Тексты
Вернуться к списку | редактировать | удалить | Создать новый | История изменений | Статистика | ? Помощь
Častuškat
Častuškat
карельский: ливвиковское наречие
Кондушский
Sirotannu el’äjes
el’iä pidäw maltajen :
rịadoine rịata küzüjen ,
hieruine proidie varaten .
Kuldoi minun , minä sinun :
miel’es piä , hot’ äl’ä piä .
Ehtäžen ištuin – äl’ä varịa :
igäžekse en rodia .
Kuldažes eroitettih
da vettü viluw juotettịh ,
štobi (n ) vaččaine vilustuš ,
kuldaine armas unohtuš .
Midä ollow tumandoine ,
vai d’o riihüt palanow ?
Midä (s ) ollow atkalaine ,
vai kuldaine muijal on ?
Sammatuksen brihažet
da uskaldettih gribažet .
Kolme vuottu vuotammo ,
no vellat grivat süötämmö !
Kučuin , kučuin kuldašto
da opiin händö vakustua :
eiku olle miel’es tulla ,
ei mistöi ni kielastua .
Äl’ä , kuldaženi , nagra ,
äl’ä ištu ilokse .
Sinä ištut ilokse –
da minä aijan menokse .
Kai sanottih , kai sanottih :
ištoi sinä tämän kel’ .
Kuni ei tulle armas kuldoi ,
en ištuoi ni kenen kel’ .
Minuw mịamoini čakkai ,
no vie uskaldi l’üvvä .
Kuni ei tulle armas kuldoi ,
en tahto ni süvvä .
Sammatuksen hieružes –
kurrelližet aidažet .
Sammatuksen brihažet –
da vịšivoitut paidažet .
Midä ollow päivü pitkü ,
vai on kullal aigu pitkü .
Tules , mịamoi illale ,
piäzöw kuldaine rịnnale .
Kuku , kuku , kägiženi ,
kuivan kuwzen ladvas .
Ripu , ripu , kuldaženi ,
podruškažel kaglas .
Kuz’man l’ehmät kodih tullah ,
bambela-kellot kuwlutah .
Keitäs , Mašoi , maijos kịaššia
Vas’oi tulow illale .
Azus , tịatto , kuožaliine ,
panes , čidžoi , loppuine .
L’ähtižin d’o bes’owdažeh ,
varịan rodia hoppuine .
Sammatuksen kujožis
da ei sịa astịa – upottaw .
Sammatuksen brihažien kel’
ei sịa ištịa – nukuttaw .
Častuškat
карельский: ливвиковское наречие
Кондушский