Texts
Return to list | edit | delete | Create a new | history | Statistics | ? Help
Voikud
Voikud
Veps
Central Western Veps
Podoidiške , kalliž
kazvattajaižem , sötai-tatuško , tazoitaške minun šuukuižid’ hibusužid’ .
Kalliž sä kazvattajaižem , sötai-tatoihudem , sugid’ i tazoitid’ minun šuukuižid’ hibusuzid’ , no ed voinu tazoitada enččikš da edeližikš , kut mii tazoitelimai čomile kal’hile praznikaižile .
Nägen minä , mišto ii tazoitugoi minun šuukuižed hibusuded , nägen , mišto tarbi eragata ičein’ vouktas voudaižes .Ii hätked ole krasuidas sinun korttiš horominaižiš , jäibä jäl’gmäižed krugovijad sutkaižed .
Nägen , mišto tii eragoitatoi mindai gor’o-gor'kijad verhale vilule randaižele , verhile sulile susedaižile keskhe homnižou čomou päiväižou .
Časovijad oma minii časuižed krasuidas sinun , kalliž kazvattajaižem , korttiš horominaižiš .
Podoidiške , kalliž kand’oihudem roditel’-mamoihudem , ičeiž libedan linduižennost , sugitaške i tazoitaške minun šuukuižid’ hibusuzid’ .
Podoidiške , sinä sula viikoihudem , tazoitaške minun šuukuižid’ hibusuzid’ , kut mii tazoitelimai kal’hile praznikaižile , nügude ii tazoitugoi minun šuukuižed hibusuded .
Otaške sä minun vouged voudaine-se , veseliške sinä minun vouged voudaine kal’hil’ čomil’ praznikaižil’ da veslil’ besedaižil’ , ala unohta mindai gor’o-gor'kijad verhale vilule randaižele .
Podoidiške , sinä sötai-čižuško , tazoitamha minun šuukuižid’ hibusuzid’ .
Sötai sinä čižuško , sugitid’ i tazoitid’ minun šuukuižed hibusuded , ed voinu sinä tazoitada enččikš da edeližikš , kut mii tazoitelimai kal’hile čomile praznikaižil’ .
Nägen minä , mišto tarbi eragata ičein’ vouktaz da voudaižes , en raciiž eragata ičein’ vouktas da voudaižes .
Nägen minä , mišto tarbi antta sinei ičein’ vouged da voudaine-se , krasnii krasotaine .
Krasuižoitaške minun krasnii krasotaine i vouged voudaine ičein’ l’ubimijoideke podružnikaižideke , kut mii veselimoiš , konz oli minun ičein’ vouged voudaine i krasnii da krasotaine , en tä , kut linnob unohtada gor’o-gor'kijale minei .
Nägen , mišto tarbi eragata verhile viluile randaižile .
Sigä ii veseliškakoi minun vouktad voudašt’ , krasnijat krasotašt’ .
Sigä virkaškatas viluil’ da vaihužil’-n’i .
Valataškanden m’inä ičein’ tazon da rožaižen k’ibedil’ kündluzil’ , ii tarb’i minei tehta veslad vedut tazon rožaižen p’stes .
Sötai minun sinä čižuško , lebastamoi verhil’ viluil’ randaižoupäi suride abidoideke , vasttaške mindai suren abidaiženke i suren kručinaiženke , alaške unohta mindai gor’o-gor'kijad verhale da randaižele-se .
Voikud
Veps
Central Western Veps