Texts
Return to list | edit | delete | Create a new | Statistics | ? Help
Synnynmoan aigu zavodivuu Rastavas sed’mois janvar’as da sit četirnatsatois
Synnynmoan aigu zavodivuu Rastavas sed’mois janvar’as da sit četirnatsatois
Livvi
— Synnynmoan aigu
zavodivuu Rastavas sed’mois janvar’as da sit četirnatsatois . Minä iče käin Syndyy kuundelemah .Menimmö dorogutiešoaroil da sit yksi babka lähti meijänkel , nelläi tytöt olimmo .Babka yksi sie lähtöy meijänkel vardoičemah ."Minä , — sanou , — lähten vardoičemah ". Šiižman kädeh ottau .Enne piettih stolil pyhkimii , pyhkimen .Myö nelläi sih kuhmistammokseh dorogutiešoaroil .Häi pyhkimen meile peäle čökkeäy , kattau pyhkimel : "Virkoat älgeä nimidä !"— sanou ."Emmo virka ". Dai myö sie hyčytämmö da nyrvemmö : kuulumah rubei , ylen äijäl varoi rubei kroakkamah .I kaikile kuului : varoit kroakettih .I sil vuvvel oli joga hierus pokoiniekka ymbäri järves .A kudai babka kuundeli , ga se otti nyrväi , vikse hänellegi rubei kuulumah , häi nyrväi : "Lapset , noskoa eäres ", — sanou .A sit myö pöllästyksis kodiloih matkaimo , häi provodi kaikkii meidy omih taloloih .Sit tossupäin , jälles sie sanoi : ylen äijal varoit kroakkamah , ga agu midä ei hyveä rodii .A muudu ei olluh nimidä mostu , a pokoiniekkoa oli joga hierus sil talvel .Naverno šupetti häi midä , ymbäri meis käveli ku katoi , ristudorogoil .
— A mibo se Syndy on ?
— Ga muga kuuluu se Syndy , en tiije minä , mi voibi olla . Meile ozutannuhes ei , a .Ei nähty sidä .Se on nedälin , Rastavoa vaste on Synnyn päivy , toine on Vieristeä vaste .Sil välil .
Synnynmoan aigu zavodivuu Rastavas sed’mois janvar’as da sit četirnatsatois
Livvi