijoiksi leskinimyzien ,
ni kuin ei ole n'yt miula ottamien omenua .
Kunneba n'ytten mie jouvun
omien pienien kazl'azien da kandamazien kera ?
Kenba rubenou n'ytten miun sittimäzie ,
kallehen hyväist'ä kei roinnun ,
ni miun kandamazie ken rubenou silit't'elemäh ?
Eigo miun pienilä roinu
kallista hyväist'äni heid'ä kaččomas .
Sugien muailmoila piäl'ä ei roinu
miun suavistamazie suorittamas .
Kenenba handuh ollou jättän miuda
monikerdazien kanazien kukko kuvuamazien kera ?
Vain ollou sugein spuassuzien sulazihgo
miun jät't'än pienien kanazien kera ?
Vain rubetah vet pobiednoila varduola
kai pohd'azet tuuluot miuh koskemah .
Ku mie rubien , l'ein'ä kandajazeni , heid'ä leivi't't'elemäh ?
Kuimba mie rubien , sugie kandajazeni ,
omie suavistamazie suorittamah ?
Oi jo miula olovat spuassuzet , miksi miuda
olovien muailmoila piäl'ä sista kohie obiidiitta ?
Vain ollou miun painomazen paha (?) kandajazen
pahuzista miula roinu ?
Vain ollou udra varduola kaikki ...
Ka vain kuin tuldih vieronazela
Karelian Proper
Myandyselga