Тексты
Вернуться к списку | редактировать | удалить | Создать новый | История изменений | Статистика | ? Помощь
"Meil omii lapsii iellon"
"Meil omii lapsii iellon"
карельский: ливвиковское наречие
Кондушский
Meil
omii lapsii iellon .
Tịatto da i mịamo kuoltih , ühten päivän mollembii mịah paniimmo .
D’iädih nenne pikkužet viijei , odnịako , viijei , prawdu , verno .
Sit müö ühten otiimmo ičel’e poijakse .
Kirjutiimmo heijän imušestvan , meil’e vie annettih vazikkožen .
Sit müö tädä kazvatiimmo kaheksahtoštu vuvvessah .
Tämä meil’ brihaččuine ei ruvennu el’ämäh .
Ma l’ähtiin Pellolle , häi d’äi kodịh .
Susetkal sie otti d’engịa kolme rubl’ia .
Susetku tuli d’enguu pakiččemah .
Häi sanow : «Ei ole minul ».
"No , ei ole , ga kuibo , vuota t’owtas tulow , ga andaw sillo hoduw ", – sanow .
Häi seičas selgiiheze da kalịa ongittamah i l’ähti .
Minä ehtäl kodịh tuliin , brihaččuw koiš ei ole .
"Kuz brihačču , kuz brihačču on ?".
Tịas Babikovah meniin , kačo Nas’tin mịamalluo .
"T’owta , – ma sanon , – minul oli brihaččuine kodịh d’iänüh , ga tiiätgo kus on ?"
Häi sanow : "Lähti kalịa ongittamah ".
Nu , kalịa ongittamah .
Minä ehtässäh d’o vịatiin , vịatiin – ei ole .
Huondeksel d’o lähtiin d’ogie müöte eččimäh – ei ole .
Sit kodịh tuliin , pravl’end’ah meniin , zajaviin , što , kačo , minul brihaččuine l’ähti , a l’öwdiä en vuu .
Kačuin , üksin ečiin , a en vuu l’öwdiä .
Siiten annoimmo d’o zajafkan , siä ...
Sit Madransuws tämä brihaččuine oli .
Kučutiimmo kodịh – ei tule .
Mille rodih ühtel’ atkal .
Nu ei tule , anna el’äw siä .
Otiimmo toižen .
Nu toine se brihačču vessel oli .
Sen kele , kačo , hüvä olluš (Sen’akse kučuttih , ris’tinpoigu minun , a se oli d’etkan ris’tinpoigu ).
"Ris’t’uu , minä l’ähten hierule ".
"Mene , vai äl’ä pillịä azo ".
"En azu ni midä . Ris’t’uu , minä pajožen pajatan ".
"Sten’ka Razin " ku rubiaw pajattamah , ga vai d’eržis’ .
I lattien häi pühkiw i senčat pühkiw .
"Nu , ris’t’uoi , annathäi maiduo ?".
"Annan , d’uo vai !".
Kačo , näitgo !
Nu sit l’ähti iäreh .
Sevošto , ei ruvennu olemah .
Nügü el’äw Podporožjus , näitgo .Nu kai .
Nu siiten häi l’ähti , Podporožjus el’äw .
Minä kävüin sinnä , d’etko kävüi sinnä hänel’l’ü , täl’l’üö Sen’alluo .
I häi nügü on naižis , n’eveskü ül’en hüvä , Törhiläs nainu .
Nügü heil on neižlapsut , d’eddomas päi otetto , vai en tiä kuspäi .
I el’etäh ül’en hüvin i tädä neižlapsuttu kazvatetah .
I minuw kučuttih mene tiä min kierdịa sinnä .
Nu ma näi olen üksinäine emändü , ga piäze en .
I siiten mille d’engịa tüöttih kaksisadịa ühtekseh , da vähin-vähäžin , alalleh tüöttih da posįlkịa t’üöttih .
Minä n’e obižajus’ , äijän t’üöttih i avvutettih , vot spasibo .
I peldolaine sevošto avvuttaw nügü .
Hot’ häi ei pagižliv olnu , nu Pellol ku rubei el’ämäh i rubei vähäžin avvuttamah kowzgo midägi : kowzgo zịaharii , kowzgo čịajuw , kowzgo midä aiven andelow .
A tämä Sen’an akku se , ga se ül’en hüvä ris’tikanzo , Šurkakse kučutah .
Nu kaikile hüvil’e hüvä ris’tikanzo .
Ni mil häi ei obižainno minuw .
"Meil omii lapsii iellon"
карельский: ливвиковское наречие
Кондушский