Texts
Return to list | edit | delete | Create a new | history | Statistics | ? Help
Kükstut koir da kaži
Kükstut koir da kaži
Veps
Central Eastern Veps
Eli
endo mellicnik .Mellic oli gög'uu , mellic gög'uu radoi , kolesoil' oli , gäuhob ülähan , alahan survob kagrad kürzikš .
Nece mellicnik pidi koiran kaiken , miše mellican karauliž da nutaiž .
A sid vuu elotihe deruunas uk da staruh gö vanhad ka kaži gö vanhtui .
A necuu mellicnikau koir vanhtunu , ii nutaškanu , vorįd pästliškanz’ mellicaha .
Kažin' küks’ nece emag , staruh da uk kükstihe .
Tuli kaži püudho , ištuihez mägudolo , voikab , mäugab :
- Kuni mina godimoi , mina hirid' taboitelin' , hiiden veššad sohran'ain' , ka hö mindain' baregoitihe .
Tegimoi vanh , en kulo , emboi hirid' tabata , mindain' kükstihe .
Miniin' om abid .
A kacauz’ – koir astub .
- A kuna miniin' koiraspäi uitta ?
A kuna mina uiduškan , mina göksta-ki emboi , s'orono koir tabadab .
A koir ii uraida , ii nuta .
No , hän küzub :
- Kuna , koiraine , läksid' ?
– Ka kuna mina läksin' , - voikume koir pagižeb , – kuni mina olin' mellicau , ižand radoi minun , nu ka mina godimoi , karaulin' mellican , vorįd' mina en pästnu , nutin' , taboitelin' , a nügut en godiškannukso , mindain' kükstihe kodiupäi .
A kaži hänlo vastha pagižeb :
- Nu , siloi astkam ühtes , mina-ki kuni hired taboitelin' da godimoi , ka pidetihe , mina-ki olon kükstut .
Asttihe , asttihe mecha .
Putui hiile reboi vastha :
- Kuna , kaži da koir , läksitt ?
A koir pagižeb :
- Sina , reboi , ala pahoin' kažile pagiže , nece om kaikide zveride päu car’ , kaikid' proveriškab mecas , ked kus elotas : händikahad , kus elotas reboid' , kus elotas gänišad .
Sina , reboi , bude void' , ka sanu miile , ken kus elab .
Nece reboi hiile sanui dei pagižep-ki :
- Otkat mindain'-ki kerdalo , kuna tö , sinna i mina astuškan .
Asttas , putui hiile gänišaine .
Nu , gänišaine uitta ladi .
Reboi pagižeb :
- Ala uidu , nece om mecahiine car’ .
Hö asttas mecas provermaha , äjak om miid' mecas životnijid' , kaikid' proverdas .
No , nenod asttihe , asttihe , väzdihe roukad , söda tahtoidas , göda tahtoidas .
Tuli nituine , a nituižuu se göksob ojaine .
A mägut mugoine hüvä kosogoraine , puhtastadut , oksad oma kuivad ningimad .
A kuiviš oksiš-ne om hir’ .
A koiraine-se pagižep-ki :
- Davai , sanub , – Kot-Ivanovič , ištkamoiš nakhu da lebaidüugamoiš , a možet tänna ödum .
Dai ödudihe-ki sihe .
Hiihe vüu kondi oli ühtenu .
Kondi-gi sihe ödui , ištub hiidme .
A kondi-se libui pedajihe , a kaži-se vardiičeb hiruden necen lomunnu .
Koiraine lämįhuden tegi da kiitab katl'aižes ičelozo čajuden .
A kažiine söda tahtoib ka lomunnu-se ištub .
A kondi-se pedajihe libui da kacub : «Mida neno radaškatas ?
Göse mijau ningine car’ mecas ?Mižo pahoin' pen’ ?
Mijak ii mindain oliž panda carikš , mina kaikid' suremb .»
Nu , a kaži hiren vardiič , vardiič , hir’-se ku kubahtab , kaži-se ku šarahtab sinna oksihe-se keskhe kuivihe , hiren-se tabadab .
A kondi-se toropihe .
Kaži-se kondg'alo gäl'ghe ladvha , pedailadvha .
Kondi-se bungahtab langeta da langes'-ki sihe .
Dai kondi uidi .Enamb ii ozutado .
A händikaz om vüu hiidennu .
Koir pagižep-ki :
- Söda tahtoim , mida mö söškam ?
A mänoko , händikaz , käu miiden üuknan allo .
Naku ningomau sijau elab minun ižand , hänou om sur’ pahoin' barak , to miniin' barak .»
Händikaz mäni , zagardospäi hiiden barakon tabaz’ , necile ojeiželo toi .
Ištuihezoiš kaik , a kaži-se sanub-gi :
- Mina söškan lihäižen , a sina , händikaz , ime kaik čak da sö kiškad , rebita davai .
Händikaz rebit’ barakon , vacas kiškad päst’ , süi , čakan imi .
Händikaz küläine .
I küzup-ki händikaz :
- Nügude voib mända , kot-kotofejič , ningine car’ ?»
– Voib , mäno .
No , händikaz läks’ ičezo tropime .
A nece koir da kaži necon barakon kuni södihe , hätken elotihe ojaižuu .
Kükstut koir da kaži
Veps
Central Eastern Veps
-
-
-
-
-
-
-
-
-
-
-
Прогнанные собака и кот
Russian
–
–
–
–
–
–
–
–
«
–
–
–