Texts
Return to list | edit | delete | Create a new | history | Statistics | ? Help
Kut ak mužikan manit’
Kut ak mužikan manit’
Veps
Central Western Veps
Ende
eliba uk da ak , ii edahan pagastaspei .Hiil lähez eli pap .
Mužik da ak eliba družno .
Ak tegi drugun .
Nece drug erasuu ehtkoižuu ...tuuda tariž , a mužik kodiš .
Ak ii teda , kut mužikad manitada .
Mäni da tanhoupei živatad pästi , lehmäd da hebon pästi da lambhad .
Tuli da irdoupei heikab (mužikan-se kucuiba Sidoraks ):
- Sidor , Sidor , živatad irdale päzuiba !
Irdou se oli tal'v , lumi .
Nece Sidor libui , üksil kadjeil' , üksil' paidoil' , poutnasiižiš sobiš , stupn'ad jougha čokaiž da i joks’ .
Nece živatad souptel’ , souptel’ , ak abuti .
Kudeig živatad soupsiba , nece akan drug pert'he švilahti .
Ak pert'he mäni da verjäd kaik soubaz’ .Sidor jäi ikna-alle .
Sidor tuli i kolotiše .
- Ka ken sä oled ? - nece ak sanub .
- Ka olen sinun mužik Sidor .
– Minei Sidor kodiš .
– Kut kodiš ? Mina naku olen .
– Mina küzun , ka Sidor mine änen andab .
Sidor , sina kodiš ?
Nece drug sigä sanub :
- Kodiš .
– Näged , kulid , Sidor kodiš .
Ii teda midä nece Sidor zavot’t'a .Joksen’ , joksen’ , jougoile vilu , ičelaz vilu , irdou pakaine .
Joksi paphe .
Kolotihe , kolotihe , pap aveiž .
- Ken sina oled ?
– Sidor .
– Ka mijak sä , Sidor , öl irdou ?
– Ka pert'he nikut ak pästa ii , abuta pert'he sadas .
Pap tuli Sidoranke , taričhe , taričhe pert'he pästta Sidoran .
Nece ak saab :
- Ii , bat'uško , Sidor minai kodiš , Sidor naku kravatiš venub .
Kacu , ed usko , ka änen andab Sidor .
- Sidor , sina kodiš ?
Nece drug saab :
- Kodiš .
– Kulid' , ed ?
– Kulin' , ka ii Sidor , ii ole .
Kacuhtiba da saab :
- Pit'kad hibused (ende pit'kad hibused pidiba ka ), ani čort om .
Necen Sidoran uugilpei trähni pap (Sidoran jo jougad kül'mnuded , uugha ot’ ) da Sidoran jät’ i kod'ne joks’ .
Sidor ii teda kuna mända öl .
Dumai , dumai , surmhassai külmi .
A papin' härg sid ...ühteižuu papil'-se tehtut tanheine da sigä härg .
A tanheine se läm , souptase irdoupei , noreižuu sidose verei .
Hän män’ sinnä härgänno da i magaz’ härgänno jasliš .
Lämmeine hiinäs da i magaz’ .
Homencuu libui da i tuli kod'he .
Ak saab :
- Kusak sä , Sidor , olid' ?
– Ehtou pert'he et pästand ka .
– Kut en ?
Sina minunke magazid' , töu homencuu kuna-se läksid' .
Nu , huvä , äjou proudad ii sa tehta akanke , ak mugoi lofkikulu .
- A magazid' kus ?
– A naku magazin' papin' tanhou härgänke .
– Oi , Sidor , sina Sidor , härgänke magazid' , nuka jo vactįid' .
– Jose vactįin ?
– Ka vactįid , vactįid .
– A nügde mi zavotta ?
– Nügde mi zavotta ? Vet’ huba pagin töndub .Dovediše last tehmaha kunani mända edomba .
Ak kudei suhrid Sidorale kuiži da Sidoran spravi , aigad proidihti .
Šougun Sidorale sel'ghä , i Sidor töndui last tehmaha .
Astub peivän , astub toižen , astub kaks’ jo nedalid' jougei .
Eduu mašinad ii käveltut suril' ningomil' pereleskoil' .
Astui , astui , nedalid' možet kuume astui , en tea kuverdan .
Tuli mugomale pereleskale , homaiči ka dorogou mužik kuunu , a sapkad villaižed mužikou jougas čomad .
Hän oti , mužikou jougad čapoi i šoughu pani .
- Kus ösijou mänen da sapkad päčile panon , nene jougad suladan da hädän , i sapkat lindäs .
Tuli , öks taričhe .
Sidoran sötiba , Sidoran jotiba , päčile magattaha panetiba .
Hän nene sapkad jougoideke vedi , pani päčile sulamaha da uinoz’ dorogaspei ka .
Sil öl emagou-se lehm kandoi .
Vilu irdou se dikii pakaine , vazaine-se kül'mi .
Hii toiba (necen Sidoran unohtiba päčil' , miše om hiil' önik ), paniba necen vazaižen päčile .
Sidor magadab .
Sidor öl heraštui ka vazaine Sidoran noleb .
