Texts
Return to list | edit | delete | Create a new | history | Statistics | ? Help
Andilas kylyn pihaz itköö
Andilas kylyn pihaz itköö
Livvi
Vidlitsa
Onehud siemenyd , lähten
nämmih kylyzih
ylen suuriz opaalazis .
Viego orhijan armozen laaduzet ustoojinnehezgo ,
kergijän armozen laaduzed lahozet viegoi kestellöö ?
Kačovai , gu on kallehen armozen porras stupen'n'azet
kai kazanskoloil vaskuzil valeltut ,
kuldazen armozen kuuriččazel on
kuldoi kägöhyöt kukkumah pandu ,
kai on solovei linduzet pandu
uuliččazil rešotkoil soittelemah ,
kai on aaloit barhattazet azeteldu
kylmäzen siemenyön kylyzih menendyaigazikse ,
leinäzen siemenyön menendyaigazikse .
Liga kohtih levitetty aaloid barhattazet .
Kai on Iivanan päivyhizet kukkazed istuteldut ,
sroičan päivyhizet saduzet pandu .
En voi , kylmäine siemenyd , näih kylyzih ,
melgivöine siemenyd , ni mennä :
ylen on osooboid duuhuzed .
Ilmojen pestyzyöt , en ottanud ni pezettelemäh teidy ,
en d'o ottanut , kylmäine , ni kylvettelemäh teidy ,
engo ottanud , vaimelaine , ni teidy valattelemah .
Vai ottelin , ilmojen pääsközyöd , minä teidy
omii valgejii valdazii vardoiččemah ,
vai ottelin , ilmojen kandomuod ,
omani kaunehii igäzii karavuulimah .
Andilas kylyn pihaz itköö
Livvi
Vidlitsa