Texts
Return to list | edit | delete | Create a new | Statistics | ? Help
Vierissän kešellä käyväh kuuntelomah ikkunoijen alla
Vierissän kešellä käyväh kuuntelomah ikkunoijen alla
Karelian Proper
Vierissän kešellä
käyväh kuuntelomah ikkunoijen alla …
Kolmen tien risteykšeššä …Myö šillä risteykšellä istuuvumma , kattauvumma , yksi kiertäy .I rupiemma kuuntelomah .Vot .Šiinä tože voit nellä hengie , viiješ ken kiertäy – tol'ko ei ole rovnoi čotta .Liika henki pitäy olla .Kun kiertäy , toože istuutuu .Myö yhen kerran kävimä tuonne kalmistolla kuuntelomah .Niin juna aivan kun piällä tulou , kun tuukkau , ajau .Yksi naini kuuli , jottä niin kun veššetäh , niin veššetäh , jotta yksi ločkeh kun kirveštä puuta vašše – no šiita mieš talvella kuoli …Jesli kuuluu , jotta kello klämettäy – še on peret pokoinikom .Še ei ni kirkon kello , a pietäh lehmällä kaglašša , on niitä kelloja jotta helie iäni ni , on ni šemmoni pläkettäjä .Vot !Šanotah : oi myö kuulima , niin kello pläkettäy , nyt jo kyläššä tulou kuolie ob'azatel'no !Šiinä oli merkki hyvä …
Riihen ikkunan alla , šanotah , kaikista pahin kuunnella …Emmä myö ni konša käynyn , ei käšken muamo käyvä .Riihen ikkunan alla .Eikä liävän ikkunan alla , eikä kylyn …
Vierissän akka – še , šanotah , vienemäntä on .Vetehini še on .Miän kyläšša oli järveššä , še näky Petrun päivän ta Il’l’an päivän välillä .Ftorovo avgusta on Il’l’an päivä .No , šillä välillä hiän oikein eli .Še niin šavautteli !
Myö yhen kerran …Tuatto-rukka šanou : "Mänkyä vetäkkyä Petrun päivän avuamet ".No , avuamie vetämäh .Lähemmä , oikein meilä kovašti šiikua jovešta , ta matala joki , kahešša kohašša vain pohja ei nävy , a muušša – valkie vesi .Myö šillä sauvomma …"Oi –voi –voi !– mie šanon .– Kakaja ripa !"– apajašša on .No !"Šuuri kala , – mie šanon , – apajašša !" Našto šanou : "Heitä šie pois !Tämä nyt ei ole kala !Tämä nyt on kummallini ".Naštolla valkiena näyttäyty .Oli vienemäntä šiinä apajašša !Ni alapuolen kun mäni , ni kun vesi pyorähti , kun mäni .
Mie kun yhen kerran rannašša pesin vuatetta , ni kun piälličči saappanista vöhnäytyy !Niin kun veneh !Pitkä veneh !Häntä …В каком же году ?Suomelaiset oltih в 18, 19, 21 году в Рувозере финны были , они его ловили все время видя , что čossit , a ammutah pulemöötišta – ei popadita , ehtiy nirnie (нырнуть )…Mušta , mušta še on emäntä .Še on niinkun kontie mečäššä .Такая же .A hän kun järveššä eläy – še on vienemäntä .No .I šiitä aina varautettih , niin jotta myöhäseh illalla posle šesti ei kiroutuo .Vot .Vien piällä i hot' i derevn'ašša eli missä , ennen šitä oikein kovašti varotettih .No .Ei annettu kiroutuo …Še nousi – niin kun kontie mečäššä kävelöy .Nousi ta istuutuu rannalla , a kontiella ei ole peäššä hivukšie .A tällä on hivukšet .Ne suomelaiset šanottih – istuu niin kun čelovekka , niin kun jouhimavot , kun ollah vieššä – ne hänen hivukšet .Hän še puskaiččou nyt Petrun päivän ta Il'l'an välillä .Šillä välilläi niitä on meilä , kun kiviköt rannat Ruvassa oli ennen (a nyt kun on meijän derevn'a vien alla ), no niin niitä oli rannat täyvet – vihkoutuu šemmoset tukut šitä hiušta .Še kun vai jalkah popadinou , nin läpi jalan mänöy .Šiitä penšou sielä jalašša .Yhellä naisella oli …hän šeiso rannašša viessä ta poloskaičči vuatteitta .Ja kuulou jotta kupajau , tuli kotih , še paikka kupajau .I še näyttäyty jotta täštä painu ta mäni šinne jalkah .I šiitä hän šinne penšo .Šiitä piti löytyä šemmoni ken otti šieltä .Šiitä luajittih vesi aštieh .Šemmoni vesi , en tiijä , pantihko mitä ših veteh .Šiitä golikalla piekšettih , šieltä kaikki šiitä niin vyyhtenä lappautu jalašta jälelläh .I niin äpärehtä , kačo , несколько месяцев hän oikein äijän äpärehtä laški .Ne hivukšet .Ne hivušta laškou äijän , nyt Pedrun päivän da Il’l’an päivän välillä , missä hän on .
A talvella ei nouše , kun ei ken nošša .Se oli Komšašša šemmoni akka .Hän tiesi oikein äijän i hän nošti hänen .Vot .Noššettih šanoilla .I šana oli :
Mikä yksi ?Minä täššä ?"
Niillä i nousi .Ihan nousi vien piällä .Ja : "Mitä pitäy ?Mitä haluot ?"– kyšyy šiltä naizelta , še vienemäntä . Rejenpiällä oli lautua , kun issuttih , mitä oli hänellä tovariššoja .A hiän še ei istuutun , še mi hänen kera puaji .Muamo oli käynyn kerran , šanou jotta : myö kuulemma , kun hiän puajiu , a hänellä vaštuau .Niin kun nastojaššo puajitah .Huput piäššä ne issutah .A akalla ei ole huppuo piäššä , mi hänen kera puajiu .Od'd'oala pantih piäh .No a šiitä kun ne juoššušša lähettih , hiän peräh läksi i gorškat kerittih piäh panna , hän kolisti , millä lienöy gorškua i pirttih šuahe ajo …Ei , ei , ei kačottu , että mimmoni on .No totta , hänellä on hyvät šilmät , kun veješša eläy .Še näköy !Še akka tiesi !Še oli oikein kovašti tietäjä !
Vierissän kešellä ei pešty vuatteita , ei lampahie strigaitu , ei kartattu , ei kesrätty – vopšem ei nimitä luajittu .Tuhkie , eikä likavesie kuattu šillä välillä , nu kakši netälie , eikä pešty vuatetta , puuta ei pilitty …Šitä oikein varotettih , jotta likavesie ei näköh kuatua , a että mitä kuavoit , ni lumella piti peittyä .
Vierissän kešellä käyväh kuuntelomah ikkunoijen alla
Karelian Proper