Тексты
Вернуться к списку | редактировать | удалить | Создать новый | История изменений | Статистика | ? Помощь
"Maliginan zavodu..."
"Maliginan zavodu..."
карельский: ливвиковское наречие
Коткозерский
Maliginan zavodu
oli Suwreljovel , Kuittižen jovel .
Ižändöil , Voronovil , kodi oli hüvä , opšeittu .
Zavodu se oli jogirannas , ruadoi .
Oli luajittu sinne vualu , ku melličäs oliš häi suwres .
Niil’oil ruattih , pal’l’attih suwril pal’l’oil .
Üksi vualu suwrdu pal’l’ua kiändäw , toižet oldih piänembät .
Nemme huvembat pal’l’at , net ül’en puaksužeh ruattih .
A kričnoi pal’l’u vai möčkütti hil’l’akkažih nenga .
Kričnoi pal’l’u oli ku korvoi .
Sil pöhküttäw nenga , vai tulet pakutah , kübenet loitos nečine .
Zavodas luajittih labjua da vojennoloile sinne kunne ollow viättih .
Da sit viä midä ken käski siä , sidä luajittih niil’öis ravvois .
Tol’ko kerävöravvat oldih , meil muas rawdua ei otettu nikuspäi .
Kerävöravvat tuvvah da galanskoidu hiil’dü .
Galanskoit hiil’et on moižet mustat , dai nügöi viä viätäh vähäine pajoih .
Galanskoil hiilel kai keitettih , sulattih nämmä ravvat ühteh .
Sit sen kričnoil pal’l’uaw .
Sit oldih viä piänet kolotuškažet .
Niil ül’en puaksužeh pal’l’uaw .
Sit midä himoitti , sidä i viätettih kolotuškažil .
Da sit viä meijän hiil’dü poltettih , müä ruavoimmo hiil’dü , kuwččua poltiimmo .
Kuwččua poltettih muga : pilattih halgua , hallot viättih da kuwčan lad’d’attih da muatettih .
Kuwččah pandih puwdu : kuwzištu da pedäjištü , pandih i koivuw .
Mittuine tahto puw pane – kaikes hiil’dü roih .
Ünnälližen hallon piduhine hiili nenga rodiaw .
Hallattih dai krugloidu puwdu pandih , pane mittumua tahto , kai paletah sih .
Pandih tuarehet dai kuivat puwt .
Ümbäri ezmäi pandih kuivua zavodijes , virittäjes .
Kuwččua oli suwrdu dai piändü : kümmenin , kaksinkümmenin , kolminkümmenin četvertil’öin hiil’dü luajittih kerras .
Kuwččuhawdu muatettih , četvertii labjua pandih muadu .
Kai kuwčču muatettih , keskele luajittih truba .
Truvas laskiattih tuli sinne kuwččah .
Tuli siä l’ähtöw , savvu ikkunoispäi tulow .
Kudai čura ei palanne , sit vozduhu avatah .
Sit se puoli palamah rubiaw .
Se kruwgah kuwčču luajittih .
Kuwččua poltettih , kuni puw ei hiil’ekse mene .
Iče i nägüw : palaw , ga jo nügöi mua heitäh .
Vilustuw vähäžen , sit mua l’ükätäh iäres , hiil’et puhtahat diähäh .
Hiil’dü muga luajittih .
Sit net hiil’et otettih sinne zavodale .
Siä zavodas hiil’et ahjoh pandih .
Ahjot ollah , štobi sulaš nemme ravvat .
Hebožil viättih zavodah hiil’et .
Kulih meil oli navedittu hiil’et .
Kezäl oldih moižet t’el’egät , viä oli kahat luajittu talvel regil’öih .
Kaha luajittih muga : ezmäi šoijut nemme pandih , a sit šoiguloih pandih päriät , štobi hiil’et ei pakkuš .
Kümmenin da kaksintoštu četvertil’öin viättih kahois hiil’dü .
Hiil’es maksettih .
Makso jo huano oli : viižitoštu kopeikkua četverti neče lugiiheze .
Kuwččua äijü meijän sijas poltettih , velli , sil i el’ettih .
Ewlluh ennepäi vedua , vedoloi nemmii .
Kai nas’eleenii polti kuwččua , joga miäs maltoi : se on prostoi ruado .
Alavožeh vai Videl’eh zavodu luajittih , ga viä müä poltiimmo hiil’dü sinne .
"Maliginan zavodu..."
карельский: ливвиковское наречие
Коткозерский