Тексты
Вернуться к списку | редактировать | удалить | Создать новый | История изменений | Статистика | ? Помощь
"Kondian minä näin"
"Kondian minä näin"
карельский: ливвиковское наречие
Коткозерский
Kondian
minä näin .
Meil oldih jäl’l’es voinua ül’en jugiat aijat , gor’at vuvvet .
Minul mužikkua ollut ei , kolmia lastu kazvatiin .
L’äpäköl’e meil rodih pos’olku .
Minul l’eibiä ollut ei , d’engua ollut ei .
Pidäw l’ähtiä maijon kele , l’ähtiä maijon kele minul L’äpäköl’e .
Huandeksel nowziin čuassuw viiži , paniin maidotakan s’el’gäh i l’ähten astumah .
Astun dorogua müöti Suwrel’e Suale päi .
Sit iče varuan kondiadu , ga sruasti varuan .
Otan kaksi kivüttü i kahtu kivüttü minä vastai nenga [čilkutan ], štobi kondii ei tuliš minulluo .
Iče viä pajatan , štobi hot’ paginakseh , ei kondii minuw koskiš .
Astuin , astuin kilometrii hiaruspäi kolme .
Ku sil’mät nostaldanhäi – kondii minule vastah , poikki dorogas juaksow .
Midä bö nügöi minä ?
Oi minuw vaivaštu : "Karavuw , karavuw , karavuw !– minä nenga kirrun . – Karavuw !
Kunne tuliit , kunne tuliit ?
Tuh-tuh-tuh !"
Kondii piä alahpäi da perze ül’ähpäi , perze ül’äh , piä alahpäi , vai möttiäw , vai möttiäw , vai möttiäw .
Poikki troppažes juaksi kondii Niätsuarih .
Midä bo nügöi minä ruan ?
Iäl’l’ehgo mennä , vai järil’l’eh l’ähtie ?
Süännöw go minun kondii , d’iädänehgo lapset , vai ei d’iädäne ?
A d’iädäneh ga d’iädäheze !
Maijot muijetah , d’engua ole ei : pidäw l’ähtie iäl’l’eh L’äpäköl’e !
Minä iäl’l’eh L’äpäköl’e astuin .
Kondii minuw pöl’l’ästüi , minä kondiadu .
Minä L’äpäköl’e meniin , maijot möin , kodih tulles minule dovariššu l’öwdüi .
Kondian süömättäh piäziin .
"Kondian minä näin"
карельский: ливвиковское наречие
Коткозерский