Тексты
Вернуться к списку | редактировать | удалить | Создать новый | История изменений | Статистика | ? Помощь
Bobuli-briha sanoo saaraa
Bobuli-briha sanoo saaraa
карельский: ливвиковское наречие
Видлицкий
Oli
sie enne saari .
Saari sanoi : "Ken voinoo uuzi uvvel saaraa sanuo kolmet suutkat , sil minä tüttären miehel annan ".
Sit ečitäh , ečitäh saaran sanojaa , ni kus ei löwtä .
Bobuli-briha oli üksi , se kengän ombelii oli , häi sanoo : "Minä sanon ".
Saari tüöndää polkan saldattaa kuundelemah , briha menöö sanelemah .
Häi saneloo : "Konzu minun taatto oli bohattu , kolme virstaa oli kodi piduhuttu , a virstaa levevüttü; kezäkse kraassi koin mustal kraaskal , a talvekse valgiel .
Sit oli häkki , seičče virstaa oli sarvet piduhuttu , paimoi istui sarvel , toine toizel; torvittih , ga toine toizen ei kuulluh torvindaa .
Sit , – sanoo , – on minul orazen pääs ildaine , minul pidää lähtie ildastu saamah ".
Lähtöö , päivän ombeloo da pajattaa .
Polku menöö saarilloo , saari küzüü : "Midäbo bobuli saneli ?"
Midä se bobuli-briha sanoi , sidäi net saldatat sanottih saaril .
Toine päivü tuli , tožo saari tüöndää saldatat saaraa kuundelemah , a bobuli-briha tuloo sanomah .
"Kuunelkaa nügöi , sanon saaraa , – häi sanoo , – konzu minun taatto oli bohattu , kolme virstaa oli kodi piduhuttu , a virstaa levevüttü; kezäkse kraassi koin mustal kraaskal , a talvekse valgiel .
Sit oli häkki – seičče virstaa oli sarvet piduhuttu , paimoi istui sarvel , toine toizel; torvittih , ga toine toizen ei kuulluh torvindaa .
Sit , – sanoo , – on minul orazen päs ildaine , minul pidää lähtie ildastu saamah ".
Menöö , päivän ombeloo da pajattaa .
Da , tämän saaran sanottuu häi ainos küzüü : "Kuulittogo tämän , vojennoit , dai tiezittö ?"
Tämän häi küzüi enzi dai tossu pään , a vojennoit sanottih : "Tädä saaraa emmogo kuulluh , emmogo teidänüh ".
Uvvessah vojennoit mendih saarilloo .
Saari uvvessah küzüü : "Midä briha sanoi ?"
Vojennoit sanottih : "Ga sidä samastu ".
Häi sanoi da uvvessah küzüi : "Kuulittogo tämän , vojennoit , dai tiezittö ?"
Saari kolmandennu päivännü heidü ainos n’evvoo sanomah : "Kuulimo dai tiezimö , dai näimö ".
Sit kolmas päivü mennäh taaste .
Sit taaste se briha muga sanoi : "Konzu minun taatto oli bohattu , kolme virstaa oli kodi piduhuttu , a virstu levevüttü; kezäkse kraassi koin mustal kraaskal , a talvekse valgiel .
Sit oli häkki : seičče virstaa oli sarvet piduhuttu; paimoi istui sarvel , toine toizel; torvittih , ga toine toizen ei külluh torvindaa .
Tiezittögo , – sanoi , – vojennoit , dai kuulitto ?"
A vojennoit vastatah : "Tiezimö d’o dai kuulimo , dai näimö ".
"A konzu oli minun taatto bohattu , sit andoi saaril kolme puččii dengaa , kuulittogo , saldatat , dai tiezittö ?"
"Kuulimo , dai tiezimö dai näimö !"
"Nu , gu on muga dielot , läkkäättös otamo vellat ääre ".
Sit saarilloo mendih sinne .
Sit taaste tämä briha kuuloitti : "Konzu minun taatto oli bohattu , sit saaril andoi kolme puččii d’engaa .
Kuulittogo , vojennoit , tämän dai tiezittö ?"
Vojennoit vastatah , kui saari käski : "Kuulimo müö tämän dai tiezimö ".
Muga briha sai saaris kaksi puččii d’engaa da vie kolmas d’äi vellakse .
Nai bobuli-briha da rubei mučoin ker elämäh .
Bobuli-briha sanoo saaraa
карельский: ливвиковское наречие
Видлицкий
Парень-бобыль сказки рассказывает
русский
«
«
«