Texts
Return to list | edit | delete | Create a new | history | Statistics | ? Help
Jumou Arifeinan longile tuli
Jumou Arifeinan longile tuli
Veps
Central Western Veps
Ende
eliba kaks’ velled : üks’ bohat , a toine bednį .
Bohat bednįjad velled ii lübind .
Bohatale radoiba , radnikoid pidi , kaik sijad voumhed , kazakad , kazačihad .A bednį vel'l' - lapsid' diki äi , kaika pagastha päle mämob da pakičeb dengoid' da liibäd da .
Tuli praznik , mäniba pagastha .
Bohat vel'l' outrile kohtha , Lazar' , kombuile lask'he , ristiše , sanu-bgi :
– Mina vet , hospod’ , en ota , jumalaižem , nimidä verast , minai vet kaik ičiin' , sön mina ičiin' , jon ičiin' , pidän ičiin' , a Arifei kaika verhile pakičeb , pagastale da lapsid' töus pert’ , eläb bedno , ele hänou nimidä , hän om čistį grähhine .
A Arifei čogeižes kombuil’ , pitk’ kouhtan päl i moliše , iče ičtas kulakou rindhiže da ocha iškoiteleb :
– Oi , mina se ka , jumalaižem , grähhine olen , kaika pakičen pagastan pälo , lapsid' minei äi , mad minei ele , emboi nikut eläda , čistį grähhine olen , čistį grähhine olen .
A jumou se pagastas tedab , kudam min moliše .
Läksiba pagastaspei .Lazar'-se sanub :
– Jumou-se pagastas oli , ka mijale longile tuleb , vet mina olen bohat .
Arifei ka i dumai ei , mäni kod'he .
Ka jumou-se Arifeiha longile tuli .
Jumalalo-se jäl'ghe adivoid' tuli äi , a Arifejuu nimidä ele , ni liibäd , ni kiitosid , nimidä .
Tuli Jumou .
– Oi , jumalaižem , sina tulid' longile , a minai nimidä .
– Ele , ka kackha-ške emäg se päčiš ka , ik kiitost ole da mida-ni .
Aveiž ak päčin , ka kiitosid sigä mäne teda midä , töuz’ zakuskoid .
Mäni čogha , liibäd oli kromeine mastn'as , ka kacuhti , ka sigä koloboid ka kalitkoid , ozražnikoid , säkijad töus’ , kokatid , nižušt .
Stolan ak ladi .
Ištuiheze adivod stolan pähä , jumou sanub :
– Ka , sina , Arifei , hot’ vinou čestiižid väheižuu .
– Ka ele vet vinad se , jumalaižem , minei , olen vet mina bednį .
– Mäneske kaivole , to vädreine vett , počerpni da kaco töus’ , ala vähašt .
Män' , toi vädran vett , zavodi kouheižuu otta .
– Ala kouheižuu , ala , pano butuukha , lüuda piču rümkeine , česti rümkeižuu .
Hän pan’ vett butuukha , rümkeižuu česti , kaik kaksin' rümkeižin' jüibä .
Adivod humouzuiba , süibä , jüibä , spasiboičhezo , läksiba irdale , šateiše kaik derenas .
Lazarile čud : Arifejas nimida ele , humalas läksiba .
Kuspei Arifei vinan oti ?
Tuli Arifejanno :
– Kuspei sinei , Arifei , vin ol’ , vet sinei ele dengoid' da nimidä ?
– Ele , ka jumou sanoi : «Otaške vädr da to kaivospei da česti , ka humouzudas
kaik ».
– Da i mina , sanub , – muga butuukha panin' , adivoile česti'n , adivoižed humouzuiba .
Nece Lazar' kodhe , vädran kädhe , kaivole joksi , kod'he vet kandišeb , zavodi butuukha panda da jotta .
Vezi ka vezi om .
- Jumou , značit , lübib bednįid , a bohatįd ii lübi . Muga Lazar' i sanui .
Jumou Arifeinan longile tuli
Veps
Central Western Veps
–
–
–
–
–
Бог к Орифею на обед пришел
Russian
–
–
–
–
–