Тексты
Вернуться к списку | редактировать | удалить | Создать новый | История изменений | Статистика | ? Помощь
"L’ähtiimmö müä siäneh..."
"L’ähtiimmö müä siäneh..."
карельский: ливвиковское наречие
Коткозерский
[Anni ]: L’ähtiimmö
müä siäneh jäl’l’es voinan loppuw .
Da müä segoimmo sinne , vihmupäivü oli , müä emmo kodih voinnut puwttua .
Puwtuimmo sinne majakan alle , L’eningradskoih mežah , dai müä üävüimmö , magaimmo üän .
N’eveskü se uinoi muate , viršižen pialuksih pani , a minä üän kaiken puhuin hapannuah hagoh .
Viižitoštu vuattu oli majakal luajittuw , niil’öih [halgoloih ] üän kaiken tuldu puhuin .
Sit huandesčura ku rodih , ruvettih siä hukat ulvomah , meččü oli ül’en suwri .
L’ähtiimmö müä (huandes tuli ) poikki suas .
Astuimmo poikki suas , astuimmo , siä tuli pokoiniakkua : nečidä , saldatat oldih kualtu , ühtet vai oldih piäkul’l’ukat da šin’elit .
Kolme pokoiniakkua oli suan rannas .
Nügöi sano sinä , T’oka .
[T’oka ]: Magaimmo , magaimmo .
Anni sanow : "Oi-joi-joi !Sinä , T’oka , vai maguat !"
A Anni vai itkuw : "Ui-hu-hu , ui-hu-hu !"
Täwttü vägiä itkuw laskow mečäs .
Nowziimmo .
Minä sanon : "Anni , davai molimokseh , anna hoš spuasoini päiväžen ozuttaw , kunnepäi meil’ kodih l’ähtiä ".
Kačommohäi , ga päiväine nowzi ül’ähämpäi !
"Nügöi piäzemmö kodih , l’äkkä vai alahpäi tänne astumah ".
Astuimmo , astuimmo - Pitkähojah heitiimökseh .
Tuliimmo .
"Nügöi , – sanow Anni , – puwtummo , minä tiä barakal oliin mečän vevos , – sanow , – tämä on meijän barakku , Riigoin Nad’a oli kokinnu keittämäs .
Nügöi piäzemmö kodih , piäzemmö ".
Millo n’äl’gü , hänel l’eibiä olluh ei da ni minul l’eibiä ei ole .
Minä räbiniä katkain , söin-söin räbiniä – vačču täwdüi .
Kodih piäziimmö .
Tuliimmo kodih – meidü viä čakatah : "Kus käveliittö sevoksis ?"
A müä siäneh l’ähtiimmö meččäh dai segoimmo , siä üän magaimmo .
[Anni ]: Meil oldih viä korvoit järitettüw siändü , takat .
Emmo l’ükännüt siänil’öi , kodih kannoimmo siänet .
Kuwzi mežua käveliimmö sevoksis , pehmiädü , kulkussah kualeliimmo , da val’ežniakois piäliči , üksikai piäziimmö kodih siäniänke .
Siänii emmo l’ükännüt , siänet kodih toimmo .
[T’oka ]: Siändü , oli , siänikköh müä puwtuimmo , nu segoimmo .
Da mittumas müä korves magaimmo kahtei , ga duwmaimmo hukat süvväh .
Müä kahtei segoimmo , vihmaksehiine päivü oli , müä emmo voinnut dorogah puwttua .
Olluš ku kajožu päivü , ga müö kodih päi piässüžimmö , a oli ku vihmupäivü , emmo toimitannut , kuspäi kodi on .
Pokoiniakkoi itkiimmö , itkiimmö , da sit pidi meil’ üä muata .
Puwtuimmo pokoiniakoillua , segoimmo .
[Anni ]: Oliimmo müä viä Savoin Šuwranke Madratsuarannas siänes .
Müä siä keräimmö ül’en suwret takat siändü , korvoit oldih siändü .
Tuliimmohäi tänne , odva-odva piäzemmö , seiččiä kilometrii kannoimmo siänii .
Tuliimmo Namšin kaivole .
(Kačo mittuine on gora krutoi hiaruh nostaw ).
Häi [Šuwra ] sanow : "Oh , ku oliš Mit’as kirjaine , – sanow , – ga täs ma kaiken goran takanke drobižin ül’ähpäi !"
I drobii , kaiken matkan , goran ül’ässäh drobii .
Kodih tuli – ga Mit’as kirjaine !
Mit’a on hengis !
Kačo hänen drobindu kunne meni !
A müä ku emmo drobinuh , ga meijän mužikat sinne i d’iädih .
A Mit’a ga tuli , Šuwrale tuli mužikku , Mit’a , kodih .
"L’ähtiimmö müä siäneh..."
карельский: ливвиковское наречие
Коткозерский