Тексты
Вернуться к списку | редактировать | удалить | Создать новый | История изменений | Статистика | ? Помощь
Pelduoižen kohtat
Pelduoižen kohtat
карельский: людиковское наречие
Южнолюдиковский (святозерский)
Meiden
d’ärvez luoduoil i mudoksil ongitettih .
Kouz on ku lämme vezi , ka siit randemba a vilustuv vezi siid ongitettih luoduoil .
Däže luodot voim muštada : Čarniemen n’okaspiäi oli luodo Röhkäččü , siid oli Häkinluodo , siid oli Vierniemenluodo .
Siid d’o tänne lähtet Sürd’älepiäi , siid oli Suarentaguine luodo , Süväluodo .
I Mualal vie oli Larinluodoks kirguttih .
Siid Haudalepiäi lähtet , oli Čirkke , Karičal ongitettih .
Ned oli Haudan kohtal .
A siid d’o Kažinagd’an kohtal oli Valgeiruogo , Kažinluodo , Suuriheine .
Niilüöil ainoz ongitettih igä kai .
Muštelttih starikad dai minä muštan , iče kävüin niil’üöil luoduoil ongele .
Poikki d’ärves oldih tože net : Oružluodo , Kodinluodo oli , i Hiedaks kirguttih .
Net kai minä muštan daže iče kävüin ongele niilüöile luoduoile .
D’ogehpiäi ol’d’ih äbrähäd moižet , sinnä lükittih nuottad , püuttih .
Äbräz oli Selgäbräs , toin oli Viningänočan äbräs , kolmaž oli Onanakan äbräs .
Sih lähted nuotale , diäkkerid lükittih .
Miittumad ol’d’ih niemet Pelduoižen d’ärves minä voin sanoda .
Pelduoižen küläd (küläd = külän ) čurad müöti lähtet Čarniemeh suai enzimäižeks oli Vierniemi , toižeks oli Plekunniemi .
Ned d’o Čarniemessuai lopitah a siid d’o poikki d’ärves , toižel čural oli Luučanniemi , siid oli Häkinniemi , Mečojanniemi oli , sid oli Kačojanniemi , siid oli Niikuoinniemi , siid d’o tänne d’ärven čuppuh rodih Lanzinniemi .
I voi daže miittumad lähtedih d’oget siit .
Lähti Pühäd’ogi sigä , d’ärven n’okas , d’ogeks kirguttih .
Toine oja oli Lanzinoja , kolmaž oja oli Viningoja , nel’l’až oli Kačoja , siid enämbi ni olnu ei ojat ned d’o lähtedih .
Nu a siid d’o tännä voim minä gubad sanoda , miittumad on gubad Mualan n’okaspiäi zavodimme .
Enzimäižeks on Gordin D’akun guba , siid on Bohatterim Miikkulan guba , niemeks kirgutah .
Siid on Čaunniemi , siid d’ on gubakse sanotah L’evoskan .
Siit sigä d’o L’evoskan , guban taga Časouniemi .
Kalmižmuahpiäi vie Čurkinan guba oli , ende neččidä L’evoskat siid müödäh .
Peldoššikat kävüttih ongele : d’ärvez ongitettih , i lambiih kävüttih .
I d’oga oli lambi küläl , osobi lambid .
Mualan n’okal ol’d’ih lambid : Tedruoid’ärvi , Okšatlambi , Pieni Pol’vuoilambi , Suuri Pol’vuoilambi i Kover , hüö kävüttih ongele sinne .
A Sürd’änkülä kävüi Guikanlambih , Tagalambih i Arestanlambih .
Lužmah kävüi Haude da Sürd’e ühtez .
Enämbi ni lambiid ni olnu ei .
Oli nengomat suot : oli Diehkuoilambin’suo , Ulangsuo oli , Pol’vuoi’suo oli , siid oli L’ehmesuo .
Pogostaspiäi minä voim muštada miittumad mäged ol’d’ih Präkkas suai .
Ku lähtet pogostalpiäi siid oli Samsuoimmägi , siid oli Vierniememmägi , siid oli Tohmojammägi .
Siid nouzet Tagahalmidem [Tagahalmiden ~ Tagahalmehiden ] mägele .
Siid Rissuarim mägi oli , siid N’ürkämmätäz [N’ürkämmätäz = Mürkämmätäz ] oli , Ristammägi oli .
Siid d’o Präkkäd vaste oli Savergommägi .
Sih Präkkässuai minä muštan a siga enämbäd em mušta , ku Präkäz en elänü ka , Pelduoižiz elin .
