Тексты
Вернуться к списку | редактировать | удалить | Создать новый | Статистика | ? Помощь
Tuonelan matka
Tuonelan matka
карельский: собственно карельское наречие
Вокнаволокский
Oli
vanha Väinämöini ,
Vešti tiijolla venehtä ,
Luati purtta laulamalla .
Uupu kolmie šanoa
5 Parrašpuuta pannešša ,
Liitoksia liittäeššä .
Ei šuat veneh valmeheksi .
Läksi Tuonešta orija ,
Manalašta viäntimie .
10 Huhuo da heijaelou :
"Tuo venehtä , Tuonen tytti ,
Laivoa , Manalan neiti !"
"Veneh tiältä tuotaneh ,
Kun šyy šanottaneh ".
15 "Tuli miun Manalla šoatti ".
"Kun ois tuli Manalla šoattan ,
Tuliset ois vuattiet piällä ".
Hiän huhuo da heijaelou :
"Tuo venehtä , Tuonen tytti ,
20 Laivoa , Manalan neiti ,
Vesi on miun Manalla šoatti !"
"Kun ois vesi Manalla šoattan ,
Vetiset ois vuattiet peällä ".
Heän huhuo da heijaelou :
25 "Tuo venehtä , Tuonen tytti ,
Laivoa , Manalan neiti !
Veššin tiijolla venehtä ,
Luajin purtta laulamalla ,
Ei šuat veneh valmeheksi ,
30 Läksin Tuonešta orija ,
Manalašta viäntimiä ".
Šai heän Tuonešta orat ,
Manalašta viäntimet ,
Šai venehen valmehekši .
35 "Kenen šaisin šoutamah ?"
Ois pirulla kolme poikua :
Yksi on rujo , toini on rampa ,
Kolmaš on verišokie .
Pani vanhat šoutamah :
40 Vanhat šouti , piät vapisi ,
Nenä joiku jouččenena ,
Hankot hanhena hačatti ,
Tel’l’ot tetrinä kukerti ,
Perä peippona vičerti .
45 Pani nuoret šoutamah :
Nuoret kerta vejällettih –
Šilmät siintämättömäksi ,
Korvan kuulomattomaksi ;
Nuoret toini vejätettih –
50 Šilmän siintämättömäksi ,
Korvan kuulomattomaksi ;
Nuoret kolmaš vejällettih –
Puuttu purši Väinämöisen ,
Takeltu veno punoni .
55 Kačellah , keännelläh ,
Onko kivella , vain havolla ,
Merenkoiran kokkaluilla ?
Ei kivellä ei havolla –
Hauvin šuuren hartioilla ,
60 Merenkoiran kokkaluilla .
Tuo oli nuori Joukahaini
Iski miekalla meryttä –
Miekka kolmekši palakši ,
Eikä hauki tietääkšeh .
65 Šepä oli vanha Väinämöini ,
Iski miekalla meryttä ,
Alla laijan langetteli ,
Eip ollut miekka tietääkšeh ,
Hauki kolmekši murukši :
70 Keškimuru heilahteli ,
Hautamuru hailahteli ,
Peäpala käteh šuatih .
Kačellah , keänelläh ,
"Mipä tuoštaki tulou ,
75 Viemmäpä šepän pajah !"
Še oli šeppä Ilmollini
Luati šoitun šormillah ,
Poikkipuolin polvillah ,
Ilon iččieh lähemmä .
80 Šoittelou , šovittelou ,
Laulelou , luajittelou :
Nyt on šoitto šoitannalla ,
Nyt on laulut laulannalla .
Mi oli mečän otušta ,
85 Šiivin kakšin lentäjyä ,
Jaloin nellin juoksijua –
Kaikki tultih kuulomah ,
Iluo tähyštämäh ,
Kuinka laulo Väinämöini ,
90 Ilosi Imartilaini .
Vetehini vein emäntä
Vetäyty vesikivellä .
Ruškiehki ruuvikkoh ,
Kaunehehki kaislikkoh .
95 Sisarekset ševottarekset
Tultih šoittuo kuulomah ,
Iluo tähyštämäh ,
Kuinka laulo Väinämöini ,
Ilosi hyväšukuni .
100 Kälykšet punakätyöt ,
Jo hyö tultih kuulomah ,
Iluo tähyštämäh .
