Тексты
Вернуться к списку | редактировать | удалить | Создать новый | История изменений | Статистика | ? Помощь
Sananpolvet, privutkat
Sananpolvet, privutkat
карельский: ливвиковское наречие
Коткозерский
1. Aigaine
akku , müähäine mučoi (konzu vahnal pidäw enämbi ruadua ).
2. Aigaine linduine jo n’uakkaštu čiistiw , müähäine vaste siivüžii räpšüttäw .
3. Akas on kojil’e lukku , da akas on kojil’ei hukku .
4. Akku on mužikan koiru .
5. Algu käis , loppu jumalas .
6. Ammu püw , kuni on oksal .
7. Artelis on aiga kannalmus , ühtesgi on hüvä üskälmüs .
8. Bohattu sizär on vel’l’el’e armas , terveh akku mužikale .
9. Čuaju ialo viinakse , et äijiä jua .
10. Dialos pidäw olla , hot’ dialua nävü ei .
11. Dorogal seižo , dorogua küzü .
12. Ei čomal rožal čupukkua pasteta .
13. Ei igiä el’iä , igä mustua .
14. Ei kalua , ga ni ongikalas ei kala .
15. Ei pappi hengel’e ehti (konzu on opasnos’ti mi nibud’ ).
16. Ei piä hänel’l’üä mennä ni kiviä piän puhkates pakiččemah (= on skuwppu ).
17. Ei roi sanas saldattua , paginas pappii , korondas kohtuw .
18. Ei sünnütä ni üksil’e üatiloil’e .
19. Et usko , ga puske seiniä .
20. El’ännöw ga liävü l’ämmem , töl’l’önnöw ga liävü väl’l’em .
21. El’äw kurgi , el’äw kärgi , el’äw harmai harakku , dai müä el’ämmö .
22. Emändü on künzis’s’äh kül’l’äine .
23. Enne vazaštu ei pie azua aidaštu .
24. Ezmäine dialo – langettuw nosta .
25. Ewle se muamo , kudai lapsen suaw , on se muamo , kudai vačan piäl magaittaw (=kazvattaw ).
26. Ewle se n’erotoi , kudai malta ei , on se n’erotoi , kudai küzü ei .
27. Ewlo hevol kiäl’dü , mužikal miäl’dü .
28. Ewlo luwh juwttunuttu da omah suwttunuttu .
29. Gluhoile (kuwn’ehele ) papile kolmie kiardua ei zvonita .
30. Gos’tis ialo oma valdu .
31. Gost’ua ihastut , taguštu pöl’l’ästüt .
32. Harvem kävves armahembi olet .
33. Hebo zerku da akku Howri , se mužikku on mennüh .
34. Hevon higeh da akan itkuh ei piä kaččua .
35. Hiarul olijan (=gul’aiččijan ) murgin paččahan piäs .
36. Hiiri suwren awnan alle ei kuale .
37. Hot’ kurju da kukki (=mužikku ), hot’ kawniš da kana (=akku ).
38. Hot’ ruačči piädü l’eikkuamah tulgah , ga et kuwle (muga iätäh ).
39. Huavoh oraštu et peitä (= peitoči ei sua ni midä ruadua ).
40. Huigiat hurstis , riähkät räččinäs .
41. Hualita muidu sanua pakiččiažekse : iče piäzet bohatakse .
42. Huomeniine päivü on aiven iäl’l’ehpäi .
43. Hüvä miäl’eh juahtuw , a pahua ni unohta et .
44. Hüvä miäli ruavon ruadaw , paha kai kiäl’däw .
45. Hüväh tabah l’eppügi l’ämbüw , pahah kadaigi (libo paiju , libo koivu ) katkiaw .
46. Hänen däh taiginah vettü ližätä ei piä (ialo suwri ližävüs pereheh ).
47. I kivi kiveh türskähtäh (libo čul’kähtäh ), ei vai ristikanzu ristikanzah .