Oli külä suuri , niitud oldih ülen loitton , kävüdä pidi ül’en loitokse .
Ol’d’ih Präkäs , Riselgäs ol’d’ih , Pol’vail ol’d’ih , virstat kuus seiččei enämb oli .
Arestanlambin taga oli , meill oli siid niittu , tožo kävüimme sinnä , üöči kävüimme , loitokse pidi kävüdä .
Matkansuuz oli Riiselgäz niittu , tožo kävüimme sinnä .
Lambin randaz oli Pühälambiks kirguttih niittu .
Šän’gimäle kävuttih Manganojaлe kävüttih , virstale viideletoš .
Trudn oli ruata moine , niituil .
Sii oli vie lähembä tägä Pelduoižen n’okas , Lužmahpiäi , oman d’ärven sigä tagan .
Pančum’mel’l’ičaz ol’d’ih , Tagakorbez ol’d’ih , Lužman randas ol’d’ih , Soudd’ogel ol’d’ih nitut .
I oldih Ulangon čupus Pohjuoisuod vaste niitut .
I Viningojal oldih loitton , Hanksuoz [Hanksuoz = Haršuoiz ].
Daže kävütti sinnä niittämäh virstat kümmene Kivimägen’selgäle .
Vot kui rahvahale pidi loitokse kävüdä .
Nu a erähil oli lähembä sit ken kiehtadi [kiehtadi ~ kiehtaži ] azuda ka vähäine oli peldot siid lähin niitut .
Muul [muul = muil ] kaikil oli rahvahal Pelduoižen loitton , siit pidi ainoz poikkipuoli virzu d’algas pidäi , takkat kandai niituile .
Ülen oli d’ugei ruata heinät .
Nu a siid minä voin vie spominaita peldod oldih mittumat .
Peldot ku Mualaz zavoditah agd’aspiäi .
Vie oli kaks suarte : suari oli Mualan n’okas , toin oli keskiküläl .
Suuret suared ol’d’ih , sinnä kävelttih kai lapsed da kai ol’d’ih .
A siid vot vie pelduoid voim muštai , enzimäižekse Mualan randaz zavodiheze , oli Randaide , siid oli Kuašmättähät , siid oli Tagahalmeh .
Siid oli Humal’ńikaks kirguttih .
Sigä Regitie oli , Mualan n’okan , Kuašmättähät , Vazanaide .
Nu siid d’o loppih heil net peldot lopitaheze , siid d’o roditaheze Sürd’äm peldot .
Sürd’äm peldod zavoditaheze Kuziviide , Kangas , Mägikujo , Miinuoimätäs , Sigloisüödü [Sigloisüödü = Siguoinsüödü = Siguoidensüödii ?], Zapol’kke , Mangantie , Bolotte .
Se d’o Haudam pelduoissuai sih lopitaheze Pitke Zapol’kke .
Nu a siid d’o Haudan peldod zavoditaheze : Ontuinaide , Regitie , Sürd’äsuo’rande , Selgäntie , Tagahalmehet , sid oldah Pitke Zapol’kke , Pedäi Zapol’kke .
Siid d’o Agd’am peldod zavoditaheze : D’ermuoin puuste , D’ogiveräi i Kalmižmuam peldot .
Heil sigä ei ni äijäd olnu , sih lopitaheze neče Agd’an n’okkah , net peldot heiden .
Muard’ah kävüttih Pelduoižispiäi Guikallambin dorogale .
Sigä oli Bohatterim Мiikkulan peldo , peldoz ümbäri , murd’at [murd’at =muard’at ] sienet sigä keräžimme .
Siit kävüttih korbeh , Huapkangahile lähti dorok siid lähti Riiselgäh .
Dorogad müöti kirguttih Mokinkorbi , on sinnä sieneh kävüttih , Mokinkorbeh .
Siid op’ät’ Riiselgän dorogaz verniheze vie dorok Tagalambin tagakse sit kirguttih Piiraimägenselgäl , korbes , sienez olimme da muard’az .
No siid d’o tänne kiändäheze vie dorok , Hämehenselgän dorok , Präkkähpiäi .
Siid d’o sigä kävüttih enämbäd ei Hämehenselgän dorogad müöti kävüttü Ristanselgäle da korbeh .
Sinnä Hämehenselgän korbeh , a sigä d’o Präkke lähti sinne eikävüttü , peldoššikat .
Pelduoižen kohtat
карельский: людиковское наречие
Южнолюдиковский (святозерский)
Пелдожские места
русский
[
[