Texts
Return to list | edit | delete | Create a new | history | Statistics | ? Help
Sit proššaiččehes tyttölöis, zavodii itkie äänel
Sit proššaiččehes tyttölöis, zavodii itkie äänel
Livvi
Vidlitsa
En
voinud , ilmojen vaalimazed , omani valgejii valdazii
vaivuttaa nämmih kylyzih .
En voinut , kurd'aine siemenyd , ilmojen kuvamazed ,
vierijäine , vie nämmis kylyzis kuluttaa .
Opittelen , onehut siemenyd , ilmojen uččimazed ,
atkalaine siemenyd , ilmojen kanaparvuod ,
minä teijjän kamandazih omani valgied valdazed annella .
Etto , ilmojen vezazed , verheliz
minun valgejii valdazii vihmupäiväzil .
Gu etto , ilmojen tuomenuod , minun valgejii valdazii
pidelis tuuččupäiväzil .
Gu etto , atkalan siemenyön ilmojen kanazed ,
akkiloiččis minun valgejii valdazii ahavupäiväzil .
Hod' d'o olin , atkalaine siemenyd , armoittomil elonaigazil ,
toko akkiloičin yhtelläh omani kaunehii igäzii
Iivanan päiväzil kaunehil päiväzil .
Vierijäine verhelin , hod'olin sibd'oine
sirotskoloil elonaigazil ,
omani valgejii valdazii Pedrun päivyhizil aigazil päiväzil .
Imehyt siemenyd , igraičin iz'umnoloi igäzii
Il'lan päivien aijoil .
Ilmojen tuomenuod , en voiz , atkalaine , ni teile annella ,
vaimelaine , omii ni valgejii valdazii .
Gu , ilmojen tuomenuod , net truudazet gu pidelizittö ,
gu voizitto truudazet net pidää —
tundožoin syndyzien tuuluzien koskemattomil kohtazil ,
gu voizitto vedää , gu voizitto , ilmojen saaduzet ,
saattaa ahavazen koskemattomih kohtih .
Gu voizitto , ilmojen vezazed , vedää viehkahien syndyzien
vihilinduzien koskemattomil kohtil .
Ilmojen saaduzet , gu saattelizittohäi vaivazen siemenyön
valgiad valdazed Vasiljevskoloil saaruzil ,
niilöih kohtih ei tundožoin syndyzien ni tuuluot koskettas .
Gu voizitto , ilmojen pestyzyöd , vedää
minun valgied valdazet Predraženskoloil gorazil .
Niilöil gorazil viehkahien syndyzien ni vihmazet ei koskei .
Ettogo voi , leinäzen siemenen ilmojen linduzed ,
Jerusalmen d'ogirandazil saatella ?
Niilöil kohtazil armahien syndyzien ni ahavazet ei koskei .
Hot’ , atkalaine siemenyd , olizin iče saatellud ,
ylen lyhyöd aigazed oldih ,
surendol siemenyöl , ylen sroogoit srokkazed oldih ,
leinäzel siemenyöl , ylen lyhyöd liittozed oldih .
Laittoine siemenyd , rubeinhäi langei mielizien ker laadimahes
toivoin , annellah kurd'azel siemenyöl
kullan puhtahuzii igäzii kuuzikse ned'älizii
kuvajandoi sijazil kulutella .
Toivoin , annellah , imehyt siemenyt ,
kuuzikse ned'älizii iz'umnoloi igäzii igraijja .
A kergei mielized ylen äijäl kiirehteldih ,
kuvved ned'älizet pidää valgejii valdazii
sinne kullettaa Vasiljevskoloil saaruzil .
Sit proššaiččehes tyttölöis, zavodii itkie äänel
Livvi
Vidlitsa