48. Iäl’l’ehpäi očan ozuttaw .
49. Igä el’iä , ei ku peldo poikki proidia .
50. Igä el’ä , igä opastu .
51. Il’l’as vilu vezi juadavannu , pitkü üä muattavannu .
52. Joga sija (dialo ) omal aijal .
53. Jowdaw pappi vazatgi valattaw .
54. Jumal päivän andaw dai einehen andaw .
55. Juaksii hukku püörijängi lambahan ottaw .
56. Jäl’l’el Il’l’ua zerku hebo aijan tuan ei nävü .
57. Jal’l’el’e voinua äijü hruabroidu on .
58. Kačokkah päiväine kohti , a kuwdamaštu korendol (= mužikku kohti kačokkah , suvaikkah , a muwl perehel dialua ialo ).
59. Kačot gu zor’ah (= čomah ristikanzah ).
60. Kahtu ühtenjütüttü seivästü aidah ei püstütetä (= kudai tahto molodolois on čomembi da parembi ).
61. Kaikkii hüvüžii ei kiardah .
62. Kala ongeh – kalaniakku kattilah .
63. Kalaniakku kalkevuw (= ribevüw ).
64. Kastuin , ga ewlo kuivua ni kukile n’uakata .
65. Kaži hännän ruagakse pergaw : vuattamatoin gos’t’u tulow .
66. Käzil annat , jalloil ečit .
67. Kažil’e kiža , hiirel’e tozi .
68. Kawniš velgu maksajen .
69. Kedä sluwžit , sidäi tuwžit .
70. Liigu kehitändü on üksikai ku koiraitandu .
71. Kel bokat kupettaw , sei kül’ün eččiw .
72. Kel käis , silgii kärzäs .
73. Kel nenä noves , sei seppü (= hot’ ičessäh tolkuw ei olle ).
74. Kel on käzi talmas , sil on l’eibü awnas .
75. Kel on ukko , silgii kulakku , kel on akku , silgii čupukku .
76. Ken grivan süäw , segii madožen süäw .
77. Ken iälpäi , sei piälpäi .
78. Ken kui maltaw , se muga omua muamua itköw .
79. Ken midä eččiw , se sidäi suaw .
80. Kenen hurgoidu hurgutat (= lastu liikutat ), sengii kan’n’oidu puret .
81. Kenen rannat , sen i kalat .
82. Kezä kaikil üksi , a oza ialo kaikil üksi .
83. Kezäl luaji regi , a talvel d’el’egü .
84. Kevätpäiväksi da sügüsüäksi täwdüš paginua .
85. Kiäl’es luwdu ialo .
86. Kiäli ewlo mal’čiakku : midä käsket , sidäi sanow .
87. Kippiw , gu vora jarmankas .
88. Kodavävvü – kojin loppii .
89. Kodavävvül pidäw astivon šorpil muata , äskin roiheze mužikku .
90. Koiru hawkkuw , tuwli kandaw .
91. Kondiadu vihal meččäh et tapa .
92. Kondii mečäs on vägöw , a mužikku hänen tal’l’al maguaw .
93. Konnuin mužikat piäs toratah (= konzu tukat ollah pörhäl’l’eh ).
94. Koza žiivattu da pappi gost’u vai riähkäh suatetah .
95. Kudai jumal kastaw , sei kuivuaw .
96. Kuduah kaivoh sülliit , sid i vettü joit (= briazguičiit brihua , a sil’l’ei pidi miähele mennä ).
97. Kuni jalgu kapsaw , sini suw n’apsaw .
98. Kunne hebo , sinnei regi .
99. Kunnei kurju (libo kurgi ) l’ennä , ühtet havvut ruvvannu .
100. «Kunne l’ähtiit ?» – «Egl’äštü päiviä tabuamah (libo : sillo ruwheh lawdua tuamah )» (= konzu ei tahtota sanua , kunne l’ähti ).
