Texts
Return to list | edit | delete | Create a new | history | Statistics | ? Help
Kut kas’ken puuttas
Kut kas’ken puuttas
Veps
Central Eastern Veps
Elotihe endo rahvaz
muga : oli mad vähä , pašitihe mecas haumhed .
Mändas kirvhuzime , čapetas mecan suren .
Kezau čapetas , vodon kuivab nece mec .
Kevaduu karzitas .Potom vähäine aigad proidub , nedalid’ kaks’ , necen puuttas kas’ken .
Kas’k palab .Palon lodas , mitte kegaluhut gäb ka kaik kogoho keratas .
Potom hebuu ajetas , künttas , semetas i ägestadas .
Kazvab liib hüvä .
Potom haz’gäd’ mecha tehtas , kaik rahndas i hazgihe pandas necon liiban .
Hazgišpäi pästtas , pandas skirdha .
Skirdaspäi vedatas taufhüu necon liiban kodihe .
Potom tapetas gomnüu rihil’ .
Rihelo ahttas kaik räduižil’ hüväšti .
Potom gomn’oho hiitüudas rihüupäi .
Gomn’as tapetas .
Nel’ mest’ om ka nel’l’an kes’ken , kuume om ka kuumen , a kahton olod ka kahton tapetas .
Potom tuutas käzil’ , labidoižuu tačuutas .
Nenombaine lanktob gäredemb güvä , tänna hänthäpäi lanktob henomb güvä .
Neno ottas eriži havadoihe nu i vedad mel’nicalo .
Sig’au kaik g’auhtas i södas .
Kut kas’ken puuttas
Veps
Central Eastern Veps