Ka mi hän om ?
Sidor muji , muji , ka vazaine märg .
- Jose mina vazan tegin' , härgänke magazin' ka ...?
Ani mina tegin' .
Tari uitta täspei öl , ika kästtas vu vazan mine otta kerdale , mäne tea ,
mi linneb .
Nece Sidor hilläšti sigä , vaiknašti sobihez da läks’ .Nene jougoideke sapkad unoht’ päčile .
Homencuu ižand da emäg nuuziba , kacuhtiba vazaižen , homaičiba sapkoideke jougad .
- Kacu , sanob , – nugde-se nugde azj .
Önik oli päčil' , önikad ele , sapkad i jougad jeibä .
Ani vaza süi .
Otiba , necen vazan rikoiba da taciba krežha .
A nece Sidor hüviš meliš astub kodhe .
Astui , astui sigä , rigehti , rigehti , jäl'gmeine jo eht , öks jo kod'he tuleb .
Hänle tuleb soudat vastha .
A soudat hiide derenas oli , kaiken derenan öks taričhe , taričhe , hijou-seki taričhe , läksi da kundli verjän taga .
Ak öks pästand ii , a pagižeb sigä drugunke .Kuleb , miše drugunke pagižeb .
- Sina , saab , – tuled , nu ka mina tegen žarkijan , panen päčhe .
– A ježli Sidor tuleb , nenil pejil dolžen tuuda ka , mina iče se kuna ?
– A iče karzn'aha panoudamei , uindab Sidor , i sina lähted .
Možet vu ii tule täu ehtou .
Vasttihezoi necen soudatanke Sidor .
- Sina , saab , – mijak , soudat , vast öhe tönduid' derenaspei ?
– Niken , dädä , öks ii pästand .
– Ka ika ala mäne , pörte , mänemei da mijou magadamei .
Soudat asttes-se tabaz’ kajagan doroguu , lindun , polan alle .
Pörzihezoi , tuliba Sidoraha .
Sidorih hüviš meliš kuti Sidoran vasteleb .
Ištuihezoi sömhä .
- Ele , Sidor , nimidä kiittut-se mugošt’ , ele nimidä paštta-se . Ihastįin'-se ka surmhazesei , surmhazesei ihastįin' .
Zavodiba užinoita .
Nece soudat kajagan vedoudab , lindun , suugad diki kibedad .Lind : «A-A , vingahti !».
Sidor sanob :
- A min hän lind-se ?
– A hän , saab , – pagišta mahtab , lind-se , mina hänon paginan tuukuin , hän om tedei lind-se .»
– A min hän sanoi ?
– A sanoi : om žarkii päčiš .
– Min' sä pagižed , - nece ak säb , – mijou žarkijad päčiš igas eleške .
– Eleške ka kackameiške .
Sidor mäni , päčin' avaiž – žarkii päčiš .
Žarkijan toiba päčišpei .
Nece soudat möst lindun suugas vedouz’ , lind möst vingahti sigä .
- Ka min hän möst tedei lind-se pagižeb ?
– Pagižeb ka etei usko , ak , näd , ii usko ka .
– Ii usko , da vet’ min-se aigoin' proudan sanob .
– A sanob : om pelen taga päčiš polišk litrad , vinad butuuk .
Päčiloudan möst avaižiba – ka vinad butuuk , toiba stolale .
Soudat da Sidor vinan juiba , necen butuukan .
Nece soudat humouzui ka lindud enambou vu bokas räzahtoit’ .
Lind möst vingaht’ .
- Ka min hän nügde-se sanob ?
– A nügde sanob ... en teda sanoda-ik ?»
– Ka sano jo , sano , lind sanob ka kutak ed sano .
– Ka sanob , om čort karzn'as .
– Jose om ?
– Om . Käsked ka mina küksen .
– Ka kükse .
– Vįvedin' necen čortan igäks .
Karzn'an avaižiba .
Ak saab :
- Üksnein' elin' , ka ele nimiččid' čortįd' , en nägeske .»
Mäniba karzn'aha , soudat oti ufatnikan , män’ karzn'aha .
Sigä mužik , drug-se karznäs .
Hän ku nöugeidab kerdan , toižen .
Nece drug karznäspei hurahtab da irdale , läks’ sigäpei .
Mužik saab :
- Sigä oli čort .
Muga soudat necen čortan igäks küksi , openzi .
Soudat homenchessei magazi .
Necen lindun mužik ostaškanzi .
Nu , soudat lindun hälle ustupi , müi , jät’ , žallöiči , saab :
- Na , sindei kaika podderžib nece lind .
A soudatale tari oli dengad da liib dorogha .
Sidor andoi dengoid' , andoi liibäd , aleižed andoiba kädhe vahvad .
Soudat töndui , a mužik händast blagodari čomašti i jäi ičeze akanke elämha .
Enamb drug ii tulend .
Kut ak mužikan manit’
Veps
Central Western Veps
-
-
-
-
-
-
-
-
-
-
Как жена мужа обманула
Russian
–
–
–
-
–
–
–
–
-
–
–
–
–
–
–