101. Kus ennem jogi pagei , sih hot’ ojaine ga jiäw čurčettamah .
102. Kühl’äs peldoh – tuli čikkah .
103. Kül’miit , ga Pedrun pühäs sulat .
104. Kül’än ilo , kojin kondii (paha mužikku ).
105. Kül’än sein’äs nägüw nuaglu , omas ni parzi ei nävü .
106. Köwhtüä suaw , a laihtua ei sua .
107. Köwhän miäli kamkua viil’öw .
108. Laihan koiran hawkundu ei tartu (= pahembat moitittaheze kui tahto ).
109. Lakki piäh laitettih (čöpčän piäh pandih ), a miäl’dü piäh ei taitettu .
110. Lapsel’e silmäh undu da ičel’e n’ännih maidua äl’ä suita .
111. Lapsel’e n’ännin suwh panet , a miäl’dü piäh et pane .
112. Lasket čiganan uksičuppuh , häi kualaw suwreh čuppuh .
113. Lasket počin agjažel’e – kualaw keski hurs’til’e .
114. Laškan sluavu paha kuwlla , ga hengele on hoivembi .
115. L’eivän loppu – pereheh hoppu .
116. Liijan suaren hüppiät , ga liigui oraw puwttuw .
117. Liigu palaine liikkujale .
118. Liikui huavo Moskovah .
119. Liävän uksen salbuat , a miaron suwdu et salbua .
120. Loittožet kellot (= ženihät libo sualovoit ) kuwlovat ollah , l’ähembi tullah dai rämištütäh .
121. Luadižit , ga keskikämmenes peigoi on .
122. L’ubow piä dai veičči vüäl piä .
123. L’üäjiä on äijü , a tirpajua on vähä .
124. L’övviit lakein : lakeit loppiih n’äl’güvuvvel .
125. Magua hoš hätki , ga unes awnua ei rodei .
126. Menöw aigu ajatel’l’es , päivü piän punojes .
127. Merdü kirvehel et täwtä (= l’üki hot’ mi kirvestü mereh ).
128. Mi tuhišten tulow , se vihel’däjen l’ähtöw .
129. Midä enäm käl’üw , sidä enäm häl’üw .
130. Midä kül’vät , sidäi kazvaw .
131. Midä srowgiambua herrua , sidä vorembua saldattua .
132. Midä süät , sidäi parrale valuw .
133. Miäli piäs , valdu käis (sanotah naimah ruvetes libo miähel’e mennes ).
134. Miäli se olis Čuakun (= bohatan ), a kormani on Melkun (= goran mužikan ).
135. Miäs humalas , miäli jumalas .
136. Min jumal andaw , sen l’ehmü kandaw .
137. Mučoi tuli viaroh , a ei viaronke (maltaw el’iä perehes , kuwndelow ).
138. Mustu ollen , ga mustan , valgei ollen , ga ni varua en .
139. Muwdu ruadua ei olle , ga pleti koiran händiä .
140. Mandžoižikos mavot el’etäh (= hüväs sijas pidäw varavoine pidiä ).
141. Naimah ruvetes ialo siaglua mih ostua , a naijes l’öwdüw täwz siaglu d’engua ( = omahižet avvutetah ).
142. N’ero ewlo sel’l’äs kannettaw .
143. Ni tungia , ni vediä ei sua (on upr’uamoi ).
144. Nimi miästü ei pahenda .
145. Nügöi rodiaw tädä Malan’n’an svuad’bakse .
146. N’äl’gü pereheh hopun tuaw .
147. Ohot’niakku taiginan paččahan piäs ambuw (= konzu sua ni midä ei ).
148. Olet gu nädžäkühl’äs (= nädžä – heinü ).
149. Ole ku koiš , vai äl’ä unohta , što olet gos’tis .
150. Olet oigei , ku bemmel .
151. Ollah n’äl’l’äsgii linnas , süvväh l’eibiägii l’epikös .
152. Ollow suappait , gai toižet suat .
153. Ollow ühtes üskälmüs , ongii kahtes kannalmus .
154. Ollowgo ongi ozatoi , vai järvi kalatoi (= lapsettomah puarah näh ).
155. Oma muamo mandžoimuarju , viaras muamo viligriimu , potkal unen porottaw .
156. Oma ohkahtah , viaras lohkahtah .
157. Omah kodih kai godih .
158. Omas hiarus naijes vai susiadu häviäw , a rodn’ostvua ei rodie .
