Тексты
Вернуться к списку | редактировать | удалить | Создать новый | История изменений | Статистика | ? Помощь
Kut nahkan tegiba
Kut nahkan tegiba
вепсский
Южновепсский
Nahkan
ligotaba vedhe , pidäba nedalin' vedes .
Vedespää otaba , lačhu paneba , izveskad paneba , segoitaba .
Koumed–nelläd sutkad pidäba izveskas nečiš .
Izveskaspää heitaba , pezeba kaiken .Kabitas , i putuiž lihad sina nahkha .
Veičoo kabitas mäzran i karvan , pezeba čomašti .
Tegeba muigetišt , harplid’ ningošt , leibälišt , paneba möst lačhu , segoiteleba .
Potom harplišpää heitaba .
Hobiba raadaažid korid , haadutaba ned kored vähäižoo katl’as libo čugunas päčiš .
Vilugandehtab .Heitaba necen nahkan oiktaižen bokan , kudamboo bokaa karf , korid’ nenid hobediid’ , jähoks tegese , sipliba i zagibaiba kaiken kogoižhe .Kored hobiba petklil’ humbriš .
Kändaba hänen kaikiš bokišpää nahkpletun tukuks , sataba lačhu .
Sinažo i harpal’t’ paneba .
Koume nedalid pidäba , päliči koumes nedališ möst žo muga obdelivaiba i möst , paneba koumeks nedalikš .
Ihcan nedalid , koume smenad pidäba i nahk vaamiž liib .
Sit kuidaba i mäliba .
Nahkaspää kr’ukad täniba , polukr’ukad – peredad , golenišad .
Harplin’ tegeba kagraižes jähospää , a kagrašt’ iile ka i rugihišt’ panemai .Viluhu vedhe segoitaba i käuškandeb .
Muigenzoitad sutkad nelläižed , vižjaižed voib pidäda , hot’ i nedalin’ pidäd , ii varaida .
Kut nahkan tegiba
вепсский
Южновепсский