Texts
Return to list | edit | delete | Create a new | history | Statistics | ? Help
Huondeksel andilas zavodii itkemäh magaamaz nostuu
Huondeksel andilas zavodii itkemäh magaamaz nostuu
Livvi
Vidlitsa
Hot'
panit , kargijan siemenyön naine kandajazeni ,
kaksien puolien karavuulijazet ,
surendoine siemenyd , naine suvijaazeni ,
en voinut nämmil yöhyzil suremattah ni maata .
Kurd'aine , olin gu kudžoimätikközis ,
maadunut siemenyd , olin gu mauroimätikközis .
Surendoine siemenyd , vai gu survahtelimmoh ,
kargijaine siemenyt , kahtentostu čaassuzien aigah ,
onehel siemenyöl ozutettih ylen čuudnoid unuot ,
peigozel pervoil čaasul unuod lähtiettih .
Voinedgo , atkalan siemenyön naine aigaazeni , unuon arvata ?
Sammuine siemenyd , hot' rubiazin sinulles sanomah :
kačoinhäi , surendoine siemenyt , sulavoi armozen
suurih čuppuzih : ylen suuret saduzet kazvettu ,
vai oli lehtyöd langettu .Mih näh nede olloo ?
Vai olloo sih nähten , gu vaivazel siemenyöl näile päiväzil
valgiad valdazed vaibunoo .
Oleteltih ehtožoi armozen uuliččazil
Iivanan päivän aiguhizet kukkazet .
Vikse näil päiväzil kullan puhtahuot igäzet kuluu .
Laittoine siemenyd , gu menin Laadožskoloil randazil ,
kačoinhäi — tuloo karabline , Mihail da Arhanheli airoloiz on ,
Pyhä Pedri perää pidää .
Suvi tuuluzil nostih ylen suuret pilvyöt ,
ylen suuret torokkazet nostih ,
karablis paarussazet langettih .
Vikse minun valgiad valdazed näil päiväzil vaivuttih .
Passibo dai viegi passibo ,
kargijan siemenyön naine kandajazeni ,
maadunuttu siemenytty izmenättömii unuzii magaittelennas .
Konzu , maadunud , magajelinhäi ,
atkalaine siemenyt , sinun armozis ,
yhtelläh surendoi siemenyön sobazuod
vai maattih niilöil aigazil ,
gu olin atkalaine siemenyd armoittomil elonaigazil ,
aivei duumaičin , imehyt siemenyd , elonaigazii .
Yhtelläh , en izmenättäh maannud ,
gu olin sirotskoloil elonaijoil .
Huondeksel andilas zavodii itkemäh magaamaz nostuu
Livvi
Vidlitsa
Утром, проснувшись, невеста причитывает матери
Russian
[