Texts
Return to list | edit | delete | Create a new | history | Statistics | ? Help
Kuolendu virzi
Kuolendu virzi
Livvi
Syamozero
Mindähbo olet
nämil huolevil huondeksuizil , sula hyväine ,
viikon aigaized vaikkane , surdunuin sula hyväine .
Endizil huolevil huondeksuizil ,
enne kukoin linduizien laulandaizie
kieroizel kielyizie kiänyttelit .
Nämil huolevil huondeksuizil [olet ] viikon aigaizet vaikkaine ,
imehyöl on ylen suuret igäväizet ,
kai on omenuol oudoizet mielyizis
kui olet , orhijoi hyväizeni , oigeil puuhuizil oijendeltu .
Onnuako olet , valgei hyväizeni ,
valgeil syndyizil edeh varustelluhes ?
Onnuako on sade syndyizet sinun kielyöt salbaeltu
sadoin salmeksuizien tuakse .
Onnuako on sinun kielyöt lukittu
yheksien luuhizien lukkuizien tuakse .
En jo nämih huolevih huondeksuizih sah ,
omenoini , ni voinnuh ouvostella
sulien syndyizien luaittulois pahois mielyizis .
Nämil huolevil huondeksuizil vai ellendelin
ihalien syndyizien luaitut igäväizet .
Kuibo nygöi myö , kurjaizet , ruvennemmo
nämil ihalil ilmaizil nämie igäväizie puolendelemah ?
Kui jättelit , uroi kalliz armoizeni ,
sulgaizie suuret artelizet ,
kui , jiädih pienembikse pienarheinäizie ,
kui jiädih madalembiksi muaheinäizie .
Kuibo minä ruvennen yksipuoližoizis
kallehis armoizis armoizie andelemah ,
kui sinä jättelit sulgaizie suuret artelizet ?
Kuule vai , kuldaine hyväine ,
kui jo valgeijen syndyizien edyizih mennet ,
vastaeltihgo valgeijen syndyizien edyizih mendyö
valgeijen tuohustuluizien kel ?
Oteltihgo or'hijat syndyizet oigeis kädyizis ,
vieteltihgo viekkahat syndyizet
viizis sormuizis vihandil nurmuizil ?
Kui jo lienöy vietelty viekkahat syndyizet vihandil nurmuizil ,
onhai minul vie suuri sugukundu sulien syndyizien edyizis ,
kai on aigu syndyizien edyizih ammui alennuttu ,
oldihgo viekkahien syndyizien edyizies olijat
niil vihandil nurmuizil sinuu vastaelemas ?
Kui jo lienöy oldu sulien syndyizien edyizies
olijat suuri sugukundu sinuu vastaelemas .
Kui jo valgiet syndyizet sinule annetanneh
omiedas valgejie valdaizie ,
ga vie jo vierdynyös päi verekset vieštiizet työndelen ,
tuoni naine , tuhanden nualaizet tuonen tervehyöt .
Sanele sada syndyizien edyizis
olijoila suan nualaizet sanomaizet .
Kyzele kuldaizien syndyizien edyizis
olijois kymmenen nualaizet kyzelyksyöt .
Sanele sulien syndyizien edyizis olijoil
suurel sugukunnal nämien ihanien ilmaizien suuret igäväizet ,
kui jättelit suurien artelizienke
mielettömis mielyizis olijoinkel suurih zobottazih .
Kuolendu virzi
Livvi
Syamozero
Похоронный плач [по мужу]
Russian
[