Texts
Return to list | edit | delete | Create a new | history | Statistics | ? Help
A vuotavai n opin kačteltakseh
A vuotavai n opin kačteltakseh
Ludian
Southern Ludian (Svjatozero)
5. A
vuotavai n opin kačteltakseh ,
n oi naine kalliz armuoaženi ,
kain opin kaikkeh luaduižeh sinuudas azetelda .
A nygy nämili huolovili huonduksuižil
en voinnuh ni , läylemäinen akke jo ,
sinuudaš ni kiuru-kielyižil pagižutelta :
kai kattelidi , n oi naine kalliš armuoaženi ,
n yheksiden kuuhuižiden kandelii ,
kai sinun läyl'emäd lämmäižedi l'ähtedih
n yl'eni kiberäžesti .
Minä kai , vaimeloine lapsi , sinun läylemädi l’ämmäižedi
n ottelen kai valgedih paikkaižih d'o .
Oi naine kalliž armuoaženi ,
kui d'iättelid minule , kurd'aižele lapsel'e ,
yksiz vaččaižiz vuoalittudi , suuredi n art'eližet
suuhottaižiks dai hlopottaižikse .
Kui minä heidy , kurd'aine lapsi ,
rubedani n yl'endelemäh heidy suurid art'eližidi jo .
Oi naine kalliž armuoiženi , d'o
ei rodideh ni n enämbädi sulid armuoižid
suladelemah da arbadelemah d'o ,
kai nämil pädövili päiväižili
n ylen suuredi atkalaižedi meile tuld'ih .
A vuota minä n opin , k armahadi kuvamudenid ,
sinuw kai viiš kui dieättelidi ,
minä olen surdunudeni suurembili , art'eližil ka ,
kabudelen : tulgavai , l'äylemäized lapsed ,
naižen kallehen armuoaženi rindale .
Nygy , n oi kuvamudenidi , kačo n olette jo
kallehen armuoižen rindal ka .
Häin kai salbadeli kiuru-kielyded dai
sulgaiženi suluded d'o .
Ei ni n enämbädi sulil sanaižili suladelede ,
da ni kymmeniden sormuižiden keskeh kabudel'e .
Hot' kudamis kohtaizis rubetanneh ,
kuvamudenid , n abiduoaččemah ka ,
ei naine kalliž armuoiženi ni kaunehil'e uuliččaižil'e d'uokse ,
ei ni , sammoiženi , sanaizil kirgaidel'e .
A myö , n oi surdununded lapset ,
kui suutuimme hänen edyižih ka ,
opimme kai suured art'eližet sulil sanaizili suladelta .
Ka nygy nägyw on orhedile syndyižil'e
edyižih n oigettu ,
kai n oigedil'e n olguižil'e paneteldu ,
kai nygy häntä n on vakki sobaižih šuoriteldu jo .
(N'ygy tämä kačo vahnembi sizareh itkettäw , enzimäi iččedäh zavodii ).
A vuotavai n opin kačteltakseh
Ludian
Southern Ludian (Svjatozero)