Тексты
Вернуться к списку | редактировать | удалить | Создать новый | История изменений | Статистика | ? Помощь
Arbaitukset
Arbaitukset
карельский: ливвиковское наречие
Коткозерский
1.
Riihi
rawdaine , l’evo kagraine (Čupukku riehtil’äl ).
2.
Riižua hebuo kon’ušnu täws , a voronču menöw – kai ajaw (Kowkku hiil’et päčis vedäw ).
3.
Tuatto da muamo vaste roijaheze , a poijat jo pihal kävel’l’äh (Päčči viriew , hiil’et vaste roijah , a savvu jo pihal ).
4.
Vazua liävü täwz , a hännät iral (Luzikat stawčas ).
5.
Meijän mustikoi on moine : kanna vettü mitahto – kai juow (Kül’ün päčči ).
6.
Siivet on – l’endiä ei voi , a jalgoi ei ole , a kävel’öw (Kala ).
7.
Kandaju ei väzü , a kannettaw väzüw (Venehel ajai ).
8.
Rawdaine kaži , a sobahiine händü (Nieglu niitin kere ).
9.
Sada hawdua ühtes havvas (Sorminahku ).
10.
Kidžeräine-kodžeroine – kaikil käit kaččow (Kiägü ).
11.
Ištuw tüttö čupus , a kassu iral (Päčči pertis , truba l’evol ).
12.
Krugloi mügürüččü , ümbäri sammalekas , rodiw bеda , rubiew l’ähtemäh vezi (Sil’mü ).
13.
Poččiine püöriw – vaččaine täwdüw (Tainu ).
14.
Pitkembi pitkii puwloi , madalembi muaheinii (Dorodu ).
15.
Tammi muas da taivahassah , viižikümen kaksi oksaštu , joga oksal seiččie jäiččäštü – viiži ruskiedu , kaksi mustua (Vuozi ).
16.
Mužikku meččäh astuw , zirkalo sel’l’äs (Kirves vüön tagan ).
17.
Mužikku tulow mečäs päi , jäl’l’et jiäjäh kodažil (Virzulois tulow mužikku kodih ).
18.
Käzittäh i kirvehettäh salvettu pertiine (Lindužen pezäine ).
19.
Käzittäh i kirvehettäh sroittu sildu (Joves libo järves jiä ).
20.
Aijan ravos sündüw , a ikkunas ei sünnü (Sarju ).
21.
Üksi silmü Siidaril , segi seibähän piäs (Kezrü , kečoi ).
22.
Kaksi vel’l’estü el’etäh rinnai , dorogu keskel , a toine toštu ei nähtä (Sil’mät ).
23.
Lihua l’ešku täwz , a pohjua ni katettu ewle (Kol’čaine ).
24.
Ennenpäi on juwret , juwril piäl on šuarat , šuaroil piäl on pačas , paččahan piäs on kerä , kerän piäl on korbi , a korves ollah el’äjät (Kaikkineh ristikanzu ).
Arbaitukset
карельский: ливвиковское наречие
Коткозерский
Загадки
русский
22.