159. On n’äl’gü , ga süä s’äl’gü .
160. Opasta lapsi , kuni on poikki lawčan .
161. Ostol’eiväs roih l’eibü , andomiäl’es ei roi miäld’ü .
162. Oza ialo ostandakse .
163. Oza ku varoin pezä .
164. Ozatoi naimah , üät l’ühenemäh .
165. Ozaval i kukki muniw , ozattomal i kana kaimuaw .
166. Padažeksei sanokkua , vai päččih äl’giä pangua .
167. Paha taba tahkotah .
168. Paha taba – terveh hädä .
169. Paha vaza pedrunpäivän kül’mäw .
170. Pahale vastah kättü et pane .
171. Pajos sanua et pualenda , voinnet ga ližiät .
172. Pehmiäh l’evittäw , da kova muata roih (luaskaw kiel’elline ).
173. Pertis pagižet ga s’einät kuwllah , ilmal pagižet ga ilmu kuwlow .
174. Piändü kiitä , a suwrele regi pane .
175. Piäni heboine on ijän säl’güine .
176. Pikkaraine da pippurin d’üväine .
177. Pitkü ilo itkukse .
178. Piä sijan eččiw , a sija ni liiku ei .
179. Poigu rodiaw ga üheksäl pihal lastut ihastutah .
180. Polua l’eikkua , toštu paikkua .
181. Propkale polgi – dai humalas .
182. Prostoi on vai Sroičan Us’t’oi , padažen kastoi .
183. Prowbus piä ei mene .
184. Rastaw rawguw , viäristü vinguw , äijüpäivü kättü andaw .
185. Rastavan aigua päčči liigua l’ämbiäw (= päivü on pitkembi päčinlämbiändän aijan ).
186. Reboi reboin hännäl’e ei polle .
187. Riidu l’ähtöw rikkažes , tora l’ähtöw toppažes .
188. Riijel’l’es l’ehmü müä , da sana osta .
189. Rodiandusijan tiät , a kualendusijua et tiä .
190. R’umku viinua , süli nuarua .
191. Ruven jäl’gi ei kibei , piäni sil’mü ei sogei , suwri nenä ei jugei .
192. Räbinvuazi – rändžü vuazi , räbinät’öin viä rändžembi .
193. Sanožin ga sanavut (= rubiat riidah ), virkažin ga vihavut .
194. Sanottu sada rubl’ua maksaw , sanomatoi hinnatoi .
195. Sarvikoi karjah tulow , ga kaiken karjan šemaiččow .
196. Sapožniakku suappaittah , bondari pučittah , seppü veičettäh da kirvehettäh .
197. Segoi ku kana kuabeih .
198. Sikse seppü piihtet tagow , štobi käit ei palettaš .
199. Siilo sanua , libo herneht’ü sein’äl’e l’ükkiä .
200. Sil’mürukat varatah , a käzirukat ruatah .
201. Sil’mat süädäš , a vaččah ei mene .
202. Sinus ruadai , ku počis kündäi .
203. Siästäjäl’e süäjü l’öwdüw (hiiri libo ken tahto süäw ).
204. Sogei sowdaw (= ombelow kui puwttuw ), miäl’et’öi pidäw .
205. Suaju suappain pidäw , suamatoi kengättäh kävel’öw .
206. Suavansijua (hüviä kodii ) en suanne , ga salgopuwn nengožen suan (miehel’e mennes libo naijes sanotah ).
207. Suavattu on ennem piätteniččiä (konzu aluspaidu nägüw ).
208. Sula (= luaskaw ) lapsi kaksi emiä imöw , ül’mäkkö ühtengi kaimuaw .
209. Susiadas naiduw roitos huttuvävvü (= joga hutule ruvetah kirgumah ).
210. Suw on pahale kohtale l’eikattu (= äijän pagižow ).
211. Suwdu viärištä da omua puališta .
212. Suwh sanow , vaččah menöw .
213. Suwri täwttü ei pakiče .
214. Suwttuw , ga iče jallat jaksaw .
215. Suwtui , ga n’ed’älikse ottaw gos’tih , a kahtekse ni aigua ewlo (libo : jovva en ).
216. Süä nagriš nagramattah (= muwdu nagraw , ičel’l’eh on sidä že ).
217. Süändü süändän piäl’e , luadih , a l’üändü l’üändän piäl’e ei luad’ei .
218. Süvves hiästüw , a ruadajes kül’mäw .
219. Žiivattu süändüsijan mustaw , l’üändüsijua ei musta .
