Texts
Return to list | edit | delete | Create a new | history | Statistics | ? Help
Andilas itkijen käsköö maamalleh lämmittää kylyn
Andilas itkijen käsköö maamalleh lämmittää kylyn
Livvi
Vidlitsa
Oi
d'o kylmäzen siemenyön naine kylvettäjäizeni ,
voizit kylmäzel siemenyöl näil päiväzil ,
naine kandajazeni , kylyn lämmittää ?
Älä peigozen siemenyön naine pezettääzeni ,
älä lämmittele pedäjäzil halgozil :
ylen on pečaalazen pidäjäd .
Älä lämmittele , kurd'azen siemenyön naine kuvaajoini ,
älä lämmittele kuuzizil halgozil :
kručinan pidäjäzed ollah .
Älä lämmittele paivuzil halgozil :
pahan mielen pidäjäzed ollah .
Tuonikon siemenyön naine tuudittajaazeni ,
gu voizid ne truudazet pidää :
Vasil'jevskoloil saaruzil olis kiparesnoit puuhuod .
Edgo voi tuvva nijjien puuhuon halgozii ?
Naine livuttaazeni , edgo voiz nämmikse kylyzii ,
tuvva Jerusalmin d'ogirandazen vedyzii ?
Eigo rod'ei nämmä kylyzet kylvettäväksi ,
eigo rod'ei nämmä kylyzet , peigozel siemenyöl , pezendäzekse .
Vai roih päderäzel siemenyöl
nämmä kylyöd valgian valdoin vaivuttaes ,
kurd'azel rodia nämmä kylyzet
kullan puhtahuzien igäzien kulutandaksi .
Andilas itkijen käsköö maamalleh lämmittää kylyn
Livvi
Vidlitsa
Невеста причитывает, просит мать затопить баню
Russian
[
[