Texts
Return to list | edit | delete | Create a new | history | Statistics | ? Help
Van’ka-durak emagoičesob
Van’ka-durak emagoičesob
Veps
Central Eastern Veps
Elotihe vüu-ki kuume
vellest , heil’ eilend tatad da mamad .
Kaks’-se ol’ umnįjad , a kuumanz’ mest-ki Van’ka .(Edou Van’koid äi oli ka ...).
Nu , a vellile ne tariž oli naida .
D'oočkime gul'aidas , nu a nece Van’ka kaiken päčuu ištub .
A velled-ne segoitadihe buči'n čelijan olut da lähttihe guläimaha döočkidennoks .
A nece Van’ka bučin' lavalo viškäiž olutme , kartan ot’ , ištuihe da štargub .
Nu , varejad tugez’ .
Velled tuudihe .
- Van’ka , avaida !
– Naroug'at , uks'he ajoudan .
– Van’ka , avaida !
– Naroug'at , püudho ajoudan .
– Van’ka , avaida !
– A tuugat iče tö !
– Van’ka , avaida !
Van’ka ii avaida , hüvä štarkta .
Iče hö veräjän kätihe , mändihe , ka olut viškäitut , Van’ka štargub .
- Oi , sina , durak , sina durak , miile tariž naida , a sina oluden panid' maha !..
Mida tehta nügutte tariž ?
A Van’kaspäi davai uitkam suusem kodiupäi , niiččid nügutte huiged ozutadakso g'o , a uitkam kodiupäi .
Kuivatihe suhrid , pandihe šauguihe , kahtho šaughu .
Lähttihe niiččidme prostm'akso .
Mändihe , kuni niiččidennoks käutihe , Van’ka tuli , ühten šaugun saumha viškäiž suhrid , iče hän ištuihez šaughu , sidoihez .
A velled tuudihe niiččidennopäi , a Van’kad eile .
- Davai hotkemba uitkam !
Lähttihe hotkemba astmaha .
A Van’ka šauguspäi kričib :
- Velled , varastagat !
– Oi , ken naku miid' sabutelob ?
A kudamb Van’kad-se kandab , ka se g'o muga väzui , a kudamb suhrideme ka se voib astta hotkemba .
A kudamb Van’kad kandab , ka se pagižep-ki vel'l' :
- Astu , vel'l' , laptaižehe , mina pahoin' väzuin' , lähkam tuupäi , laske hän siriči meid' göksob .
A Van’ka ühtes šauguspäi kričib :
- Velled , varastagat !
Vot lähttihe laptaha , ištuhezoiš .
Nece vel'l' pagižeb (kudamb gügedan šaugun kandoi ):
- Davai , vel'l' , sögam minun šauguspäi , minain güged pahoi'n šaug .
Avaitihe , ka šaugus Van’ka .
Mida teged ?
Möst pördihezoiš kodihe .
Tuudihe Van’kame kodihe da elotas-ki per'od .
- Mida miile nügut' rata ?
Oigekam mö Van’kad hebuu Šalha tavaraha , svadbad tariž tehta .
Oigetihe Van’kad hebuu tavaraha , anttihe dengäd , kästtihe ostta šonud , g'auhod , luzikoid’ , pavaričid , stokanoid' , vopšem astkid' kaikid' .
Nece Van’ka ajii , vįkupi necen loukas , ost’ .
Ajab tagaze .
A gärveme te-se oli .
Pühävoid' bučin' ost’ , gäuhod i šonud , i krendeliid' , i luzikoid' , čaškoid' i stokanoid' i säkijad ost’ .
Ajab , a g'oda hebo-se tahtoib .
Gärvhe riigižen čapoi .
Hebo väheižen güi da hebo , ka hebo i om , hänle enamb ii tariž .
Hän havadon gäuhod paigäiž .
- Na , sanub , – hebo , g'o !
Hebo päupäi g'auhod söi , söi , a ostalnį-se vet’ upoz’ .
Ajii , ajii , a te-se houktuimil ningitte , kevaspol’ g'o oli-se , a pazad oma tedme gärveme-se houktudet gähä .
- Mida tehta necidame gädme ?
Gesli mina lankton hebome , ka uptan .
Van’ka-durak , Van’ka-umnį .
Ot’ da pühävoil’ nene pazad Van’ka davai valada .
Pühävoin'-se kaiken bučin' valoi-ki pazoihe - ne neche gärvhe .
No , tegihe vahvemb .
Tuli toišhe agh'a gärved .
Möst g'o hebo g'oda tahtoib .
A hebo mida g'oškab ?
Van’ka prolubaižen čapoi , hebon g'otab , hebo ii g'o .
Hän šonud havadon viškäiž , hebo päupäi šonud söi , söi , no , enambad ii tahtoi .
No , läks’ Van’ka kodihe ajamaha .
Ajab pereleskau , a astk'ad-no kaik kolaitas ühtes gäššikas-se ühthezo , a Van’kale kuluse : "Van’ka-durak !Van’ka-durak !", - nene astk'ad hänt draznitas , nimitadas .
- No , mida tö mindain' nimitatt !
Libui reguupäi , karahtoit’ barbikoho neno kaik astk'ad .
- Ištkät side , mina ajan güudgäu-ki kodihe !
Van’ka kodihe güudgäu tuli .
Velled mändihe vastha .
Vastha mändihe , ka Van’kau nimida eile , kaik güudgäu tuunu , dengäd pidetut .
- Mida nügutte zavot't'a , kut elada ?»
Muga i gäiba naimatomad .
Muga i elotas kaik batrakoiden .
Kaik .
Van’ka-durak emagoičesob
Veps
Central Eastern Veps
-
-
-
-
Ванька-дурак домовничает
Russian
–
–
–
–