Texts
Return to list | edit | delete | Create a new | history | Statistics | ? Help
Pap i radnik
Pap i radnik
Veps
Central Western Veps
Ende
pap radnikan pidäb , i hot’ kut radnikan pouktab , radnik nikut ii elä , lähteb .
Nu , tehta ii midä , radnik papilpei lähteb .
Pap tuli bazarale da i käveleb , radnikan ecib .
Eraz mužik säb :
– Midä ecid' , bat'uško ?
– Ka ecin' , - sanub , – radnik mini tari oliž .
– Ka ota mindei .
– Tule .
Pouksihe mužik radnikaks papile .
Tuliba paphe , ön magaziba , homencuu radole töntta .
Ištuiheze murgn'ale , murgn'an süibä , a pap säb :
– Sina , papad’ , toške i long , miile ii tariž tuuda da aigad ii tari trat't'a .
Papad’ i radnikale saab :
- Sögämei ?
– Ka sögäm , minun täht .
Papad’ longen toi , longen süibä .
Pap sanub :
- Ka sögäm i peilong ühtnägoi .
– Sögäm , minun täht .
Peilongen-gi söd'he .
Nu , ištasoi , söda jo ii tahtoi radnik ni mittušt’ .
- A možet užinoičemei ühtnägoi ?
– Ka mijak emei ? – Užinoikam-gi ühtnägoi .
Papad’ užinan-gi toi , užunoičiba .
Radnik läks’ stolan päspei , kouhtanan päle pan’ da astub sareile .
Pap sanub :
- Sina mijak , radnik , sareile ?
– Užinan süimei ka jäl'ghe užinad ika magata panese .
Män’ sareile da pan'he magata da sutkad magaz’ radnik .
Pap i radnik
Veps
Central Western Veps
–
–
-
-
-
Поп и работник
Russian
–
–
–
–
–