Тексты
Вернуться к списку | редактировать | удалить | Создать новый | История изменений | Статистика | ? Помощь
Pelduoižen külä
Pelduoižen külä
карельский: людиковское наречие
Южнолюдиковский (святозерский)
Kouz
minä Pеlduoižis elin minun aigah oli Pеlduoine suuri külä oli seiččeikümmen kaheksa taluoid oli i d’oga oli külän agd’al osobi nimet kaikil .
Pogostaspiäi zavoditahes Kažinagd’ah lopitah .
Pogostan n’okaz oli Muale Bohatterim Miikkulassuai , siid Bohatterim Miikkulaspiäi Sürd’e oli , Golovassuai Golovaspiäi L’evoskassuai Haude , L’evoskaspiäi oli agd’ah Kažinagd’ah , Kažinagd’e kučuttih .
Nu sit taluoid daže minä voim muštai , miittumad ol’d’ih taluoit .
Pogostaspiäi zavodiiheze enzimäine taluoi oli Lesken Fed’an , siid oli Kondruoin , siid oli Il’l’an D’akun , siid oli D’er’em’an D’ohoran , siid oli Gordin , D’akuižen , Kuz’minan , Pedrin , Löhlön , Mihailovan oli , riädüs se .
Siid Mišan oli , Pešan Mišaks kirguttih , Akiimovan , D’ükin , siid oli Makarovan , D’ermolajevan , i Onuoin Fed’an oli , siit se riädü sissuai lоррih , Bohatterim Мiikkulah on taga riädü , pelduoispiäi : sigä oli Ontuoin , Arhipovan , Hutun , D’akun , Van’an akan oli .
Sit se loppih külä Mualan’n’okke , siit Sürd’e zavodiheze Bohatterim Miikkulaspiäi .
Enzimäine oli Laurin , siid oli Pekan Timuoin , siid oli Bohatterin , Rodin , St’opin , Karpan , Ruga Pešan , siid Borancevan oli , siid oli Teren’t’evän , Iivanan i Ol’ešan kodi .
Siid d’o op’ät’ sigä oli pelduoihpiäi , Sürd’än n’okal Mokin , D’urasovan , Sekon , Ol’oškan , Ruga D’ekun , sit tagariädül oli vie škola .
Nu siid d’o lоррih .
Toine lähtöu Haudan n’okke , Golovaspiäi .
Haudal oli Golovam müödäh Il’l’an , Pedran Il’l’an kodi .
Siid oli Mačin , siit Čurkinan niemekse , siid oli Čurkinan kodi , siid oli Titovan kodi , Ser’gevän kodi oli , Mišan D’akun oli Mišan , Iivanan oli , Ondr’ovan , L’evoskassuai , siid L’evoska randimaine .
Siid d’o lähtöu L’evoskaspiäi Agd’an , külä n’el’l’ talod vai viiž olnou : D’oškan , Tin’t’un , i Troškovan Agd’an St’opanan .
Sih loppih d’o külä , sinne d’o lähtöu kalmižmua , kalmižem edelleh .
Siid oli kaks kalmižente .
Kalmižem oli Kažinagd’an n’okas , ammuižih sinnä d’o , pandih kaikkid muah .
A siid d’o oli , tägä , vähäšte d’älgele azuttih , Tirkuois (Tirkuois = Kirkuois ), Sürd’än kujon suuz , kai külä tože sih pohoronii , kaikkit .
Siid oli kolme kujot .
Enzimäi oli Mualan kujo , viei dorogah suureh sinne , d’uamah; sil void mändä pogostale dai , kunna vai tahtuoid mändä .
Toine kujo oli keski küläl , Sürd’än kujokse kirguttih .
Tože voi mändä dorogah dai Präkkäh dai Riiselgäh dai , kunna vai tahtuoi mändä suurez dorogaspiäi .
I oli , vie , Hus’t’und’älgen kujo , sil kävüttih Kuzičun d’älgen .
Hebuoid viedih d’ogele da žiivatuit provodittih meččäh da kai , peldoluoile kävüttih .
Sil ei suanu piästä sil kujal (kujal = kujol ) dorogah , suureh dorogah .
Pelduoižen külä
карельский: людиковское наречие
Южнолюдиковский (святозерский)