Anni poukkujah pešöy ,
Räpähieh hiän räiskyttäy
105 Utusen niemen nenäššä ,
Pitän portahan peäššä .
"Kun ollet kalani karja ,
Silloin uimahi ulevuu ,
Kun ollet lintukarja
110 Sie lentämäh levie ,
Kun ollet vanha Väinämöini
Pakinoilla painattauvu ,
Šanomilla šuahuštauvu !"
Aina Annikki kyšyö ,
115 Tinarinta riitelöy :
"Kunne läksit , Väinämöini ,
Ulkosit , Šuvannon šulho ?"
"Läksin lohta pyytämäh
Tuonen muššašta jovešta ".
120 "Jo tunnen valehtelijan ,
Keksin kielahin šanojan ;
Toisin ennein miun isoni ,
Toisin valtavanhempani
Läksi lohta pyytämäh
125 Tuonen muššašta jovešta :
Verkkuo oli venet täynnä ,
Laivan taysi oli laskomista ,
Alla laijan asruamet !"
Aina Annikki šanou ,
130 Tinarinta riitelöy :
"Kunne läksit , Väinämöini ,
Ulkonit , Šuvannon šulho ?"
"Läksin jouččenen ajoh
Tuonen muššašta jovešta ".
135 "Toisin ennein miun isoni ,
Toisin valtavanhempani
Läksi jouččenen ajoh
Tuonen muššašta jovešta :
Jänne šuuri oli kainalošša ,
140 Koira šuuri oli kahlehissa ".
Aina Annikki šanou ,
Tinarinta riitelöy :
"Kunne läksit , Väinämöini ,
Ulkonit , Šuvannon šulho ?"
145 "Läksin neittä kosjomah
Pimieštä Pohjolašta ,
Tarkašta Tavinkolašta ".
Anni tyttö , ainut neiti ,
Koppai helmat koprihise ,
150 Käsin kiäri vuattehiset ,
Mäni šepän pajah .
"Oip on , šeppä veikkoseni ,
Takoja ijänikuni ,
Tavo šie miula viijet vitjat ,
155 Kolmet korvirenkahat ,
Mie šanon hyvät šanomat ,
Pakajan hyvät pakinat .
Oip on , šeppä veikkoseni ,
Jo viijah šiun omasi
160 Pimieštä Pohjolašta ,
Tarkašta Tavinkolašta ,
Kolmin vuošin kosjottuš ,
Kakšin kauputeltavaš ".
Jo kirpoi pihet pivoista ,
165 Jo vaipu vasara kiäštä ;
"Pankua Virkku valjahihe ,
Ruškien on rein eteh ".
Iski Virkkuo vičalla ,
Helähytti helmivyöllä .
170 Virkku juoksi , matka joutu ,
Reki vieri , tie lyheni
Pohjolan isäntä šanou :
"Mäne , kazakka , kaččomah ,
Ei Halli valehta hauku ,
175 Linnanlukki luuškuttele ".
Kannettih kakšikorvasella ,
Varovaisella käjellä .
Iče lieto Lemminkäini ,
Kaččelekši kiäntelekši .
180 Vesi on alla , vesi peällä .
Keškellä on olut punani ,
Mavot laijoilla mateli ,
Kiärmehet kahyvöilyö .
Tuopa lieto Lemminkäini
185 Noinpa hiän šanuo šuatto :
"Terveh tuoppi , terveh tuoja ,
Tuopin tuoja Tuonelah ,
Kannun kantajat Manalla ".
Otti onken taškuštah ,
190 Väkirauvan väškyštäh
Veti šuan šammakoita ,
Tuhat muštia matoja
Iččei noin šanuo šuatto :
"Ruhka muaha luotaneh ,
195 Ruoka šuuhu šyötäneh ,
Ruhka muaha , ruoka šuuhu !"
Joi oluven onnekšeh ,
Mejen muššan mielekšeh ,
Tuonelan matka
карельский: собственно карельское наречие
Вокнаволокский
5
"
"
20
25 "
30
40
50
60
70
"
85
90
105
110
115
"
125
130
"
140
"
150
155
160
165
"
175
185
"
190
"
195
Киуру Э.С.
Посещение Туонелы
русский
5
"
"
20
25 "
30
40
50
60
70
"
85
90
105
110
115
"
125
130
"
140
"
150
155
160
165
"
175
185
"
190
"
195