Texts
Return to list | edit | delete | Create a new | history | Statistics | ? Help
Van’ka-durak möb härgäd
Van’ka-durak möb härgäd
Veps
Central Eastern Veps
Elotihe endo čelį kanz
: tat da mam , oli hijou kuume poigad .
No , tat da mam-se koudihe , a gäi hiile kuume härgäd .
Üks’-se poig oli durak , da kaks’ se umnįjad oli .
No , mida tariž tehta ?
Härgid' sötta kut ?(taufhuu-se ka g'o lumut oli ).
A nece Van’ka pagižep-ki :
- A davaite , velled , mögam härgid' .
– No , mögam . Kuna mö veškam möda ?
– A mina lüudan sijan .
Ičeze härgän ot’ , küttoho pani , mecha vei .Kosogorha surhe vei , sinna sidoi necen härgän .
A pehk oli , ladv-se katkenu , kuivehtunu mec ningitte pedai .
Hän hamaruu iškeb da :
- Dätkim , osta härgäine .
Iče hän pagižep vastha-ki :
- Mö .
– Äjäk andad ?
– Kuume sadad .
– Konz dengäd ?
– Raštvoiš dengäd .
No , ičeze härgän sidoi neche , iče hän kodihe tuli , gät’ härgän da .
Velled küzutas-ki :
- Nu , Van’ka , müid' härgän ?
– Müin' .
– A miiden härgäd voidkį möda ?
– Požalui voin' .
Toine vel'l' pagižeb :
- Vö minun-ki tämbäi härg .
Hän möstona küttoho pani , mäni necen-žo pehkonnoks .
Hänon härg g'o södud , ühted lud gättud .
- Dätkim , osta härgäine .
– Mö , – iče hän pagižeb .
- Äjak andad ?
– Kuume sadad .
– Konz dengäd ?
– Raštvoikš dengäd .
No , möstona sidoi härgän sihe-žo pehkho .
Läks’ kodihe .
Tuli kodihe .
Velled küzutas :
- Müid' ?
– Müin' .
– A kus dengäd ?
– Raštvoikš dengäd .
Toine-ki vel'l' möst pagižeb :
- A minei-ki mida hänt sötta , sötta ii miu , mida minii pidada , ve minun-ku ,
Van’ka , härg .
Van’ka küttoho pani , härgän vei , möstona sihe pehkho sidoi .
Vellen-ki härgäd eile , ühted lud gättud .
A hän möst sidoi da , mäni da , iškeb hamarou-se da :
- Osta härgäine .
– Mö .
– Äjäk andad ?
– Kuume sadad .
– Konz dengäd ?
– Raštvoikš dengäd .
Sidoi pehkho , läks’ kodihe .
Tuli kodihe .
Veli küzup-ki :
- Müid' ?
– Müin' .
– A kus dengäd ?
– Raštvoikš dengäd .
Tuudihe hö läz deruunad-se .Sid om časuunaine .
A časuunaiženno-se putui hiile vastha pap .
Pap se sanup-ki :
- Raštvad !
Hö lähttihe dengihe .
Mändihe kuume velled möst necen pehkonnoks .
- Anda dengäd , dätkim , anda dengäd . - Nece Van’ka hamaruu tuzib necon pehkon .
A velled hänt laitas :
- Miččed silei dengät , put-ki g'o kuivahtunut da kaik hapanudod .
Ken silei andaškab dengäd ?
Van’ka sihesai tuzi pehkon necen , känd' , bokalo sord’ .
Sigou kuudad , kuudaižid dengoid' .Täudod šaugud amuutihe velled .
Dei Van’ka täuden šaugun amuuz’ .
Vähäižuu lumudou kattihe da lähttihe kodihe .
Tuudihe g'o püudhosai – časuunaine .
Časuunaiženno pap putui vastha .
- Kus tö , velled , olitt ?
– A-a , kus mö olim ka ...
A vet’ g'ohtui mel'he vellile-ne :
«A gesli lähtob pap miide gäl'gime , neno dengäd lüudab i miile enamb ii doidu .
Nece pap miide kuudan kaiken kandišob kodihe ičelozo ».
Papid' vet uudihe žadnijad pahoin' .
Hö ottihe , ka mida tehta ?
Papin' riktihe , časuunan pälo tačitihe , möst dengäd ottihe i kodihe lähttihe .
Van’kad küutihe :
- Ala pagiže ni kelle nimida .
Tuudihe kodihe velled ningimad bahatad .
Kuz’ nedalid proidi .
Papid' ečitas , ečitas , nikus papid' eile .
Öniston g'o keratas .Öništon keratihe , kaikid' kuctihe , nenid vellid'-gi kuctihe dai Van’kad kuctihe .
A velled-ne sädasoi dai pagištas :
- Sina , Van’ka , ala tulo , mö sinutaiž , mö tomašt’ tom , mö muštam sinutaiž .
A Van’ka razve tirpab ?
Stolan taga rahvaz ištuihezoiš , a Van’ka sinna mäni-ki dai :
- Terfhen elat , keda tö muštat , kudamon mö papin’ se rikoim , ka sen vai ?
Velled stolan tagapäi hüpähtadihe , g'okstihe hotkemba .
Oli hijau vuu koza , kozan riktihe , časuunan pälo tačitihe .Papin' necon g'og'oh'o vedotihe , pästtihe prolubaha .
A koza karvoikaz ka časounan päu .
A Van’kou küzološkatihe sigou öništos se :
- A konz tö rikoit , kuna tö panit' ?
– A mö tačim časounan pälo .
No , časounan pälo mändihe proverm'ah'a .
Mändihe , ka Van’ka libui i küzub :
- A tijau papil' bard-se oli ?
– A bardad iilenu .
– A miččed g'augad uudihe ? Käbg'ad uudihe ?
– Kabgid - miiden papiu iilenu , uudihe g'augas sapkad .
– A sarved-no uudihe ?
– Miiden papiu sarvid' iilenu .
Van’ka , tači , pästa časuunan päupäi , mö kacaudam , mitte sigou pap om .»
Van’ka časounan päupäi kozan karahtoit’ pästta .
- Tfu , tfu , Van’kan vaihid kundlod ka ... Astkat , muštkat pap , g'o pap kozaks kännukso , sidei koza om ka .
Möst mändihe muštmaha .
No , dovaumitihe necon öništon , dai velled elaškatihe pahoin’ hüvin' dai dengäd kandištihe dai Van’ka dai kaik elotas hüvästi ühtes kogos .
Kaik .
Van’ka-durak möb härgäd
Veps
Central Eastern Veps
-
-
-
-
-
-
-
-
-
-
-
«
-
-
-
-
-
Ванька-дурак продает быков
Russian
–
–
–
–
–
–
–
–
–
–
–
–
–
–
–
–
–
–
–
–
–
–
–
–
–
«
–
–
–
–
–