Тексты
Вернуться к списку | редактировать | удалить | Создать новый | История изменений | Статистика | ? Помощь
Minä näin kondiadu jälles voinua
Minä näin kondiadu jälles voinua
карельский: ливвиковское наречие
Коткозерский
Meil
kojit poltettih , mužikat tapettih .
Jäimmö müä – emmo tiä kuz el’iä .
L’ehmü jäi : maidua l’üpsämmö , takkah paniimmo , da Lod’einoil’e l’ähtiimmö .
Lod’einoil’e pidäw nellikümen kilometrii jallai astua , maidotakku sel’l’äs .
L’ähtiimö müä L’eskovan Ahri-rukanke Konnuin kawti kohtalleh , Konnuin kawti , jo päivän laskiattuw keviäl Lodeinoil’e .
Astummo-astummo – Ilottuloin niitut .
Astummo da vai nenga pagižemmo hänenke siä , kahtei tolkuičemmo .
Hospodi , ku kondii hüppiäwhäi hawdažespäi kohti meih !
Ku oli mittuine suwri da pitkü , ga tämän pertin piduhut oli !
Da ku oli mordu – ga nengoine ![Ozuttaw ].
Häi meih kaččow , müä häneh kačommo .
Duwmaimmo : sih söi meidü häi !
Ahri-rukku (hänel ewlluh iändü )...
Se kondii ku hüppiäwhäi hawdažes kohti meih !
Häi pöl’l’ästüi meidü , müä kondiadu pöl’l’ästüimmö .
Ahri ku millo täh , vaččah , käin iški , sanow "L’äkkä kodih !"
A minä rubein kirgumah : "Tuh-tuh !"
Kondii ku poikki dorogas , meččü otti sinne , kaskekseh : üksi vai ročkeh rodih .
A ku müä l’ähtiimmö Konduih päi juaksemah .
Minul maijot kai takkah murettih : tävvet suappain siäret maidua ollah .
Ahri millo jäl’l’es ei kestä .
Emmogo (spičkat oldih ) toimitannuh spičkoi čirnie , emmogo midä .
Da juaksiimmo , juaksiimmo Konduih sah .
Minä müäs i kirguan : "Tuh-tuh !", a häi kirguw : "Äl’ä ammu !"
Häi ei voi juasta , häi pöl’l’ästüi .
Konduih tuliimmo , Konnuis itkiätäh : Man’kan muamo tapettih uslonat , Prokin Man’kan muamo .
Midä nügöi müä ruammo : l’ähtiägo meil Pellole , vai kiändüä ?
Ga kunne nügöi kiänümmö ?
Konduih tuliimmo : akku tapettu , dorogal kondian näimmö , maijot murettih , lapsile l’eibiä pidäš suaja .
(Koit dai kai oldih meil , kačo , palettu , gor’as oliimmo : iällut ni kus ni midä ).
Nu meniimmö Lod’einoil’e , jallai meniimmö n’ellikümen kilometrii da jallai tuliimo .
Da siä saimmo vähäžen kagrua da senke kodih tuliimmo .
Mittumas sražeenias oliimmo , ga sidä ijän minä mustan kondiadu .
Ku ei kondii meidü süännüh ...
Kondii oli madal da pitkü , ül’en oli suwri , prawdu : mordu oli ga nenga [ozuttaw ].
Häi meidü pöl’l’ästüi , müä kondiadu pöl’l’ästüimmö .
I hawdažes häi virui , vikse siä magai , müä astuimmo da nenga burižemmo .
Häi hüppiäwhäi kohti meih !
I ku eigo sül’genüt , eigo ni midä .
Ga uskotgo , kulleh näi pöl’l’ästuimmö !
Kondii oli harmai , harmai , Matis heboine vai oli moine .
Ga ku oli mordu , ga ni el’äis’s’äh en nähnüt , ezmäžen kerran näin .
Minä näin kondiadu jälles voinua
карельский: ливвиковское наречие
Коткозерский
Я видела медведя после войны
русский
(