Тексты
Вернуться к списку | редактировать | удалить | Создать новый | История изменений | Статистика | ? Помощь
Kut mina panlon kanan poigile
Kut mina panlon kanan poigile
вепсский
Средневепсский восточный
Hauduškab kana
kevadou , valičen munad , päiväižuu kohtas kacun , kus om puga (neco avoljaine sijaine kucuso puga ).
Gesli puga om ad’g’as , nu ka sit’päi g’o kukoi , ka sida pangoi-ki em .
A pugaine miše oliiž bokas , sit’päi lähtob kanaine , sen valičen .
Potom panon neno vedho , levedaha ast’k’aha .
Vedos ištuso hän , kut nenaine , muga i pugaine ühten ruuno kuti olang’aine vedho ištuso , sit’päi lähtob kanaine .
A gesli hot’ vähäižuu nenaižen alhaks vedaudab , pugaižen ülähaks lendab , nad’ožni kukoi lähtob .
Vot neno valičem mö sigau munad seičmen , ühtcan , ükstošt’küme , ülemba em pangoi , miše oliiž naku ii parnijad lugend-se , i panin kanan allo nenod .
Kut lehmad astuškatas ehtkoižuu , nu ka süu aigau pahemba panoudas poigile kanan .
Munad laditut stolau gö vaumhed da kana g'o ištub sigau , haudub .Ez’mäine lehm gäviše , möst-ki g'oksom teramba , panom neno munad , miše čomembad poigad lähttaiž .
Nu vot , hän haudub kuume nedalid neco kana , potom g'o sed sutkad tuloba , konz hänlo pästta neno poigäižed .
Hän hilläšt’i üksin’ avoit’olob .
Ez’mäi avaidab ühten munan , murendab munakorudon , ühten ad’g’an murendab , a toižen gätab čelijan , poigäižen pästab , a kor-se sihe gäp-ki .
Neno kaik poig'aižed poliš sutkiš pästab .
Potom g’o mö hänt tom pert’he .
Karvatomad vet’ ningimäižed , penik’aižed , ni händäšt’ , ni midä iile vüu , lihätukuine kuti , henoižed ningimäd hüunhuižed-no .
Pert’he tom .
Mamanau išttas päivad kaks’-kuume , tegesoiš-ki hüväd poig'aižed .
A gättas v’üu buutuškoid’ neno haudg’ad kanad .
Buutuškmuna gäb mugoine , kudambas iile pugad , henoine , henoine slojaine päivin’kau kaco , a pugad nikus iile .
Sen kana gätab buutuškaks .
Gesl’i buutušk gäi , srazu necon buutuškan pašttas da söttas kananpoigäižile püčiižile .
Potom sagedau maiduu veresuu , lämau maidoižuu lüpstut g’otuudas i poigäižed mi maidokahembad se pahemba hö kazdas .
Kuumes nedališ hö maidou kazdas hüvin’ .
Da i šonud necida anttas da i surm’an raznįjan , liiban söškatas .
Nu i poig'aižed kazdas .Gö kaks’ kut ka ani kanan surččed lin’das .Naku i kaik .
Uduu voduu hö muniškatas , süu voduu ii eht’ki mun’da , a mam muniškab süu kezau vüu .
Kut mina panlon kanan poigile
вепсский
Средневепсский восточный
Как курица высиживает цыплят
русский
[
[
[
[