220. Tabail’e (= süä ), kurgi , kukšinas .
221. Tiädäw hebo rien potkijes .
222. Tuatto kualow – puali armua kaduaw , a vaiku muamo kualow ga kai armot kavotah (lapsil ).
223. Tugi heiniä ei süä , vara (seiväs ) aidua ei kua .
224. Tukkun’äpin däh toras ei piä diäjä .
225. Tulel ištua da ku käzii ei l’ämmittiä ga .
226. Tullow ga tuahus , ei tulle ga lohos (= konzu kedä ei äijäl vuateta ).
227. Tuwlel tuadu , ahaval ajettu (= tuatotoi lapsi ).
228. Tühjü huavo püstüi ei püzü .
229. Töl’l’önnüh l’ehmü rengimüsniakku oli .
230. Upr’uamoil hevol vettü viätäh .
231. Uskaldettuw kolme vuattu vuatetah .
232. Uskalmo on tühjü .
233. Vahnu ruavon ruadaw , ku l’öwdö l’öwdüw , l’eivän süäw ku tuli poltaw .
234. Vahnu vavol ei hairua , vavon piäh hot’ ei suanne piästä .
235. Vahnus ei valehite tule .
236. Vai liämeh palat , ga maidohgi puhut .
237. Vaikkani olii vallan ottaw .
238. Varua et , ga varavoine piä .
239. Vellal on puwhižet jallat .
240. Vellal on sangiat jallat .
241. Viaras l’ehmü karjah tulow , ga kaikin puskiah .
242. Viarastu riidua bokaspäi on hüvä kuwnella , iče äl’ä küskei .
243. Viärettel’etös (= pedvuatos ), ku hiiren pezän süänüh .
244. Viäristäs čigan turkin müäw .
245. Viinua juvva – ei ku halgua särgiä .
246. Vuattua da tavata : sidä pahembua ewlo .
247. Vähembän ti (ät , enämbän maguat .
248. Vähembän tiät , vähembii küzütäh .
249. Vähä väl’tümäh , tühjü kaduamah (= suwttujah näh ).
250. Vähän päiväs , äijän vuvves (ruat ).
251. Vävvül’l’üä vai gos’tih kävvä .
252. Vävvün päčči libei on (= liznit ).
253. Vävvün päčči st’oklaine on (= murenow ).
254. Vävvü koiš , seinät vois (= brihua riäžitetäh , konzu häi on tütön koiš ).
255. Ühtel suwl itket dai nagrat .
256. Ühtü venehtü tervatah (= midä üksi , sidäi toine , omat keskenäh ).
257. Al’ä hualita iččiä kiittiä , bokaspäi hindu annetah .
258. Äl’ä ihastu ezmäštü kiitändiä , äl’ä pöl’l’ästü ezmäštü moitindua .
259. Äl’ä kačo kaivoh , kačo puwruh (sanotah taiginan sevoittajale ).
260. Äl’ä l’ähte ni polgemah , ni loppemah dorogua .
261. Äl’ä nagra nagrištu , koiššas kazvaw pun’uštu (libo rötkiä ).
262. Äl’ä varua kurjuttu ni köwhüttü , vai varua , vaivaine , vahnuttu .
263. Äl’ä varua köwhtündiä , varua laihtundua .
264. Äl’ä varua – miäs kuaduw , varua – astal (= seiväs , libo kangi ) katkiaw .
265. Äl’ä äijäl suwrendel’l’ei : olet bembel’el tuadu (sanotah akale ).
266. Äl’ägo torua , äl’ägo varua .
Sananpolvet, privutkat
карельский: ливвиковское наречие
Коткозерский